လေ့လာစမ်းစစ်မှုတွေအရ အဖောက်ပြန်တတ်ဆုံး လူ(၅)မျိုး

အိမ်ထောင်ရေး ဖောက်ပြန်မှု၊ လူမှုရေးဖောက်ပြန်မှုဆိုတာ နိုင်ငံတိုင်း၊ ဒေသတိုင်းမှာရှိနေတဲ့ လူမှုပတ်ဝန်းကျင်ကြား က ပျောက်ဆုံးခြင်းမရှိသေးတဲ့ ပြဿနာဖြစ်ပါတယ်။ အခုအချိန်ထိလည်း ဒီပြဿနာရပ်တွေ ရှိခဲ့သလို ရှေးပဝေသဏီ တုန်းကလည်း ဒီပြဿနာတွေ ရှိခဲ့ကြတာပါဘဲ။ ဒီတော့ ဖောက်ပြန်သူတွေကို လေ့လာလိုက်တဲ့အခါ အောက်ပါ လူ(၅)မျိုးကို တွေ့ရပါတယ်။ ဒီလူ (၅)မျိုးဟာ ဖောက်ပြန်လေ့ရှိတဲ့ လူတွေထဲမှာ အများဆုံးဖြစ်ပါတယ်။

(၁) အရင်က သစ္စာဖောက်ဖူးသူ

ဒါကတော့ ရှင်းပါတယ်။ ခိုးမှုကျူးလွန်ဖူးတဲ့သူဟာ အလွယ်တကူ ပစ္စည်းပစ္စယလေးတွေတွေ့ရင် ခိုးဖို့ လက်ရဲလာသလို၊ တစ်စုံတစ်ယောက်ကို သစ္စာဖောက်ဖူးတဲ့သူကလည်း နောက်တစ်ကြိမ်၊ နောက်ထပ်တစ်ကြိမ်မက သစ္စာဖောက်ဖို့ ဝန်မလေးကြတော့ပါဘူး။ ဆိုတော့ အများပြောခဲ့သလိုပါဘဲ။ ခြံခုန်တဲ့နွားကတော့ ခြံခုန်ရမှ ကျေနပ်ကြပါတယ်။

(၂) ချမ်းသာလွန်းသောယောက်ျားနဲ့ ဆင်းရဲလွန်းသော မိန်းမ

ဒီမညီမျှတဲ့ အချိုးတစ်ခုမှာ ညီမျှတဲ့ စိတ်ပိုင်းဆိုင်ရာ ဖောက်ပြန်မှုသဘောတရား ရှိပါတယ်။ အလွန်ချမ်းသာနေသူတွေ မပြောပါနဲ့။ လက်ထဲမှာ သိန်း ထောင်ဂဏန်းလောက် ကိုင်ထားတဲ့သူတွေတောင် နောက်မီးခလုတ်ကလေး ထားချင်လာတတ်ကြပါတယ်။ အလွန်ချမ်းသာသော ယောက်ျားတွေဟာ ငွေပိုငွေလျံလေးရှိလာရင် လူသားဘဏ်တွေ ရှာတတ်ပါတယ်။

READ
အချစ်ရေးမှာ အသည်းမကွဲချင်ရင် လိုက်နာရမယ့် အချက်(၅)ချက်

ဒီလိုပဲ အလွန်ဆင်းရဲတဲ့ မိန်းမတွေဟာ ဘဝပေးအသိက ဖောက်ပြန်ချင်တဲ့စိတ်မရှိပေမယ့် သိပ်ကို ဆင်းရဲလွန်းမက ဆင်းရဲလာပြီဆိုရင် ယောကျာ်းတွေလို ဒေါင်ကျကျ ပြားကျကျ နေနိုင်တဲ့သတ္တိမရှိတော့ပါဘူး။ ဒီတော့ ဘယ်လိုနည်းက ဆင်းရဲတွင်းက လွတ်မလဲလို့ အလွယ်တွေးလာတတ်ကြပါတယ်။ ဒါဟာ သူတို့အတွက် ဖောက်ပြန်ခြင်းရဲ့ လမ်းစပေါ့။

(၃) အတ္တကြီးသူတွေ၊ တစ်ကိုယ်ကောင်းဆန်သူတွေ

ဒီအချက်ကလည်း အလွန်ရှင်းပါတယ်။ မည်သည့် လူပုဂ္ဂိုလ်ပဲဖြစ်ဖြစ် ဖောက်ပြန်ခြင်းရဲ့ အခြေခံအချက်ဟာ အတ္တကြီးချင်းနဲ့ တစ်ကိုယ်ကောင်းဆန်စိတ်ကြောင့် ဖြစ်တာပါ။ တစ်ယောက်ယောက်အတွက် ထည်သွင်းမစဉ်းစားဘဲ ကိုယ်လွတ်ရုန်းချင်တဲ့ ဆန္ဒ၊ မိမိဆန္ဒကိုသာ ဦးစားပေးရမယ်ဆိုတာ သိပြီး တစ်ဖို့တည်း ကြည့်သူတွေဟာ ဖောက်ပြန်မှုတွေကို ဦးဆောင်နေသူတွေ ဖြစ်ပါတယ်။

(၄) အသက် 9 ဂဏန်း နောက်ပိတ်နဲ့လူများ

ဒီလိုပြောလိုက်ရင်တော့ အသက် (၂၉-၃၉-၄၉-၅၉) သမားတွေက မျက်စောင်းထိုးချင်ထိုးကြပါလိမ့်မယ်။ ဒါပေမယ့် ဖောက်ပြန်တဲ့သူတွေရဲ့ အသက်အရွယ်ကို စစ်တမ်းကောက်ယူလိုက်တဲ့အခါမှာတော့ ဆယ်စုနှစ်တစ်ခုကို ဖြတ်ကျော်ဖို့ အနီးကပ်ဆုံး (၉)ဂဏန်းကို ပိုင်ဆိုင်ထားသူတွေက အများဆုံးဖောက်ပြန်လေ့ရှိတယ်လို့ Wall Street Journal က ဖော်ပြထားပါတယ်။ လူတိုင်းကိုဆိုလိုတာတော့ မဟုတ်ပါဘူး။ ဒါပေမယ့် အဖောက်ပြန်ဆုံးလူတွေကို လေ့လာကြည့်တဲ့အခါမှာ တော့ ၉ ဂဏန်းနဲ့ အဆုံးသတ်တဲ့သူများနေပါတယ်။

READ
Crushကို မက်ဆေ့ခ်ျပို့မယ်ဆို တစ်ဆင့်ခြင်းလုပ်ရမယ့်အဆင့်များ

(၅) လူမှုကွန်ယက် များစွာအသုံးပြုတဲ့သူ

ဖောက်ပြန်မှုတွေကို စစ်တမ်းကောက်ယူလိုက်တဲ့အခါမှာ ဆိုရှယ်မီဒီယာ ပလတ်ဖောင်းကို အကွက်ကျကျ အသုံးပြုပြီး အများဆုံး ဖောက်ပြန်လေ့ရှိကြတယ်လို့ ဆိုပါတယ်။ လူမှုကွန်ယက်နဲ့ ဆက်သွယ်ရေး နည်းပညာထွန်းကားလာသည်နှင့်အမျှ ဒီဆိုရှယ်မီဒီယာ၊ ဆိုရှယ်နက်ခ်ဝါ့တွေဟာ ဖောက်ပြန်မှုတိုင်းမှာ တစ်နည်းတစ်ဖုံပတ်သက်နေတဲ့ သဘောကို တွေ့ရပါတယ်။ ဆက်စပ်လေ့လာမှုတွေအရ လူမှုကွန်ယက်ကို များစွာအသုံးပြူသူတွေဟာ ပိုပြီး ဖောက်ပြန်ကြတယ်လို့ သိရပါတယ်။

နတ်စည်တော် (Shwemom)

SHARE