ပထမဆုံးချိန်းတွေ့တဲ့နေ့မှာ မိန်းကလေးတွေစိုးရိမ်ကြတဲ့အချက်(၅)ချက်

Rawpixel.com/Shutterstock

ပထမဆုံးချိန်းတွေ့တဲ့နေ့မှာ မိန်းကလေးတွေက ဘယ်အချက်တွေကို စိုးရိမ်ကြတယ်တဲ့လဲ။ တကယ်တော့ မိန်းကလေးပဲဖြစ်ဖြစ်၊ ယောင်္ကျားလေးပဲဖြစ်ဖြစ်ပါ။ ပထမဆုံးချိန်းတွေ့ရတဲ့နေ့မှာဆိုရင်တော့ ဘယ်သူမဆို စိုးရိမ်တတ်ကြတာပဲလေ။ စိုးရိမ်မှုခြင်းတော့ မတူကြဘူးပေါ့။

အခုပြောမှာကတော့ မိန်းကလေးတွေ စိုးရိမ်ကြတဲ့အချက်တွေအကြောင်းပါ။ မိန်းကလေးတွေက ပထမဆုံးချိန်းတွေ့တဲ့အခါ ဘယ်အချက်တွေကို စိုးရိမ်ကြသတဲ့လဲ…။

(၁)။ ကိုယ့်ကိုယ်ကိုယ်ကြည့်လို့မှကောင်းရဲ့လားလို့စိုးရိမ်တယ်

ပထမဆုံးချိန်းတွေ့တဲ့နေ့ဆိုတော့ First Impression က အရေးကြီးတယ်လေ။ သူ့မျက်စိရှေ့မှာ ကိုယ်က အလှဆုံးဖြစ်နေဖို့လိုတယ်။ ဒီလိုမှမဟုတ်ပဲ တစ်နေရာရာမှာ အဆင်မပြေဖြစ်နေခဲ့ရင် သူ့အနေနဲ့  ကိုယ့်ကိုစိတ်ပျက်သွားမှာတို့ ဘာတို့ဖြစ်မှာ စိုးရိမ်မိတယ်။ အဲဒီတော့ အိမ်ကနေ ထွက်တော့မယ်ဆိုရင် ဆံပင်ပုံစံအဆင်ပြေရဲ့လား၊ မိတ်ကပ်တွေ ညီမှ ညီရဲ့လား၊ အ၀တ်အစားဝတ်ထားတာရော အဆင်ပြေရဲ့လား၊ စသဖြင့် ကိုယ့်ကိုယ်ကိုယ် ကြည့်ကောင်းပါ့မလားလို့ စိုးရိမ်နေတတ်ကြပါတယ်။

Poznyakov/Shutterstock

 

READ
ကမ္ဘာပေါ်မှာ အချစ်တတ်ဆုံး ခင်ပွန်းကိုရထားပြီဖြစ်ကြောင်း သိနုိုင်တဲ့ လက္ခဏာ(၁၀)ရပ်

(၂)။ သူက ကိုယ့်စိတ်ကူးထဲကအတိုင်းဖြစ်ပါ့မလားလို့စိုးရိမ်တယ်

အရင်တုန်းက အကြာကြီးခင်လာပြီးမှ ချစ်သူတွေဖြစ်သွားကြတာ ပြဿနာမရှိပေမယ့် သူနဲ့ အပြင်မှာ သိပ်ပြီးမရင်းနှီးပဲ ဖုန်းပြောရင်း၊ Chatting ပြောရင်းကနေ ချစ်သူဖြစ်သွားတာဆိုရင် ပိုပြီးရင်ခုန်ဖို့ကောင်းပါတယ်။ ပိုပြီးလည်း စိုးရိမ်စိတ်ဝင်နေတတ်တယ်။ ကိုယ့်စိတ်ကူးထဲမှာ သူ့ကို ပုံဖော်ထားတဲ့ ပုံရိပ်တစ်ခု ရှိနေပြီး အဲဒီစိတ်ကူးထဲက ပုံရိပ်အတိုင်းအပြင်မှာ ဖြစ်ပါ့မလား၊ ဘယ်လိုပုံစံကြီးနဲ့ မြင်ရမလဲဆိုတာ တွေးလို့ စိုးရိမ်နေမိတတ်တယ်။

(၃)။ ပြဿနာတစ်ခုခုဖြစ်မှာစိုးရိမ်တယ်

ပထမဆုံးချိန်းတွေ့တဲ့နေ့လေးမှာ စကားတွေပြောရင်းကနေ အခန့်မသင့်ပဲ အဆင်မပြေမှာမျိုး၊ ပြဿနာတစ်ခုခုဖြစ်သွားမှာမျိုးကိုလည်း စိုးရိမ်တတ်ကြတယ်။ ဒါကတော့ ယောင်္ကျားလေးပဲဖြစ်ဖြစ်၊ မိန်းကလေးပဲဖြစ်ဖြစ်ပါ။ စပြီး ဒိတ်တဲ့နေ့မှာတော့ အားလုံးအဆင်ပြေပြေလေးပဲ ပြီးသွားချင်ကြတာပဲလေ။

Poznyakov/Shutterstock

(၄)။ နှောင့်ယှက်မယ့်သူတစ်ယောက်ယောက်ပေါ်လာမှာစိုးရိမ်တယ်

နှစ်ယောက်သား အေးအေးဆေးဆေးကြည်နူးနေကြတုန်း ခင်တဲ့သူငယ်ချင်းတစ်ယောက်ယောက်၊ ဒါမှမဟုတ် ဆွေမျိုးထဲက တစ်ယောက်ယောက်နဲ့တိုးမှာကိုလည်း မိန်းကလေးအများစုက စိတ်ပူတတ်ကြတယ်။ တွဲတာကြာသွားပြီးမှ သိသွားတာက ဘာမှမဖြစ်ပေမယ့် ပထမဆုံးနေ့မှာတင်ပဲ သိကုန်ကြပြီး ၀ိုင်းလှောင်ကြမှာ၊ ဒါမှမဟုတ် အဆူခံရမှာ စသဖြင့် နှောင့်ယှက်မယ့်သူတစ်ယောက်ယောက်နဲ့ ကြုံရမှာကို စိုးရိမ်နေတတ်ကြတယ်။

READ
အရက်မူးနေတဲ့အချိန်မှာမှ ရည်းစားစကားပြောချင်ကြတာ ဘာကြောင့်လဲ

(၅)။ ကိုယ့်ကိုအထင်သေးသွားမလားလို့စိုးရိမ်တယ်

ကိုယ့်ရဲ့အပြုအမူတွေကြောင့် ကိုယ့်ကောင်လေးက ကိုယ့်ကိုအထင်သေးသွားမလား ဆိုတဲ့ ကိစ္စကိုလည်း ပထမဆုံးစတွေ့တဲ့နေ့မှာ မိန်းကလေးတွေ စိတ်ပူတတ်ကြတယ်။ လက်တွဲပြီး လမ်းလျှောက်ဖို့ပဲဖြစ်ဖြစ်၊ ပါးလေးကို အနမ်းခံဖို့ပဲဖြစ်ဖြစ် အဲဒီနေ့မှာ လုပ်ရမယ့် ကိစ္စတွေအတွက် တွန့်ဆုတ်နေတတ်ကြပြီး အကြောင်းရင်းကတော့ သူတို့ကို အထင်သေးသွားမှာ စိုးရိမ်တာကြောင့်ပါ။

Rawpixel.com/Shutterstock

Linn

SHARE