မြင်မြင်ချင်း ချစ်တယ် ဆိုတာ ဖြစ်နိုင်ရဲ့လား

Kryvenok Anastasiia/Shutterstock

လက်တွေ့ကျတဲ့သူတွေကတော့ မြင်မြင်ချင်း ချစ်တယ် ဆိုတဲ့ စကားကို မယုံကြပါဘူး။ လူတစ်ယောက်ကို ပထမဆုံးအကြိမ် တွေ့လိုက်ကတည်းက ချစ်တယ်လို့ ထင်သွားမိတယ်ဆိုတာ ထင်ယောင်ထင်မှား ဖြစ်မှု သက်သက်ပဲလို့ သူတို့က လက်ခံထားကြပါတယ်။

Insider မဂ္ဂဇင်းရဲ့ ဆွေးနွေးမှုအရတော့ လူတစ်ယောက်ကို မြင်မြင်ချင်းမှာပဲ နက်နက်ရှိုင်းရှိုင်း ချစ်မိသွားဖို့ဆိုတာ မဖြစ်နိုင်ပါဘူးတဲ့။ ဒါပေမယ့် သူ့ရဲ့ပုံရိပ်နဲ့ လှုပ်ရှားမှုတွေ၊ သူ့ရဲ့စိတ်သဘောထားတွေက ကိုယ့်မှတ်ဥာဏ်ထဲကို ကပ်ပါလာပြီး အဲဒါတွေကို ပြန်တွေးနေမိရာကနေ အချစ်စိတ် ပေါက်ဖွားလာနိုင်တယ်လို့ ရေးသားထားပါတယ်။

သိပ္ပံပညာရှင်တွေကတော့ မြင်မြင်ချင်းချစ်တဲ့အချစ်မျိုးဆိုတာ လူတွေမှာ တကယ်ရှိကြတယ်လို့ ဆိုကြပါသတဲ့။ ဒါပေမယ့် အဲဒါကို ပိုပြီး နက်နက်ရှိုင်းရှိုင်းဖြစ်လာဖို့အတွက်တော့ အချိန်တစ်ခု ယူရသေးတယ်လို့ သူတို့က ကောက်ချက်ချကြပါတယ်။

bokan/Shutterstock

လူတစ်ယောက်ကို မြင်မြင်ချင်း ချစ်သွားတဲ့သူတွေဆိုတာ ဒီအချက်တွေကို အခြေခံကြတယ်လို့ Insider က ဖော်ပြပါတယ်။

READ
အမှန်တကယ်လက်ထပ်ချင်သူမှန်း ထင်ရှားပေါ်လွင်နိုင်စေတဲ့အချက်(၁၀)ချက်

(၁)။ သွင်ပြင်လက္ခဏာ

ကိုယ်မြင်လိုက်ရတဲ့သူရဲ့ သွင်ပြင်လက္ခဏာက ကိုယ့်အတွက် အရမ်းအထင်ကြီးစရာ၊ သဘောကျစရာဖြစ်နေတာ။ ဒါမှမဟုတ် ကိုယ့်အတွက် ဆွဲဆောင်မှုတစ်ခုခုရှိနေတာ။ နှစ်လိုဖွယ်ကောင်းတာ စတဲ့အချက်တွေက မြင်မြင်ချင်း ချစ်မိတာမျိုး ဖြစ်သွားစေပါသတဲ့။ ဥပမာ – သူကိုယ့်ကို ပြုံးလိုက်တဲ့ ပထမဆုံးအပြုံးက ကလေးတစ်ယောက်လို အပြစ်ကင်းနေတာ၊ သူ့မှာပါးချိုင့်လေးတွေ ရှိနေတာ စသဖြင့် သူ့ကိုမြင်မြင်ချင်းမှာပဲ ကိုယ့်အတွက် ရူးသွပ်သွားပြီလို့ ခံစားလိုက်ရတာမျိုးက မြင်မြင်ချင်း ချစ်တယ်ဆိုတာကို ဖြစ်လာစေတာပါ။

Dragon Images/Shutterstock

(၂)။ အပြုအမူ

ကိုယ်သူ့ကို မြင်လိုက်တဲ့အချိန်မှာ သူက တစ်ယောက်ယောက်ကို ကူညီပေးနေတာပဲဖြစ်ဖြစ်၊ လှုပ်ရှားမှုတစ်ခုခုလုပ်နေတာပဲဖြစ်ဖြစ် စတဲ့ အပြုအမူလေးတစ်ခုကြောင့်လည်း သင် သူ့ကို မြင်မြင်ချင်း ချစ်သွားစေပါသတဲ့။ သူလုပ်နေတဲ့အပြုအမူက သင့်အတွက် သဘောကျစရာဖြစ်နေပြီး အဲဒါကို အထင်ကြီးသွားပြီဆိုတာနဲ့ သင့်စိတ်ထဲမှာ မြင်မြင်ချင်းချစ်တယ်ဆိုတာကြီးက မွေးဖွားလာဖို့ အခွင့်အလမ်းတွေ များနေပါပြီ။

READ
သက်ဆုံးတိုင်ထိ လက်တွဲသွားနိုင်ဖို့ Relationship တစ်ခုကို ဘယ်လိုတည်ဆောက်ကြမလဲ

(၃)။ သင့်ဦးနှောက်ထဲက အချက်ပေးသံ

တစ်ခါတလေကျရင် ကိုယ်မသိလိုက်ပဲ ကိုယ့်မသိစိတ်ထဲကနေ ဒီလူကတော့ ငါချစ်တဲ့သူပဲ လို့ ဆုံးဖြတ်မိသွားတာမျိုး ဖြစ်ကောင်းဖြစ်နိုင်ပါတယ်။ လူတစ်ယောက်ကို၊ နေရာတစ်ခုမှာ အမှတ်မထင်မြင်လိုက်ရုံနဲ့ ဒီလူက ငါချစ်တဲ့သူပဲလို့ ထင်လိုက်မိတာမျိုး ဖြစ်သွားတယ်ဆိုရင် အဲဒါက သင့်ဦးနှောက်ကနေ သိမ်းဆည်းထားတဲ့အချက်တွေကို အခြေခံပြီး စုပေါင်းပေးလိုက်တာပါ။ သင်မြင်လိုက်ရတဲ့သူက သင်သဘောကျတဲ့ပုံစံမျိုးတွေရှိနေတယ်လို့ သင့်ဦးနှောက်က အချက်ပေးလိုက်တာပါပဲ။

eldar nurkovic/Shutterstock

ဒီတော့ ကောက်ချက်ချရမယ်ဆိုရင် မြင်မြင်ချင်းချစ်တဲ့အချစ်မျိုးဆိုတာ တကယ်ပဲရှိကြတယ် လို့ ပြောရမှာဖြစ်ပြီး ပိုပြီး နက်နက်ရှိုင်းရှိုင်းဖြစ်ဖို့ကတော့ အချိန်တစ်ခု ကို ဖြတ်သန်းရမှာပါ။

Linn

SHARE