ကျွန်တော်တို့ ပတ်ဝန်းကျင်မှာ တစ်နှစ်ပတ်လုံး ဖြစ်ပွားနေတဲ့ ရာသီတုပ်ကွေး

Unsplash/WQM

ရာသီတုပ်ကွေးဆိုသည်မှာ လူတစ်ဦးမှတစ်ဦးဆီသို့ လွယ်ကူစွာ ကူးစက်နိုင်သည့် ပြင်းထန်သောဗိုင်းရပ်ကူးစက်မှု ဖြစ်ပါသည်။ ကျွန်ုပ်တို့ ထင်ထားသည်ထက် ပိုမို ပြင်းထန်ပြီး ကူးစက်ခံရသူအများစုသည် ဆေးရုံတွင် ဆေးကုသမှု ခံယူရသည် အထိ ဖြစ်ပွားနိုင်ပါသည်။ တုပ်ကွေးဗိုင်းရပ်စ် ကူးစက်ခံရသူတိုင်း အလွယ်တကူ ဖျားနာတတ်ကြပါသည်။

မြန်မာနိုင်ငံ ကျန်းမာရေးနှင့်အားကစား ဝန်ကြီးဌာန၏ ထုတ်ပြန် ကြေညာချက်အရ ၂၀၁၉ခုနှစ် ဇန်နဝါရီလ ၁ရက်နေ့ မှ သြဂုတ်လ ၁၀ရက်နေ့ အထိ ပြည်သူများ အကြား တုပ်ကွေးကူးစက်မှုသည် ၁၃,၀၄၈ ဖြစ်ပြီး သေဆုံးသူ ၆၈ဦး ရှိခဲ့ပါသည်။ ဧရာဝတီ တိုင်းဒေသကြီးသည် ကူးစက်မှု အများဆုံးဖြစ်ပြီး ရန်ကုန်တိုင်းဒေသကြီး၊ ရခိုင်ပြည်နယ်၊ ကချင် ပြည်နယ် နှင့် မွန်ပြည်နယ်တို့သည် ဒုတိယ ဖြစ်ပါသည်။

Twitter/WHO

WHO ၏ ထုတ်ပြန် ကြေညာချက် အရ ဗိုင်းရပ်စ်သည် တစ်နိုင်ငံလုံးအတိုင်းအတာအရ မည်သည့် အသက်အရွယ် အပိုင်းအခြားတွင် မဆို ကူးစက်နိုင်ပြီး နားမကျန်း ဖြစ်နိုင်သည့် အပြင် သေဆုံးသည်အထိ ကူးစက်နိုင်သည့် အသက်အန္တရာယ် စိုးရိမ်ရသည့် အသက်အရွယ် အပိုင်းအခြားများမှာ –

၁. ကိုယ်ဝန်ဆောင် အမျိုးသမီးများ

၂. သက်ကြီးရွယ်အိုများ (အသက် ၆၅နှစ် နှင့် အထက်)

၃. အသက် ၆လ မှ အသက် ၅ နှစ် အတွင်း ကလေးသူငယ်များ

၎. နာတာရှည် ဆေးကုသမှု ခံယူထားသူများ

၅. နာတာရှည် ကျန်းမားရေး အခြေအနေရှိသူများ  တို့ ဖြစ်ပါသည်။

ကာကွယ်ဆေးထိုးခြင်းသည် ရောဂါကူးစက်မှုနှင့် တုပ်ကွေးကြောင့် ဖြစ်သော ပြင်းထန်သည့် ရောဂါများ၊ ရလဒ်များ ကာကွယ်ရန် ထိရောက်သည့် နည်းလမ်း ဖြစ်ပါသည်။  ထို့အပြင် တုပ်ကွေးဗိုင်းရပ်စ် ၏ ပြင်းထန်သော အကျိုးဆက်များကိုလည်း လျှော့ချပေးနိုင်ပါသည်။ တုပ်ကွေးကာကွယ်ဆေးကို WHO နှင့် ပြည်သူ့ ကျန်းမာရေးဝန်ကြီးဌာန မှ အကြံပြုထား ပါသည်။  ယင်းသည် ပြင်းထန်သော တုပ်ကွေးရောဂါ ကူးစက်ရန် အခြေအနေများသည့် သူများ နှင့် အထက်တွင် ဖော်ပြထားသည့် အသက်အရွယ်၊ အခြေအနေများ ရှိသည့် သူများအတွက် အထူးအရေးပါသည်။

Seasonal flu kills up to 650,000 people every year.Recognize the symptoms and what to do when you have it. https://www.who.int/influenza/spotlight

Posted by United Nations on Saturday, January 26, 2019

တုပ်ကွေးရောဂါကာကွယ်ဆေးသည် ကူးစက်ခံထားရသည့် ဗိုင်းရပ်စ် နှင့် ကာကွယ်ဆေးတွင် ပါဝင်သည့် ဗိုင်းရပ်စ် ကိုက်ညီမှု ရှိပါက ပိုမို ထိရောက်ပါသည်။ WHO သည် ကမ္ဘာတစ်ဝန်းရှိ မျိုးစိတ်ဗီဇကို ရှာဖွေ သုသေတန ပြုလုပ်ပြီး လာမည့် နှစ်အတွက် အနီးစပ်ဆုံး ကိုက်ညီမည့် မျိုးစိတ်ဗီဇတူ ကာကွယ်ဆေးအား ထုတ်လုပ်ခြင်း ဖြစ်ပါသည်။ ထို့ကြောင့် ကာကွယ်ဆေး အများစုသည် ဖြစ်ပွားသည့် ဗိုင်းရပ်စ် နှင့် ကိုက်ညီမှုရှိနေခြင်းဖြစ်ပါသည်။ ယခုနှစ်အတွက် ကာကွယ်ဆေး ထိုးပေးနေသော်လည်း တုပ်ကွေး ဗိုင်းရပ်စ်တွင် ပါဝင်သော ပဋိပစ္စည်း (antigen) သည် မကြာခန ပြောင်းလဲနေသောကြောင့် တုပ်ကွေးကာကွယ်ဆေးကို နှစ်စဉ် ထိုးပေး ခြင်းဖြင့် နောင်နှစ်များတွင် ဖြစ်ပေါ်လာသည့် ဗိုင်းရပ်စ်မျိုးစိတ် သစ်များအား ကာကွယ်နိုင်မည် ဖြစ်ပါသည်။ ဆေးထိုးထားသည့် နေရာတွင် နာကျင်ခြင်း နှင့် အနီစက်ဖြစ်ခြင်း စသည်တို့မှ လွဲ၍ အခြား ဘေးထွက်ဆိုးကျိုးများမရှိပါ။

READ
ခေါင်းတစ်ခြမ်းကိုက်တာကို အချိန်တိုအတွင်းပျောက်ကင်းဖို့ စားပေးသင့်တဲ့ အစားအသောက်များ

“တုပ်ကွေးကာကွယ်ဆေးကို အသက် ၆လမှ စတင်ထိုးနိုင်ပါတယ်။ အသက် ၉ နှစ်အောက် ကလေးတွေ အတွကကတော့ စပြီ်းထိုးတဲ့နှစ်မှာ တစ်လခြားပြီး ၂ကြိမ် ထိုးရပါမယ်။ နောက်နှစ်တွေမှာတော့ တစ်ကြိမ်ပဲ လိုအပ်ပါတယ်။ လူတိုင်း တုပ်ကွေး ကာကွယ်ဆေး ထိုးထားဖို့လိုအပ်ပြီး အသက် ၅ နှစ်အောက် ကလေးတွေ၊ အသက် ၆၅နှစ် အထက် လူကြီးတွေ၊ နာတာရှည် နှလုံးရောဂါသည်တွေ၊ အဆုတ် ရောဂါ၊ သွေးအားနည်းရောဂါ၊ ဆီးချိုသွေးတိုးနဲ့ ကိုယ်ဝန်ဆောင်တွေ အနေနဲ့ မဖြစ်မနေ ထိုးသင့်ပါတယ်။” ဟု ဒေါက်တာ စောဝင်း (ကလေးကျန်းမာရေး) မှ ပြောပါသည်။

ရာသီတုပ်ကွေးကို ကာကွယ်ဆေးထိုးခြင်း နှင့် ဗိုင်းရပ်စ် ကုသမှု အပြင် အောက်တွင် ဖော်ပြထားသည့် ရိုးရှင်းလွယ်ကူသော တစ်ကိုယ်ရည် ကာကွယ် စောင့်ရှောက်မှုများဖြင့် ကာကွယ်နိုင်ပါသည်။

  • လက်များကို သန့်ရှင်းအောင် ပုံမှန် ဆေးကြောခြင်းနှင့် ခြောက်သွေ့အောင် ထားခြင်း၊
  • အသက်ရှူလမ်းကြောင်းမှတဆင့် ကူးစက်ခြင်းမရှိစေရန် သန့်ရှင်းစွာ နေထိုင်ခြင်း – ချောင်းဆိုး၊ နှာချေရာတွင် ပါးစပ် နှင့် နှာခေါင်း ကို    တစ်ရှူးဖြင့် ဖုံးထားခြင်း၊ အသုံးပြုပြီးသား တစ်ရှူးများကို စနစ်တကျမှန်ကန်စွာ စွန့်ပစ်ခြင်း၊
  • ဖျားနာခြင်း နှင့် အခြား တုပ်ကွေး လက္ခဏာ ခံစားနေရသူများအား ခွဲခြားကုသခြင်း၊
  • ဖျားနာသူများ နှင့် အနီးကပ်ထိတွေ့ခြင်းကို ရှောင်ကြဉ်ခြင်း၊
  • ဖျားနာသူများ၏ မျက်လုံး၊ နှာခေါင်းနှင့် ပါးစပ်များအား ထိတွေ့ခြင်းကို ရှောင်ကြဉ်ခြင်း၊
READ
လူသိနည်းသေးတဲ့ တွဲဖက်စားဖို့ မသင့်တော်တဲ့ အသီးအနှံများ

“ကြိုတင်ကာကွယ်ခြင်းက ကုသခြင်းထက် ပိုထိရောက်ပါတယ်။   ရာသီတုပ်ကွေးဟာ တစ်နှစ်ပတ်လုံး ဖြစ်ပွားနေပြီး အန္တရာယ်ရှိတဲ့ တုပ်ကွေးဟာ လူတိုင်းမှာ ဖြစ်ပွားနိုင်ပါတယ်။ နှစ်စဉ် ကာကွယ်ဆေး မပျက်မကွက်ထိုးပြီး တစ်ကိုယ်ရည် ကာကွယ် စောင့်ရှောက်မှုတွေကို ပြုလုပ်ပေးပါ။်” ဟု ဒေါက်တာစောဝင်း မှ အသိပေးပြောကြားထားပါသည်။

 

SHARE