တစ်ချိန်ချိန်မှာ ပြန်အသက်သွင်းလို့ရအောင် အလောင်းကို အေးခဲထားပေမယ့် ရုရှားကုမ္ပဏီ

WikimediaCommons

အဲလက်စီဗိုရိုနန်ကော့ဗ်ဟာ ၄င်းရဲ့အသက် (၇၀) အရွယ် မိခင်ကြီး ကွယ်လွန်တုန်းက သူမရဲ့ ဦးနှောက်ကို အေးခဲထားဖို့ ကုမ္ပဏီတစ်ခုမှာ အပ်နှံခဲ့ပါတယ်။ ရည်ရွယ်ချက်က တစ်နေ့ သိပ္ပံပညာတွေ ထွန်းကားလာတဲ့အခါ မိခင်ကို အသက်သွင်းလို့ ရလိုရငြားဆိုပြီးတော့ပါ။

ဒီလိုဝန်ဆောင်မှုမျိုးကို ရုရှားကုမ္ပဏီတစ်ခုဖြစ်တဲ့ KrioRus က ပေးနေတာကို nypost မှတဆင့် သိရပါတယ်။ ကုမ္ပဏီဟာ ဦးနှောက်အပါ လူသေအလောင်း (၇၁) လောင်းကို အေးခဲထားပါတယ်။ အလောင်းတွေကို မပျက်စီးမယိုယွင်းနိုင်အောင် အပူချိန် အနုတ် (၁၉၅) ဒီဂရီ ဆဲလ်ဆီးယက်စ်ပေးထားပါတယ်။ လက်ရှိမှာတော့ သေပြီးသားလူကို သိပ္ပံပညာနဲ့ ပြန်ရှင်အောင် လုပ်ဖို့မဖြစ်နိုင်သေးပေမယ့် KrioRus မှာတော့ အလောင်းအပ်ထားသူတွေ ရှိနေတာ ဖြစ်ပါတယ်။

unsplash/ Scott Rodgerson

အဲလက်စီကိုယ်တိုင်ကလည်း တစ်ချိန်မှာ သူသေသွားခဲ့ရင် KrioRus မှာပဲ သူ့ရုပ်အလောင်းကို ထားမယ်လို့ ရည်ရွယ်ထားပါတယ်။ Russian Academy of Sciences’s Pseudoscience Commission က အိဗ်ဂျီနီကတော့ ဒီနည်းဟာ သိပ္ပံနည်းလမ်းမကျပဲ စီးပွားရေးအမြတ်ထုတ်ရုံသက်သက်လို့ ဝေဖန်ထားပါတယ်။ လူတွေရဲ့တစ်နေ့မှာ ပြန်လည်ရှင်သန်ရမယ်ဆိုတဲ့မျှော်လင့်ချက်နဲ့ အဆုံးအစမဲ့ ဘ၀ဆိုတာ စိတ်ကူးယဉ်သက်သက်သာ ဖြစ်တယ်လို့လည်း အိဗ်ဂျီနီက ဆိုပါသေးတယ်။

READ
ကိုဗစ်ကို ဗော့ဒ်ကာနဲ့ ကုသနိုင်တယ်ဆိုတဲ့ ဘီလာရုစ်သမ္မတ၊ ကိုဗစ်ကူးစက်ခံထားရ
Twitter/Valareia

KrioRus ရဲ့ ဒါရိုက်တာ ဗာလဲရီးယားဟာလည်း သူမရဲ့ (၂၀၀၈) ခုနှစ်တုန်းက သေဆုံးခဲ့တဲ့ ခွေးရဲ့အလောင်းကို KrioRus မှာ အေးခဲထားပါသေးတယ်။ နိုင်ငံပေါင်း (၂၀) က ရာပေါင်းများစွာသော လူတွေဟာ သေဆုံးပြီးနောက် အေးခဲထားမယ့် ၀န်ဆောင်မှုကို ရယူဖို့ လက်မှတ်တွေတောင်ထိုးပြီး နေရာယူထားကြပြီလို့ KrioRus က ဆိုပါတယ်။

အေးခဲဝန်ဆောင်မှုအနေနဲ့ ခန္ဓာကိုယ်တစ်ခုလုံးကို ထိန်းသိမ်းစရ်ိတ် ဒေါ်လာ (၃၆၀၀၀) ကျသင့်မှာဖြစ်ပြီး ဦးနှောက်ချည်းသက်သက်သိမ်းခိုင်းမယ်ဆိုရင်တော့ ဒေါ်လာ (၁၅၀၀၀) ကျသင့်မှာ ဖြစ်ပါတယ်။ ဒီဈေးနှုန်းတွေက ရုရှားလူမျိုးတွေအတွက် သီးသန့်ဈေးနှုန်းသာဖြစ်ပြီး နိုင်ငံခြားသားတွေအဖို့တော့ ဒီထက် ဈေးနည်းနည်း ပိုပေးရမယ်လို့ သိရပါတယ်။

လင်းလင်း (ShweMom)

SHARE