အလုပ်ပိခဲ့တဲ့ ဒဏ်တွေကြောင့် မြေးတွေကိုတောင် ချီပိုးဖို့ အားမရှိဘူးဆိုတဲ့ ဆမ်မိုဟန်းဂ်

ဟောင်ကောင်ရုပ်ရှင်ချစ်သူတွေကတော့ ကွန်ဖူးဆရာကြီးတစ်ယောက်ဖြစ်တဲ့ ဆမ်မိုဟန်းဂ်ကို မှတ်မိကြမှာပါ။ အခုဆိုရင်တော့ အသက်(၆၇) နှစ်ရှိပြီဖြစ်တဲ့ ဆမ်မိုဟာ မြေးတွေကို ချီပိုးဖို့တောင် လုံလောက်တဲ့ အင်အားမရှိတော့ပါဘူးလို့ အစီအစဉ်တစ်ခုမှာ ဆမ်မိုရဲ့ ချွေးမဖြစ်သူက ပြောပြခဲ့တာဖြစ်ပါတယ်။

၎င်းစကားပြောအမေးအဖြေ အစီအစဉ်မှာပဲ ဆမ်မိုက သူဟာ (၁၉၈၆) ခုနှစ်တုန်းက Lucky Stars Go Places အမည်ရတဲ့ ရုပ်ရှင်ရိုက်ကူးရင်း လက်ကျိုးခဲ့ရကြောင်းလည်း ပြောပြပါတယ်။ ကျိုးသွားတဲ့လက်ကို ဆေးရုံမှာသွားပြ ဆေးစည်းပြီး ချက်ခြင်းရိုက်ကွင်းကို ပြန်လာကာ ရိုက်ကူးရေးဆက်ခဲ့ရတာကိုလည်း ဆမ်မိုက ပြောပြခဲ့ပါတယ်။ သူဟာ သူ့အလုပ်အပေါ်မှာ အရမ်းတန်ဖိုးထား ကြိုးစားလွန်းသူတစ်ယောက် ဖြစ်ပါတယ်။

Owen Williams

ဆမ်မိုက သူ့ဘ၀သက်တမ်းရဲ့ ထက်ဝက်ကို အလုပ်ထဲမှာပဲ စိတ်နှစ်ထားခဲ့သူပါ။ သူဟာ သူလျှောက်လှမ်းခဲ့တဲ့ အနုပညာခရီးလမ်းမှာ ဇာတ်ကားပေါင်း (၂၀၀) ကျော်ကို ရိုက်ကူးပြီး ထုတ်လုပ်သူ၊ ဇာတ်ညွှန်းရေးသူနဲ့ ဒါရိုက်တာအလုပ်တွေကိုပါ လုပ်ကိုင်ခဲ့တာ ဖြစ်ပါတယ်။ သူ ငယ်စဉ် ထွားကြိုင်းသန်မာစဉ်တုန်းကတော့ ဆမ်မိုဟာ ပေါ့ပါးဖျတ်လတ်တဲ့ ကွန်ဖူးပညာရှင်တစ်ယောက်အဖြစ် လူသိများခဲ့ပါတယ်။

READ
ဆီနီဂေါမှာမြေတွေဝယ်ပြီး ဒီဂျစ်တယ်ငွေကြေးသုံးစနစ်နဲ့ မြို့တည်ထောင်မယ့် ရက်ပါ Akon
Film Comment Magazine

ဒါပေမယ့် ဆယ်စုနှစ်ပေါင်းများစွာ အက်ရှင်ဇာတ်ကားတွေကို ကိုယ်တိုင်ကြိုးစားပမ်းစားရိုက်ကူးခဲ့တဲ့ ဆမ်မိုရဲ့ခန္ဓာကိုယ်ဟာ အခုဆို အလုပ်လောဘကြီးခဲ့မိခြင်းရဲ့ ဒဏ်တွေကို ပြန်ခံစားနေရပါပြီ။ လွန်ခဲ့တဲ့ (၂) နှစ် ဒူးခေါင်းခွဲစိတ်မှုလုပ်ပြီးကတည်းက မကြာခဏဆိုသလို ဆမ်မိုကို အပြင်မှာ ၀ှီးချဲလ်နဲ့ တွေ့နေရပါပြီ။ “အဖေက လမ်းတော့လျှောက်နိုင်ပါတယ်။ ဒါပေမယ့် ရှော့ပင်းမောလ်လိုနေရာမျိုးတွေကိုသွားရင်တော့ ၀ှီးချဲလ်ပေါ်မှာထိုင်လိုက်တာက အဖေ့အတွက် ပိုသက်တောင့်သက်သာ ဖြစ်စေပါတယ်…” လို့ ချွေးမဖြစ်သူက ပြောပြခဲ့ပါတယ်။

အခုဆိုရင်တော့ အလုပ်ကအနားယူပြီဖြစ်တာကြောင့် အသက်(၇၀) နားကပ်နေပြီဖြစ်တဲ့ ဆမ်မိုဟာ အိမ်မှာ ဟင်းချက်နေတယ်လို့ သိရပါတယ်။ ဆမ်မိုက သူဟာ ဟင်းချက်ဝါသနာပါကြောင်းနဲ့ သူငယ်ငယ်တုန်းကတော့ တကယ်လို့ သရုပ်ဆောင်အလုပ်မှာ အဆင်မပြေရင် စားဖိုမှုးလုပ်ဖို့ စိတ်ကူးထားခဲ့ကြောင်းလည်း ပြောပြခဲ့ပါသေးတယ်။

လင်းလင်း (ShweMom)

Ref: asiaone

SHARE