အွန်လိုင်းပေါ်က ထင်ရှားတဲ့ meme တစ်ခုရဲ့ နောက်ကွယ်က ကြောင်လေးအကြောင်း

instagram/smudge_lord

Memes တွေဟာ အွန်လိုင်းပေါ်မှာ တစ်နေ့တစ်မျိုးမရိုးရအောင် ပေါ်နေတာပါပဲ။ တခြား meme တွေဆိုရင် ရယ်ရလွန်းလို့ ဒီ meme ပိုင်ရှင်က ဘယ်သူဘယ်ဝါလဲလို့တောင် လိုက်ရှာရတဲ့ အထိပါပဲ။ အချို့ meme တွေကတော့ ကျော်ကြားပေမယ့် သူ့ရဲ့နောက်ကွယ်က အကြောင်း၊ သူဘယ်ကလာတယ်ဆိုတာ မသိရပါဘူး။ အခုတစ်ခေါက်တော့ စာဖတ်သူတို့ အွန်လိုင်းမှာ မကြာခဏတွေ့မြင်နေရမှာဖြစ်တဲ့ ကြောင်လေးတစ်ကောင်အကြောင်းကို boredpanda ကတဆင့် ဖော်ပြပေးလိုက်ပါတယ်။

instagram/smudge_lord

တွေ့ရတဲ့ ကြောင်လေးကိုတော့ အင်တာနက် memes တွေမှာ တွေ့ဖူးကြမယ်ထင်ပါတယ်။ သူ့နာမည်က Smudge ဖြစ်ပါတယ်။ ပုံထဲမှာတော့ Smudge က ဟင်းသီးဟင်းရွက်ကို မုန်းတဲ့ ပုံစံနဲ့ အော့အန်တော့မလို ရုပ်မျိုးဖြစ်နေတာပါ။ Smudge ရဲ့ ပုံနဲ့အတူ တွဲတွေ့ရလေ့ရှိတာကကျတော့ အော်ဟစ်ပြီးရန်တွေ့နေတဲ့ အမျိုးသမီးတစ်ယောက် ပုံပါပဲ။ ဒီ meme နဲ့အတူ Smudge က ကျော်ကြားလာတာ ဖြစ်ပါတယ်။

READ
ကံဆိုးမိုးမှောင်ကျမှုကနေ လက်မတင်လေး လွတ်မြောက်ခဲ့သူများ
instagram/smudge_lord

ဒီ meme လေးစတင်ဖြစ်ပေါ်လာပုံက တွစ်တာအသုံးပြုသူတစ်ဦးဖြစ်တဲ့ MESSINGEGIRL က စတင်ပါတယ်။ သူမဟာ Smudge ရဲ့ ဓာတ်ပုံနဲ့အတူ “The Real Housewives of Beverly Hills” က Taylor Armstrong ရဲ့ ပုံကိုတွဲပြီး ဒီဓာတ်ပုံနှစ်ပုံကို ပေါင်းလိုက်ရင် ဘယ်လိုရယ်ရမယ်မှန်း မသိဘူးလို့ ဆိုခဲ့ရာကနေ နှစ်လအတွင်းမှာပဲ လူကြိုက်များသွားခဲ့ရတာပါ။

instagram/smudge_lord

Smudge ရဲ့ ပိုင်ရှင်ကတော့ အသက်(၂၄) နှစ်အရွယ် ပန်းပုပညာရှင် မီရန်ဒါပဲ ဖြစ်ပါတယ်။ မီရန်ဒါက Smudge နဲ့ ပတ်သက်ပြီး လူတွေသိချင်မယ်လို့ ထင်ရတဲ့အကြောင်းအရာလေးတွေကို တင်ပေးလေ့ရှိပါတယ်။ Smudge က (၆) လသားလောက် ရှိနေပါပြီ။ ကြောင်လေးက အရမ်းရှက်တတ်ပေမယ့် တကယ်တမ်းသူနဲ့ ခင်သွားရင်တော့ အရမ်းချစ်ဖို့ကောင်းတယ်လို့ မီရန်ဒါက ဆိုပါတယ်။ မီရန်ဒါက အင်စတာဂရမ်ပေါ်မှာလည်း Smudge ရဲ့ ဓာတ်ပုံလေးတွေကို တင်ထားပါသေးတယ်။

READ
ရေပန်းစားနေတဲ့ မျက်လုံးလျှင်မှ မြင်ရမယ်ဆိုတဲ့ မြွေပျောက်ရှာပုံတော်
instagram/smudge_lord

Smudge ရဲ့ meme ဖြစ်လာတဲ့ဓာတ်ပုံနဲ့ ပတ်သက်ပြီးတော့လည်း မီရန်ဒါက “Smudge က ထမင်းစားပွဲမှာ အမြဲတမ်း ထိုင်ခုံတစ်နေရာယူတတ်တယ်။ တကယ်လို့ သူ့မှာ ထိုင်ခုံမရှိဘူးဆိုရင် တစ်ယောက်ယောက်ရဲ့ ပေါင်ပေါ်ကို တက်ထိုင်တော့တာပဲ။ ဒီဓာတ်ပုံရိုက်တဲ့နေ့တုန်းကတော့ ထမင်းစားပွဲမှာ သူ့ထိုင်ခုံမရှိဘူး။ ဒီတော့ သူက တခြားသူထိုင်မယ့် ထိုင်ခုံမှာ သွားထိုင်နေတာ။ ကျွန်မအထင်တော့ ထမင်းစားပွဲမှာ ကျွန်မတို့မှာထားတဲ့ဟာတွေကို သူမကြိုက်ဘူးထင်ပါရဲ့..” လို့လည်း ရှင်းပြခဲ့ပါတယ်။

အောက်မှာတော့ Smudge ရဲ့ အွန်လိုင်းမှာ ထင်ရှားနေတဲ့ meme တွေကို ဖော်ပြပေးလိုက်ပါတယ်။

boredpanda
boredpanda
boredpanda
boredpanda
boredpanda
boredpanda
boredpanda
boredpanda

လင်းလင်း (ShweMom)

SHARE