ဖြူစင်တဲ့အချစ်ဆိုတာ ဒီအချက်(၅)ချက်နဲ့ပြည့်စုံတယ်

Surkov Vladimir/Shutterstock

ဖြူစင်တဲ့အချစ်ဆိုတာ ဘာလဲလို့ မေးလိုက်ရင် အကုန်လုံး ဝေ့လည်ကြောင်ပတ်တွေ ဖြစ်ကုန်ကြတာပါ။ အကြောင်းကတော့ ဖြူစင်တဲ့အချစ်ဆိုတာ ဘာလဲလို့ မသိကြသူတွေ၊ ပြောမပြတတ်သူတွေ များတာကြောင့်ပါပဲ။ လူအများစု သိထားတာကတော့ အချစ်ဆိုတာ အချစ်ပဲ။ ဖြူစင်တာတွေ မဖြူစင်တာတွေမရှိဘူး။ လူတစ်ယောက်ကို ချစ်တယ်ဆိုတာ ချစ်တယ်ပဲ။ ကျန်တာမသိဘူး။ အစရှိသဖြင့်ပေါ့။ အချစ်ဆိုတဲ့အကြောင်းက ထင်ထားတာထက်အများကြီး ကျယ်ပြန့်ပါတယ်။ ဒါပေမယ့် ဖြူစင်တဲ့အချစ်အကြောင်း ပြောရင်တော့ ဒီ(၅)ချက်က ပါမှဖြစ်မယ်ထင်တယ်……

(၁)။ သူ့ကိုပိုင်ဆိုင်ရဖို့ထက် သူပျော်နေဖို့ကိုပဲကြိုးစားတယ်

ကိုယ်ချစ်တဲ့သူကို ပိုင်ဆိုင်ရဖို့ထက် သူပျော်နေဖို့ကိုပဲ ဦးစားပေးတာက အချစ်ရဲ့ ကြည်လင်တဲ့ပုံစံတစ်မျိုးပါ။ ဒါကို ၀တ္ထုတွေ၊ ရုပ်ရှင်တွေထဲမှာ အများဆုံးတွေ့ရတယ်ဆိုပေမယ့် အပြင်လောကမှာလည်း ရှိတတ်ပါတယ်။ ကိုယ်က ပိုက်ဆံမရှိတဲ့သူ၊ ကိုယ်ချစ်တဲ့သူအတွက်လည်း ဘာမှလုပ်မပေးနိုင်။ သူ့ကို ကိုယ်ပိုင်ဆိုင်ရရင်လည်း သူ့အတွက် ဘာမှဖြည့်ဆည်းပေးနိုင်မှာမဟုတ်။ ဒီတော့ ကိုယ့်ထက်အဆင်ပြေတဲ့တစ်ယောက်နဲ့ သူပျော်နေဖို့ပဲ။ အဝေးကနေ ငေးကြည့်နေဖို့ပဲ။ ဒီလိုအချစ်မျိုးပေါ့..။

READ
ကိုယ်စိတ်ဝင်စားနေသူမှာ ပိုင်ရှင်ရှိနှင့်ပြီးသားဆိုရင် ဘယ်လိုလုပ်မလဲ.?
doodko/Shutterstock

(၂)။ လွတ်လပ်ခွင့်အပြည့်အ၀ပေးတယ်

ကိုယ်က သူ့ကိုအရမ်းချစ်လို့ သူ့အတွက်ကောင်းမယ်ထင်တာတွေပဲ စီစဉ်ပေးရင်း သူ့ရဲ့လွတ်လပ်ခွင့်ကို ချုပ်ခြယ်သလို ဖြစ်လာတာမျိုးတွေလည်း ကြုံဖူးကြမှာပါ။ ဘယ်သူပဲဖြစ်ဖြစ် အချစ်မှာ လွတ်လပ်ချင်ကြပါတယ်။ ကိုယ့်ကို မချုပ်ခြယ်ပဲ လွတ်လပ်ခွင့်အပြည့်ပေးထားတဲ့ အချစ်မျိုးကမှ တကယ့်ကို ပျော်စရာကောင်းတယ်လို့ ထင်ကြပါတယ်။ လူအများစုကတော့ လွတ်လပ်ခွင့်ပေးထားတဲ့အချစ်မျိုးတွေက လွယ်လွယ်လေး ပျက်စီးသွားတတ်တယ်လို့ ထင်တတ်ကြတယ်။ တကယ်တော့ လွတ်လပ်ခွင့်ပေးတယ်၊မပေးဘူးဆိုတာ ကိုယ့်ရဲ့အတ္တပေါ်မှာပဲ အခြေခံတာမို့ ကိုယ်က သူ့အတွက် အတ္တမပါပဲချစ်လေ၊ သူကပိုပြီး လွတ်လပ်လေပါပဲ။

Yuganov Konstantin/Shutterstock

(၃)။ အယူမရှိဘူး၊ အပေးပဲရှိတယ်

လူတချို့အတွက်ကတော့ လူတစ်ယောက်ကိုချစ်တယ်ဆိုတာ သူလိုသမျှကို အကုန်ဖြည့်ဆည်းပေးဖို့ပါပဲ။ အဲဒီလူဆီက ပြန်ပြီးလိုချင်တာ ဘာမှမရှိတဲ့ ၊ အပေးပဲရှိပြီး အယူမရှိတဲ့ အချစ်မျိုးပေါ့။ သူတို့အတွက်တော့ ချစ်တယ်ဆိုတာ ပေးဆပ်ဖို့ပဲ၊ အဲဒီလို လုပ်ပေးလိုက်ရရင်ကို ပျော်နေတော့တာပဲ။ ဒီလို လုပ်ပေးခွင့်ရနေတာကိုက သူတို့အတွက် ဆုလဒ်ကြီးလို့ ထင်နေကြပြီး ဘာမှ မျှော်လင့်ချက်မထားတဲ့ ချစ်ခြင်းမျိုးနဲ့ ချစ်နေကြတော့တာ။

READ
လက်မထပ်သင့်တဲ့လူနဲ့လက်ထပ်လိုက်မိပြီဆိုရင် သိလာရမယ့်အချက်များ

(၄)။ အသက်နဲ့ရင်းပြီး စောင့်ရှောက်ပေးတတ်တယ်

တချို့ကတော့ သူတို့ချစ်တဲ့သူကို အပွန်းအပဲ့လေးတောင်မဖြစ်ရအောင် ဂရုစိုက်ပြီးစောင့်ရှောက်ပေးတတ်တယ်။ သူတို့သာ အနာခံရင်ခံမယ်၊ သူတို့ချစ်တဲ့သူကိုတော့ ဘာမှမဖြစ်စေရဘူး။ အဲဒီလို ချစ်ခြင်းမျိုးပါ။ ဒီလိုအချစ်မျိုးကို လွယ်လွယ်နဲ့တော့ မြင်ရမှာမဟုတ်ဘူး။ တကယ်အရေးကြီးလာတဲ့အချိန်၊ သေရေးရှင်ရေးဖြစ်လာတဲ့အချိန်တွေမှာမှ တွေ့ရတတ်တဲ့ချစ်ခြင်းမျိုး ဖြစ်ပြီး အဲဒီလို အချစ်မျိုးကိုလည်း ရဖို့ခက်တတ်ကြတယ်။

elwynn/Shutterstock

(၅)။ တစ်ဘ၀လုံးမှာ တစ်ယောက်တည်းကိုပဲချစ်တယ်

တစ်ဘ၀လုံးမှာ တစ်ယောက်တည်းကိုပဲ ချစ်တယ်ဆိုတာ တကယ်တော့ ထင်သလောက် မလွယ်လှပါဘူး။ နေရာတိုင်းမှာ ဆွဲဆောင်မှုရှိတဲ့သူတွေ၊ ချစ်စရာကောင်းသူတွေက ပြည့်နေတာမို့လေ။ ငယ်ငယ်လေးကတည်းက တွဲလာတဲ့ကောင်မလေးတစ်ယောက်/ကောင်လေးတစ်ယောက်ကိုပဲ တစ်ဘ၀လုံးစာ ချစ်နေတယ်ဆိုတဲ့သူတွေ၊ ပထမဆုံးချစ်တဲ့ချစ်သူကိုပဲ တစ်ဘ၀လုံးချစ်နေတယ်ဆိုတဲ့သူတွေက ရှားတယ်ဆိုပေမယ့် ရှိနေကြတာပါပဲ။ သူတို့အတွက်တော့ အချစ်ဆိုတာ တစ်ယောက်တည်းအတွက်ပဲဖြစ်ပြီး အဲဒီတစ်ယောက်တည်းအတွက်ကိုပဲ သူတို့ရဲ့အချစ်တွေ အကုန်ပေးလိုက်ပြီလို့ လက်ခံထားကြတယ်။

Linn

SHARE