ပိုက်ဆံမရှိတဲ့အချိန် ရည်းစားထားမိခြင်းရဲ့ ဆိုးကျိုးတွေ

solominviktor/Shutterstock

ကိုယ်က အလုပ်လည်းမရှိ၊ ကိုယ်က ၀င်ငွေမရှိလို့ ကိုယ့်အိမ်ကများ ပိုက်ဆံရှိသလားဆိုတော့လည်း မရှိ။ ဒီလိုမျိုး ပိုက်ဆံမရှိတဲ့အချိန်မှာ ရည်းစားလေးတစ်ယောက် ရပြီဆိုပါစို့။ ပျော်ရမယ်လို့ ထင်သလား။

ပိုက်ဆံမရှိတဲ့အချိန် ရည်းစားထားမိရင် ဘယ်လိုဆိုးကျိုးတွေက သင့်အတွက် စောင့်နေသလဲဆိုတာ ဖတ်ကြည့်လိုက်ပါဦး။

(၁)။ ချိန်းတွေ့ဖို့တောင် နေရာရွေးနေရတယ်

ကိုယ့်မှာ ပိုက်ဆံမရှိတဲ့အချိန်ဆိုရင် ဘယ်နေရာမှာ ချိန်းတွေ့မလဲဆိုတာက အစ သေချာ စဉ်းစားနေရပြီ။ ကော်ဖီဆိုင်ကောင်းကောင်းမှာ တွေ့ရင် နှစ်ယောက်စာ ကော်ဖီဖိုးနဲ့ မုန့်ဖိုးကို ရှင်းနိုင်ပါ့မလား ၊ စားသောက်ဆိုင်မှာတွေ့ရင် အဆင်ပြေပါ့မလား၊ ပိုက်ဆံမကုန်တဲ့ ပန်းခြံထဲပဲ သွားထိုင်နေရင် ကောင်းမလား..စသဖြင့် နေရာတွေ ရွေးနေရပါပြီ။ ပိုက်ဆံမရှိတဲ့အချိန်မှာ အဓိက ပြဿနာ က နေရာရွေးနေရတာပဲဖြစ်ပြီး ကိုယ့်မှာရှိတဲ့ ပိုက်ဆံနဲ့၊ တွေ့ရမယ့်နေရာနဲ့ကို အဆင်ပြေအောင် တွက်နေရတာက တကယ့်ကို စိတ်ညစ်စရာပါ။

READ
တစ်သက်တာမပြောင်းလဲဘဲ ချစ်တတ်တဲ့မိန်းကလေးတွေက … ဒီလိုပါ
Mivolchan19/Shutterstock

(၂)။ အလိုလိုနေရင်း အားငယ်နေလိမ့်မယ်

အစပိုင်းကတော့ တစ်ယောက်ကိုတစ်ယောက် အရမ်းချစ်နေကြလို့ အဆင်တွေ ပြေကောင်းပြေနိုင်ပေမယ့် အချိန်တွေကြာလာတာနဲ့အမျှ ဟိုတွေး ဒီတွေးတွေ တွေးလာမိမှာပါ။ အထူးသဖြင့်တော့ ကိုယ့်မှာ ပိုက်ဆံမရှိဘူးဆိုရင် သူ့ကိုပျော်အောင်လုပ်ပေးနိုင်ပါ့မလား၊ ကိုယ်က သူနဲ့ တကယ်ရော ထိုက်တန်ရဲ့လား၊ ကိုယ့်ထက်ပိုပြီး သူ့ကို အဆင်ပြေအောင်ထားနိုင်မယ့်တစ်ယောက် ပေါ်လာမလား…စတဲ့အတွေးတွေနဲ့ အလိုလိုနေရင်း အားငယ်နေမိပါလိမ့်မယ်။

Mivolchan19/Shutterstock

(၃)။ အကြွေးတွေများလာလိမ့်မယ်

ကိုယ့်မှာ ပိုက်ဆံမရှိပေမယ့်လည်း ကိုယ့်ချစ်သူက တွေ့ချင်တယ်၊ ဟိုဟာ ဒီဟာ စားချင်တယ်ဆိုရင် သူ့ဆန္ဒကို ဖြည့်ဆည်းပေးချင်ကြတာပဲလေ။ ဒီတော့ အဲဒီလိုတွေ့ဖို့၊ သွားဖို့၊ စားဖို့အတွက် သူငယ်ချင်းတွေဆီက ပိုက်ဆံချေးရပါလေရော။ ကိုယ့်ချစ်သူက ကိုယ့်အပေါ် အလိုက်သိတဲ့သူမျိုးဆို ပြဿနာမရှိပေမယ့် သူတို့လိုချင်တာပဲ သိတဲ့ချစ်သူမျိုးဆိုရင် ကိုယ့်ရဲ့အကြွေးတွေလည်း တဖြည်းဖြည်း ပိုများလာဖို့ပဲ ရှိတယ်ဆိုတာ သိထားလိုက်ပါ။

READ
အနေဝေးတဲ့ချစ်သူတွေကြား အချစ်ရေးအဆင်မပြေဖြစ်ရတဲ့အကြောင်းရင်း(၅)ချက်
solominviktor/Shutterstock

(၄)။ နောက်တစ်ယောက်ဆီ အချိန်မရွေးပါသွားနိုင်တယ်

ကိုယ်က သူ့အတွက် အမြဲတမ်းပျော်အောင် လုပ်မပေးနိုင်တဲ့ အခြေအနေ၊ သူလိုချင်သမျှကို မဖြည့်ဆည်းပေးနိုင်တဲ့ အခြေအနေတွေမှာ နောက်တစ်ယောက်ဆီကို အချိန်မရွေးပါသွားနိုင်ချေလည်း ရှိပါတယ်။ သူက Show ပွဲတွေသွားကြည့်ချင်တယ်၊ ကိုယ်က လိုက်မပို့နိုင်ဘူး၊ သူက ခရီးသွားချင်တယ်၊ ကိုယ်က ဘာမှမတတ်နိုင်ဘူး။ ဒီလိုအခြေအနေတွေမှာ သူ့ကို လိုက်ပို့နိုင်တဲ့သူ၊ သူလိုချင်တာကို ဖြည့်ဆည်းပေးနိုင်တဲ့သူကိုပဲ သူက လိုချင်မှာပါ။ အဲဒါက သူ့အပြစ်လို့ ပြောဖို့ထက် ပိုက်ဆံမရှိပဲ ရည်းစားထားချင်တဲ့ ကိုယ့်အပြစ်လို့သာ မှတ်ယူလိုက်ပါနော်…။

Linn

SHARE