ကမ္ဘာ့အချမ်းသာဆုံး အိမ်မွေးတိရစ္ဆာန်များ

အိမ်မွေးတိရစ္ဆာန်ဆိုတာ သခင်တွေရဲ့ စည်းစိမ်ကောင်းကျိုးကို တိုက်ရိုက်မခံစားနိုင်ကြပေမယ့်၊ သခင်တွေချမ်းသာရင်
ချမ်းသာသလောက်၊ သခင်တွေက ချစ်ရင် ချစ်သလောက် ကောင်းကျိုးခံစားရပါတယ်။ တစ်ချို့သော အိမ်မွေးတိရစ္ဆာန်
တွေဟာ သာမာန်လူချမ်းသာတွေထက်ကို ပိုလျှံတဲ့ပိုင်ဆိုင်မှုတွေ ရှိကြပါတယ်။ ဒါကလည်း သူတို့တစ်တွေ တတယ်ခံစားခွင့်ရတဲ့ စည်းစိမ်တွေ ဟုတ်ချင်မှ ဟုတ်မှာပါဘဲ။ ဥပမာအားဖြင့် ခွေးတစ်ကောင်ကို ဘဏ်စာရင်းဖွင့်ပေးထားလည်း သခင်
က ငွေထုတ်ပြီး သူ့အတွက် အသုံးအဆောင်တွေ ၀ယ်ပေးမှ သူ့အတွက် အဆင်ပြေနိုင်တာမျိုး ဖြစ်ပါတယ်။ Shwemom ပရိသတ်ကြီးအတွက် ကမ္ဘာ့အချမ်းသာဆုံး အိမ်မြွေးတိရစ္ဆာန်တွေကို ဗဟုသုတအနေနဲ့ ဖော်ပြပေးလိုက်ပါတယ်။

(၁) Gunther III

ဂျာမဏီသန်းကြွယ်သူဌေးမကြီး Countess Karlotta Libenstein ဟာ 1991 ခုနှစ်မှာ ဆုံးပါးသွားခဲ့ပါတယ်။ သူမ ဆုံးပါးခဲ့
ပြီးနောက်ပိုင်း သူမရဲ့ အိမ်မွေးခွေး Gunther III အတွက် ဒေါ်လာ သန်း(80)ကို စာချုပ်စာတမ်းနဲ့တကွ ထားရှိခဲ့ပါတယ်။ အခုအချိန်မှာ အဆိုပါငွေကြေးကို ရင်းနီးမြှုပ်နှံရင်း ပြန်လည်ရရှိလာတဲ့ ငွေကြေးဟာ ဒေါ်လာ 375 သန်း ရှိမယ်လို့ သိရပါတယ်။ ဒီအမွေကို Gunther III ပြီးရင် Gunther IV က ဆက်ခံမှာ ဖြစ်တယ်လို့ သိရပါတယ်။

READ
ကမ္ဘာလှည့်ခရီးသွားတွေကို မှင်သက်သွားစေခဲ့တဲ့ ဂျပန်နိုင်ငံက ရထားလိုင်း

(၂) Grumpy

ကြောင်မလေး ဂရမ်မီဟာ နာမည်ကြီး ကော်ဖီတံဆိပ် Grumpy Cat ရဲ့ မူပိုင်ခွင့်ပိုင်ရှင် ဖြစ်ပါတယ်။ ဒီကြောင်မလေးရဲ့
ချမ်းသာ ကြွယ်ဝမှုကို အတိအကျ ခန့်မှန်းဖို့ ခက်ခဲ့ပြီး ဒေါ်လာတစ်သန်းမှ သန်းတစ်ရာအထိ ရှိမယ်လို့ ဆိုပါတယ်။ Grumpy ရဲ့ အင်စတာဂရမ်မှာ ပရိသတ် တစ်သန်းကျော်အထိ ရှိပါတယ်။

(၃) Toby Rimes

Toby Rimes ဆိုတဲ့ ခွေးလေးကိုတော့ Ella Wendel လို့အမည်ရတဲ့ သန်းကြွယ်သူဌေးမကြီးက ပိုင်ဆိုင်ပါတယ်။ ဒီခွေး
လေးဟာ ဒေါ်လာ သန်း(40) အထိ ပိုင်ဆိုင်ပြီး ဝေယျဝစ္စအတွက် လူတွေ ရာချီခန့်ထားပေးတယ်လို့ သိရပါတယ်။ 1931 ခုနှစ်မှာ ပိုင်ရှင် Ella ကွယ်လွန်ခဲ့ပြီးနောက် Toby ရဲ့ ချမ်းသာကြွယ်ဝမှုဟာ ဒေါ်လာ သန်း (80) အထိ ရှိခဲ့တယ်လို့ သိရပါတယ်။

READ
ဆင်သတ္တ၀ါတွေနဲ့ ပတ်သက်ပြီး စိတ်ဝင်စားစရာကောင်းတဲ့ အချက်အလက်များ

(၄) Blackie

ဂင်းနစ်မှတ်တမ်းမှာ ကမ္ဘာ့အချမ်းသာဆုံးကြောင်အဖြစ် မှတ်တမ်းဝင်ထားပါတယ်။ ၎င်းရဲ့ ပိုင်ဆိုင်မှုဟာ ဒေါ်လာ (13)
သန်းဖြစ်ပြီး သူရဲ့ သခင်ကတော့ ရှေးဟောင်းလက်မှုပစ္စည်းကုန်သည်ဖြစ်တဲ့ Ben Rea ဖြစ်ပြီး 1988 ခုနှစ်မှာ ဆုံးပါးခဲ့ပါတယ်။ Blackie ဟာ တကယ်တော့ Grumpy ထက် ချမ်းသာကြွယ်ဝမှု မပိုနိုင်ဘူးလို့ ဆိုပါတယ်။

(၅) Tommaso

အီတလီ သန်းကြွယ် သူဌေးမကြီး Maria Assunta ဟာ Tommaso ကို ရောမမြို့မှာ တွေ့ရှိခဲ့ပြီး ကောက်ယူမွေးစားခဲ့ပါတယ်။ သူဌေးမကြီးကွယ်လွန်တော့ Tommaso အတွက် ဒေါ်လာ (13) သန်း ထားခဲ့ပြီး၊ ၎င်းကို စောင့်ရှောက်ဖို့အတွက် Maria သက်ရှိထင်ရှားရှိစဉ်က အပါးတော်မြဲသူနာပြုအဖြစ်ဆောင်ရွက်ခဲ့တဲ့  Stefania ကို လွှဲခဲ့ပါတယ်။ Maria ဟာ အ
သက် (94)နှစ်မှာ ကွယ်လွန်ခဲ့ပြီး အိမ်ထောင်ကျခဲ့ပေမယ့် သားသမီးမထွန်းကားခဲ့ပါဘူး။

လင်းဇော်ကို (Shwemom)

source : time.com

SHARE