နှစ်နှစ်ခြိုက်ခြိုက် အိပ်ပျော်စေမယ့် ဂျပန်လူမျိုးတို့ရဲ့ ရိုးရှင်းတဲ့အသက်ရှူနည်း

unsplash/Zohre Nemati

တကယ်လို့ စာဖတ်သူဟာ ညဘက်တွေမှာ နှစ်နှစ်ခြိုက်ခြိုက်အိပ်မပျော်ဘူးဆိုရင် အခုဖော်ပြပေးမယ့် နည်းလမ်းလေးကို စမ်းသုံးကြည့်နိုင်ပါတယ်။ ဒီနည်းကိုတော့ လအသက်ရှူခြင်းလို့ ခေါ်ပါတယ်။ လအသက်ရှူခြင်းနည်းဟာ စိတ်ကိုတည်ကြည်စေတဲ့အပြင် စိတ်စိုးရိမ်ပူပန်မှုတွေကို တိုက်ဖျက်ပေးတဲ့နည်းလည်း ဖြစ်ပါတယ်။ လအသက်ရှူခြင်းနည်း အသုံးပြုပုံကိုတော့ ladbible ကနေတဆင့် ဖော်ပြပေးလိုက်ပါတယ်။

နည်းလမ်းလေးက ရိုးရှင်းပါတယ်။ စာဖတ်သူရဲ့ ညာဘက်နှာခေါင်းပေါက်ကို လက်ညှိုးနဲ့ပိတ်ပြီး ဘယ်ဘက်နှာခေါင်းပေါက်တစ်ခုတည်းကနေ အာရုံစူးစိုက်ကာ အသက်ရှူတာ ဖြစ်ပါတယ်။ လေ့လာသူတွေကတော့ ဒီနည်းဟာ နာ့ဗ်ကြောစနစ်ကို တည်ငြိမ်စေတယ်လို့ ဆိုပါတယ်။

unsplash/Elijah Hiett

ယောဂကျင့်သူတွေထဲမှာတော့ ဒီနည်းဟာ ပေါ်ပြူလာဖြစ်တဲ့ နည်းလမ်းလေးလည်း ဖြစ်ပါတယ်။ လူနေမှုဘ၀အရေးနဲ့ ပတ်သက်တဲ့ ဂုရု ဆာရာဟာဗေးကတောင် ဒီ လအသက်ရှူနည်းကို သူရေးသားထားတဲ့ Kaizen: The Japanese Method of Transoforming Habit, One Small Step at a Time မှာ ဖော်ပြထားပါသေးတယ်။

READ
ဆေးပညာအမြင်နဲ့ ပင်လယ်ကမ်းခြေသို့ ခရီးသွားခြင်းအကျိုးကျေးဇူး

စာအုပ်ထဲမှာတော့ သူမက သူမရဲ့ အိပ်မပျော်တဲ့ဝေဒနာကို အခုလို ရိုးရှင်းတဲ့နည်းလမ်းနဲ့ အနိုင်ယူခဲ့ကြောင်း ရှင်းပြခဲ့ပါတယ်။ “…တစ်ခါတစ်လေ ကျွန်မ မနက်(၃) နာရီလောက်ကြီး နိုးတယ်။ နိုးတဲ့အချိန်မှာလည်း အတွေးတွေက ကစဉ့်ကလျားနဲ့ ပြန်အိပ်လို့ မရတော့ဘူး။ ဒီလိုအချိန်တွေမှာဆိုရင် ကျွန်မက ဒီအသက်ရှူနည်းကို သုံးပါတယ်။ သက်တောင့်သက်သာရှိတဲ့ နေရာတစ်နေရာမှာ သွားလှဲတယ်။ ပြီးရင် လက်ချောင်းနဲ့ ညာဘက်နှာခေါင်းပေါက်ကို ပိတ်လိုက်တယ်၊ ပြီးတော့ မိနစ်အနည်းငယ်လောက် ဘယ်ဘက်နှာခေါင်းပေါက်ကနေပဲ အသက်ရှူတယ်….”

unsplash/Vladislav Muslakov

ဒီနည်းအပြင် နောက်ထပ် နည်းတစ်နည်းလည်း ရှိပါသေးတယ်။ အဲ့ဒါကတော့ နှာခေါင်းပေါက် နှစ်ပေါက်ရှိတဲ့အနက် တစ်ပေါက်ချင်းစီကို မိနစ်အနည်းငယ်ကြာပိတ်ပြီး နောက်နှာခေါင်းတစ်ပေါက်နဲ့ အသက်ပြင်းပြင်း ရှူရှိုက်တာ ဖြစ်ပါတယ်။ ဂုရုဆာရာဟာဗေးကတော့ အခုလို နှာခေါင်းပေါက်တွေကို အဖွင့်အပိတ်လုပ်ပြီး အသက်ရှူတဲ့နည်းဟာ စိတ်ဖိစီးမှုတွေ၊ စိုးရိမ်ပူပန်စိတ်တွေကို မောင်းထုတ်ပေးတာကြောင့် အိပ်မပျော်ဘူးဆိုတဲ့လူတိုင်း စမ်းသုံးကြည့်ကြဖို့ နည်းလမ်းပေးထားတာပဲ ဖြစ်ပါတယ်။

READ
အရွယ်တင်နုပျိုလို့ နှုတ်ခမ်းနီမလေးတွေရဲ့ အသည်းစွဲဖြစ်နေတဲ့ စင်ကာပူမော်ဒယ်ဟောင်း

လင်းလင်း (ShweMom)

SHARE