ရည်းစားနဲ့ပြတ်ပြီး တစ်လအတွင်းမှာ နေထိုင်သင့်တဲ့ပုံစံ(၅)မျိုး

Luis Molinero/Shutterstock

ရည်းစားနဲ့ပြတ်တယ်ဆိုကတည်းက တစ်လလောက်ကတော့ စားမ၀င်အိပ်မပျော်၊ မှိုင်တွေ ငေးမောပြီး အဆိုးဆုံးအချိန်တွေကို ဖြတ်သန်းနေရမှာပါ။ အဲလောက်ကြီးမဟုတ်ရင်တောင် အနည်းနဲ့အများတော့ ခံစားကြရမှာပဲလေ။ တကယ်တော့ ရည်းစားနဲ့ပြတ်တယ်ဆိုတာ ဒီလောက်ဆန်းတဲ့ကိစ္စမှ မဟုတ်တာနော်။ တွေ့မယ်၊ ဆုံမယ်၊ ကွဲမယ် ဆိုတာ ဓမ္မတာပဲလေ။ ဒီတော့ ရည်းစားနဲ့ပြတ်ပြီး တစ်လအတွင်းမှာ ကိုယ့်ကိုယ်ကိုယ် သက်သောင့်သက်သာဖြစ်စေဖို့နဲ့ အဆင်ပြေစေဖို့ ဒီနည်းလမ်းလေးတွေကို သုံးပြီး နေထိုင်ကြည့်ကြမယ်….။

(၁)။ နောက်ထပ်ရည်းစားသစ်ရှာဖို့ မစဉ်းစားပါနဲ့ဦး

တချို့က ရည်းစားနဲ့ပြတ်လို့ ၀မ်းနည်းနေတယ်သာပြောတာ ပြတ်ပြီးလို့ (၇)ရက်လောက်ကြာတာနဲ့ ရည်းစားသစ်တွေ ထပ်ရှာနေကြပြီ။ တစ်ဖက်မှာလည်းကြေကွဲ၊ တစ်ဖက်မှာလည်း နောက်တစ်ယောက် ထပ်တွဲဖို့ စဉ်းစားနေ အဲဒီလိုတွေဖြစ်နေပြီး ဘ၀ကြီးက ပျော်ဖို့မကောင်းဘူးလို့ ထင်လာမိမှာပါ။ အနည်းဆုံးတော့ ရည်းစားနဲ့ပြတ်ပြီး တစ်လ၊နှစ်လအတွင်း တစ်ယောက်တည်းနေလိုက်ပါဦး။ ပြီးရင် ခေါင်းအေးအေးနဲ့စဉ်းစားကြည့်၊ ဘာတွေဆက်လုပ်သင့်လဲ၊ နောက်တစ်ယောက်နဲ့တွဲဖို့ ကိုယ့်ကိုယ်ကိုယ်အဆင်သင့်ဖြစ်ရဲ့လား၊ စတဲ့မေးခွန်းတွေကို ကိုယ်တိုင်ဖြေကြည့်ပြီး အဆင်ပြေပြီဆိုမှ ရည်းစားသစ်တစ်ယောက် ထပ်ရှာဖို့ အကြံပြုချင်ပါတယ်။

READ
Crush ကိုယ့်ကို သတိထားမိလာစေမယ့် နည်းလမ်းများ
Dean Drobot/Shutterstock
(၂)။ မိသားစု၊သူငယ်ချင်းတွေအတွက် အချိန်ပေးပါ

ရည်းစားရှိနေတဲ့အချိန်တုန်းက မိသားစုအတွက်၊ သူငယ်ချင်းတွေအတွက် အချိန်မပေးနိုင်ခဲ့ပဲ ကိုယ့်ရဲ့အချိန်တွေ အားလုံးနီးပါးကို ရည်းစားအတွက်ပဲ ပေးနေရတယ်မို့လား။ ဒီတော့ ရည်းစားနဲ့ပြတ်ပြီးတဲ့နောက် မိသားစုနဲ့ သူငယ်ချင်းတွေအတွက် အချိန်ပေးလို့ရသွားပြီလေ။ သူတို့ကို အချိန်ပေးခြင်းအားဖြင့် ကိုယ့်ရဲ့ကြေကွဲမှုအတိုင်းအတာကို လျော့ကျသွားစေပြီး ရည်းစားထက် အရေးကြီးတာတွေ ရှိနေပါသေးလား ဆိုတဲ့အသိကိုလည်း ရလာစေပါလိမ့်မယ်။

Dean Drobot/Shutterstock
(၃)။ တစ်ကိုယ်တည်းသွားလို့ရတဲ့ ခရီးတစ်ခုစီစဉ်ပါ

ကဲ…မိသားစုနဲ့ သူငယ်ချင်းတွေအတွက် အချိန်ပေးပြီးသွားပြီဆိုရင် တစ်ယောက်တည်းသွားဖို့ ခရီးတစ်ခုလောက် ပြင်ဆင်လိုက်ပါဦး။ စိတ်ပြေလက်ပျောက်ပေါ့။ တစ်ကိုယ်တော် ခရီးထွက်ခြင်းက သင့်အတွက် ခံစားမှုအသစ်တွေကို ပြန်လည်ဖြစ်ပေါ်စေမှာဖြစ်ပြီး စိတ်ကူးအသစ်တွေ၊ မျှော်လင့်ချက်အသစ်တွေကို ဖြစ်လာစေမှာပါ။

(၄)။ ချစ်သူကိုပြန်တွဲဖို့ မစဉ်းစားပါနဲ့

ရည်းစားနဲ့ပြတ်ပြီး တစ်လအတွင်း မလုပ်သင့်ဆုံးအလုပ်ကတော့ လမ်းခွဲပြီးသွားတဲ့ ရည်းစားနဲ့ပြန်တွဲဖို့ စဉ်းစားနေမိတာပါပဲ။ နှစ်ယောက်စလုံးက အဆင်မပြေလို့ လမ်းခွဲခဲ့ကြတာပဲမို့လား။ ဘာလို့ ပြန်တွဲဖို့ စဉ်းစားရင်း စိတ်အပင်ပန်းခံနေမှာလဲ။ အနည်းဆုံး တစ်လလောက်တော့ ကိုယ့်ကိုယ်ကိုယ် ပြန်စောင့်ကြည့်လိုက်ပါဦး။ သူမရှိပဲ ဘ၀ကို ရှေ့ဆက်လို့ရတယ်ဆိုတာ သိလာပါလိမ့်မယ်။

READ
ပျိုမေတွေ ဒီလိုယောက်ျားမျိုးကိုပဲ လက်ထပ်ဖို့ရွေးချယ်သင့်ပါတယ်
(၅)။ စိတ်ကို အလိုမလိုက်မိပါစေနဲ့

ရည်းစားနဲ့ပြတ်ပြီးတဲ့နောက် အဖြစ်များကြတဲ့ ပြဿနာက စိတ်အလိုလိုက်မိတတ်ကြတာပါ။ လမ်းခွဲပြီး တစ်လအတွင်း ကိုယ့်ကိုယ်ကိုယ် ထိခိုက်အောင်၊ နာကျင်အောင်လုပ်ဖို့ ကြိုးစားကြမယ်၊ ကိုယ် အချိန်တွေအကြာကြီး စုထားခဲ့ရတဲ့ ပိုက်ဆံတွေကို စိတ်ညစ်လို့ဆိုပြီး ခဏလေးနဲ့ သုံးပစ်လိုက်မယ်၊ ကိုယ့်ပတ်ဝန်းကျင်ကလူတွေနဲ့ အဆင်ပြေအောင်မနေနိုင်တော့ဘူး၊ မိဘတွေနဲ့ ပြဿနာတွေတက်တယ်..စသဖြင့် ကိုယ့်စိတ်ကို လွှတ်ပေးလိုက်တာမျိုး မဖြစ်ပါစေနဲ့နော်။

Luis Molinero/Shutterstock

Linn

SHARE