မိန်းကလေးတစ်ယောက်နဲ့မကြာခဏ မျက်လုံးချင်းဆုံမိရင်ချစ်သူတွေဖြစ်သွားနိုင်သလား

Pond's Saksit/Shutterstock

စာရေးဆရာကြီး အီကြာကွေးရဲ့ စာပေဟောပြောပွဲတစ်ခုထဲမှာ ပါဖူးတယ်လေ။ တကယ်လို့သာ ကိုယ်နဲ့ အရမ်းလှတဲ့မိန်းကလေးတစ်ယောက် အမှတ်မထင်တွေ့တယ်ဆိုရင် အဲဒီမိန်းကလေးကို (၁၀)မိနစ်လောက် စိုက်ကြည့်၊ မိန်းကလေးရဲ့မသိစိတ်ထဲမှာကို မနေတတ်ဖြစ်လာတာ။ မျက်တောင်မခတ်ပဲ နောက်ထပ် (၅)မိနစ်လောက်စိုက်ကြည့် ၊ မိန်းကလေးရဲ့ရင်တွေ ခုန်လာလိမ့်မယ် ။ အဲဒီနောက် ဆက်ပြီး နောက်ထပ် (၃)မိနစ်လောက် ဆက်ကြည့်လိုက်မယ်ဆိုရင် မိန်းကလေး က မသိစိတ်ထဲကနေ မှတ်ချက်ချလိမ့်မယ်တဲ့။ “ဒီလူကြီးက နှာဘူးကြီးနဲ့တူတယ်” ဆိုပြီးတော့…။

ပြောချင်တာကတော့ မျက်လုံးရဲ့တန်ခိုးဟာ အင်မတန်စွမ်းပါတယ်။ လူနှစ်ယောက် အမှတ်မထင် မျက်လုံးချင်းဆုံမိလိုက်တာနဲ့ တစ်ယောက်စိတ်ကို တစ်ယောက် နားလည်သွားတာမျိုးတောင် ဖြစ်နိုင်တယ်။ တစ်ခါတလေလည်း မျက်လုံးချင်းခဏလေး ဆုံမိလိုက်ရုံနဲ့တင် မြင်မြင်ချင်း ချစ်မိသွားတာမျိုးလည်း ဖြစ်နိုင်တယ်။

Pond’s Saksit

အခုပြောမယ့်အကြောင်းအရာကလည်း မိန်းကလေးတစ်ယောက်နဲ့ မကြာခဏ မျက်လုံးချင်းဆုံမိရင် ချစ်သူတွေ ဖြစ်သွားနိုင်သလားဆိုတာပါ။ ဒီအကြောင်းကို စာရေးဆရာတစ်ယောက်ဖြစ်တဲ့ Mark Manson က ရေးခဲ့တာဖြစ်ပြီး အဲဒီထဲက အချက်အလက်အချို့ကို ကောက်ယူဖော်ပြလိုက်ရပါတယ်။

READ
Broken Familyကနေလာတဲ့မိန်းကလေးကို ချစ်မိပြီဆိုရင်...ဒါတွေသိထားသင့်ပါတယ်။

(၁)။ ပတ်ဝန်းကျင်ပေါ်မူတည်တယ်

နှစ်ယောက်အတူရှိနေတဲ့ ပတ်ဝန်းကျင်ဟာ ကြည်နူးစရာကောင်းတဲ့ အနေအထားမှာ ရှိနေမယ်၊ ဒါမှမဟုတ် အဲဒီရဲ့ ဆန့်ကျင်ဖက်ဖြစ်တဲ့ စိုးရိမ်စရာ၊ အသည်းထိတ်စရာ ပတ်ဝန်းကျင်မျိုးနဲ့ ရင်ဆိုင်နေရတယ်ဆိုရင် မျက်လုံးချင်း မကြာခဏဆုံရာကနေ ချစ်သူတွေ ဖြစ်သွားနိုင်ပါတယ်။ လူတွေဟာ သူတို့ရဲ့ အတွင်းစိတ်ခံစားမှုပေါ်မှာလိုက်ပြီး တစ်စုံတစ်ယောက်အပေါ် မှီတွယ်တတ်ကြလို့ ကြည်နူးစရာ ပတ်ဝန်းကျင်မှာ မျက်လုံးချင်းမကြာခဏ ဆုံမိရင် အချစ်စိတ်တွေ ယိုဖိတ်လာနိုင်သလို၊ ထိတ်လန့်စရာ ပတ်ဝန်းကျင်ကြီးမှာ မျက်လုံးချင်းမကြာခဏဆုံမိရင်လည်း အားကိုးလိုစိတ်တွေကနေတစ်ဆင့် အချစ်တွေဖြစ်လာနိုင်ပါတယ်တဲ့။

Pond’s Saksit/Shutterstock

(၂)။ အထင်ကြီးစရာပုံစံတစ်ခုခုရှိဦးမှ

တကယ်လို့ သင့်အနေနဲ့ မိန်းကလေးတစ်ယောက်နဲ့ မျက်လုံးချင်းတော့ မကြာခဏဆုံပါရဲ့။ သင့်ပုံစံက တခြားသူတွေထက် စုတ်ပြတ်နွမ်းဖတ်ပြီး သံသယရှိစရာ ပုံစံမျိုးဖြစ်နေမယ်ဆိုရင် ချစ်သူဖြစ်မလာဖို့ ရာနှုန်းပြည့်နီးပါး သေချာနေပါတယ်။ အဲဒီလို အခြေအနေတွေမှာ မျက်လုံးချင်းဆုံတယ်ဆိုတာက မိန်းကလေးအနေနဲ့ သူ့ရဲ့အနီးအနားမှာ သင်ရှိတာကို စိတ်ပူနေတာကြောင့် ပိုဖြစ်နိုင်တယ်လို့ Mark Manson က ရေးပါတယ်။ ဒါပေမယ့် သင့်ဆီမှာ သူသဘောကျတဲ့ ပုံစံတစ်ခုခု၊ သူ့အတွက် အထင်ကြီးစရာကောင်းတဲ့ တစ်ခုခုရှိနေတယ်လို့ သူ ခံစားရရင်တော့ ဒီ မျက်လုံးချင်းဆုံမှုကနေ အချစ်တွေ ဖြစ်ပေါ်လာနိုင်ပါတယ်။

READ
အမျိုးသမီးတွေ လက်မလွှတ်သင့်တဲ့ ပုရိသအမျိုးအစား (၅)မျိုး
Pond’s Saksit/Shutterstock

(၃)။ သူ့ဆီမှာ အနှောင်အဖွဲ့တွေမရှိပါမှ

မိန်းကလေးတစ်ယောက်နဲ့ မျက်လုံးချင်းမကြာခဏဆုံတယ်ဆိုပေမယ့် သူ့ဆီမှာ ပိုင်ရှင်ရှိနေတယ်၊ သက်ဆိုင်သူ ရှိနေတယ်ဆိုရင် သင်တို့ရဲ့ မျက်လုံးချင်းဆုံမှုဟာ ဇာတ်လမ်းတိုတစ်ခုအနေနဲ့ပဲ ပြီးဆုံးသွားရမှာပါ။ ဒါဟာ ခဏတာ စိတ်လှုပ်ရှားခြင်းပဲဖြစ်ပြီး ဘာဆက်ဖြစ်မလဲဆိုတာ သိချင်တာ၊ သင် သူ့ကို ဘယ်လောက်စိတ်ဝင်စားနေသလဲဆိုတာ သိချင်တာတွေကြောင့် အခုလို မျက်လုံးချင်းဆုံမိကြတာပါ။ ဒါပေမယ့် သူ့မှာချစ်သူရှိတယ်ဆိုရင်တော့ မျက်လုံးချင်းဆုံမိရုံနဲ့ သင့်ကိုပြောင်းချစ်လာဖို့ မဖြစ်နိုင်ပါဘူး။

Linn

SHARE