အချစ်ဦးကို မေ့မရဘူးဆိုတာက ဒီအကြောင်းအရင်း (၃)ခုကြောင့်ပါ……..

Roman Samborskyi/Shutterstock

ကိုယ့်အသက်တွေ ဘယ်လောက်ပဲ ကြီးသွားကြီးသွား၊ ရည်းစားတွေ ဘယ်လောက်ပဲများခဲ့များခဲ့ အချစ်ဦးအကြောင်းကို ပြန်တွေးမိလိုက်တိုင်း ရင်ထဲမှာ ခံစားသွားရတာပဲမဟုတ်လား။ ဘယ်သူပဲဖြစ်ဖြစ် ဘ၀မှာ ပထမဆုံးချစ်ခဲ့ဖူးတဲ့ လူတစ်ယောက်ကတော့ ရှိကြမှာပါ။ အများစုကတော့ အဲဒီ လူတစ်ယောက်အကြောင်းကို တစ်ဘ၀လုံးစာ မှတ်မိနေတတ်ကြပြီး အချိန်တွေဘယ်လောက်ကြာကြာ မမေ့ကြဘူးတဲ့…။ အဲဒါ ဘာကြောင့်များလဲ။ အောက်မှာ ဖော်ပြထားတဲ့ အချက်တွေကို အခြေခံပါလိမ့်မယ်။

(၁)။ ဘ၀မှာ ပထမဆုံးချစ်ဖူးတဲ့သူမို့လို့

သူ့ကိုမေ့လို့မရဘူးတို့၊ တိုက်ဆိုင်မှုတွေရှိတိုင်း သတိရနေမိတယ်တို့ ၊ အချိန်တွေ ဘယ်လောက်ကြာကြာ မှတ်ဥာဏ်ထဲမှာ ရှိနေသေးတယ် တို့ဆိုတာက ကိုယ့်ဘ၀မှာ ပထမဆုံးချစ်ခဲ့ဖူးတဲ့သူမို့ပါ။ သူ့ကြောင့် အချစ်ဆိုတာကို ပထမဆုံးအကြိမ်ခံစားခဲ့ဖူးတာကလည်း သတိရဖို့ ဖြစ်လာစေတဲ့အကြောင်းရင်းတစ်ခုပေါ့။

Mooshny/Shutterstock

(၂)။ ခံစားချက်အသစ်တွေက မှတ်ဥာဏ်ထဲမှာစွဲနေလို့

သူ့ကြောင့် အချစ်ဆိုတဲ့ ခံစားချက်ကို ပထမဆုံးအကြိမ်ရခဲ့ဖူးတာလေ။ သူ့ကြောင့် ပျော်ခဲ့ရတာပဲဖြစ်ဖြစ်၊ ၀မ်းနည်းခဲ့ရတာပဲဖြစ်ဖြစ် ဘယ်လိုခံစားချက်မျိုးမဆို အချစ်နဲ့ပတ်သက်ပြီး ပထမဆုံးအကြိမ် ခံစားခဲ့ရတာပဲမဟုတ်လား။ ကိုယ့်အတွက်တော့ ဒါဟာ ခံစားချက်အသစ်တွေပဲဖြစ်ပြီး ဒီခံစားချက်တွေက မှတ်ဥာဏ်ထဲမှာ စွဲပြီးကျန်ရစ်စေဖို့ လုံလောက်စေပါတယ်။

READ
‘မူလီ’ လိုရစ်တတ်တဲ့ ‘မူလီမမ’ တွေဆိုတာ …
Mooshny/Shutterstock

(၃)။ အချစ်တွေ အကုန်ပုံပေးခဲ့ဖူးလို့

ပထမဆုံးချစ်တဲ့သူဆိုပေမယ့် ဒီတစ်ယောက်နဲ့ပဲ တစ်သက်လုံးတွဲရလိမ့်မယ်လို့ လူတိုင်းထင်ခဲ့ကြမှာပါ။ အဲဒီနောက် ကိုယ့်အချစ်တွေကို အကုန်ပုံအောပြီး ချစ်ခဲ့မှာပဲလေ။ အခြေအနေတမျိုးမျိုးကြောင့် လမ်းခွဲခဲ့ရတယ်ဆိုရင်တောင် ကိုယ့်အချစ်တွေအကုန် သူ့ကိုပေးခဲ့ပြီးပြီလို့ စိတ်ထဲမှာ ထင်နေမိလိမ့်မယ်။ ဒီလိုခံစားချက်က နှစ်ပေါင်းများစွာ ကြာတဲ့အထိ သူ့ကို သတိရနေစေဖို့ လုံလောက်စေပါလိမ့်မယ်…။

Roman Samborskyi/Shutterstock

Linn

SHARE