သရဖူဘွဲ့ရပြီး (၄) ရက်အကြာမှာတင် အကုန်ပြန်ရုတ်သိမ်းခံလိုက်ရတဲ့ ယူကရိန်း အလှမယ်

အလှဘုရင်မဘွဲ့ ခံယူကြမယ့် သူတွေဟာ များစွာသော ဖိအားတွေနဲ့ ရင်ဆိုင်ရလေ့ ရှိကြပါတယ်။ အဆင်းရော အချင်းပါတင့်တယ်ရမယ်၊ ပြီးတော့ ကိုယ် စိတ်ဝင်စားရာ၊ ကျွမ်းကျင် ကျင်လည်ရာမှာ စိတ်ဆန္ဒထက်သန်ပြင်းပြမှုလည်း ရှိရပါသေးတယ်။

Mirror

ဒီလို မပြဌာန်းထားသော်လည်း Miss တွေအနေနဲ့ လိုက်နာရတဲ့ တစ်ချို့သော စည်းမျဉ်း၊ စည်းကမ်းတွေလည်း ရှိပါတယ်။ ဒီလို စည်းကမ်းတွေနဲ့ ငြိစွန်းသွားတာကြောင့် ယူကရိန်းနိုင်ငံရဲ့ (၂၀၁၈) Miss သရဖူရှင်ကတော့ သရဖူရရှိပြီး (၄) ရက်အကြာမှာ ပြန်အသိမ်းခံခဲ့ရပါတယ်။ အကြောင်းကတော့ Veronika Didusenko ဆိုတဲ့ သူမဟာ မိခင်တစ်ယောက်ဖြစ်နေလို့ပါပဲ။

Mirror

ဒီကိစ္စက အကျယ်တ၀င့်ဖြစ်သွားခဲ့ပြီး လက်ရှိအသက် (၂၃) နှစ်အရွယ် single mum ကတော့ ဒါ ငယ်ရွယ်တဲ့ မိခင်တွေကို ဖိနှိပ်ကန့်သတ်တာလို့ ရွေးချယ်ရေးတွေရဲ့ ဆုံးဖြတ်ချက်ကို ဝေဖန်နေပါတယ်။ သူမအနေနဲ့ မော်ဒယ်အလုပ်နဲ့ ရပ်တည်နေတဲ့သူဖြစ်တာကြောင့် ဒီ ဘွဲ့ဂုဏ်ထူးကို ရရှိဖို့ အပြင်းအထန်ကြီး မဖြစ်ခဲ့ဘူးလို့ BBC ကို ပြောပြပါတယ်။ သူမမှာ မနားမနေ လုပ်နေရတဲ့ အလုပ်တွေရှိနေပြီး ဆုရသွားတဲ့ အခါတုန်းကလည်း မမျှော်လင့်ထားလို့ ရှောခ့်ဖြစ်ခဲ့ရတယ်လို့ ပြောပါတယ်။

READ
ကောင်မလေးတွေတွေ့ရင် လိုက်နောက်ပြောင်တတ်တဲ့သူတွေကို ပညာပေးခဲ့တဲ့မိန်းကလေး
Mirror

Miss Wolrd ပြိုင်ပွဲရဲ့ စည်းမျဉ်း စည်းကမ်းမှာတော့ အိမ်ထောင်သည် အမျိုးသမီးတွေ၊ ရင်သွေးရှိတဲ့ အမျိုးသမီးတွေကို ၀င်ရောက်ယှဉ်ပြိုင်ခွင့် ပြုမထားဘူးလို့ သိရပါတယ်။ Veronika ကတော့ သားလေးတစ်ယောက်ရှိပြီး ခင်ပွန်းနဲ့ ကွာရှင်းထားခဲ့တာကြောင့် ပြိုင်ပွဲရဲ့ စည်းမျဉ်းနဲ့ မညီညွတ်လို့ အခုလို သရဖူကို ရုတ်သိမ်းလိုက်တာဖြစ်ပါတယ်။

အခုဆို သူက မိခင်ငယ်၊ မိခင်ရွယ်တို့ကိုလည်း ကိုယ့်အားကိုယ်ကိုးပြီး ရပ်တည်နိုင်အောင် အများက ထောက်ပံ့ပေးဖို့ လိုလားကြောင်းကို ပရိသတ် (၂၂,၀၀၀၀) လောက်ရှိတဲ့ အင်စတာဂရမ်မှာ ဖော်ပြပြောဆိုနေပါတယ်။ သူမမှာ အောင်မြင်တဲ့ ဘ၀ရပ်တည်ရေးလည်း ရှိနေပြီ ဖြစ်တာကြောင့် အခုလို သရဖူရုတ်သိမ်းတာလည်း ဘာမှမဖြစ်ကြောင်း ပြောခဲ့ပါသေးတယ်။

BBC Newsbeat ရဲ့ ဖော်ပြချက်တစ်ခုမှာတော့ Miss Ukraine ပွဲ စီစဉ်တဲ့ဘက်ကလည်း ဒီ စည်းကမ်းနဲ့ပတ်သက်ပြီး ပြင်ဆင်ဖို့ အစီအစဉ်မရှိကြောင်းနဲ့ Miss World က စည်းကမ်း ချမှတ်ထားတာဖြစ်ကြောင်း၊ Veronika အနေနဲ့ ၀င်ရောက် မပြိုင်ခင်ကတည်းက ဒါတွေကို သိထားရမှာဖြစ်ကြောင်း ချေပထားတာကို တွေ့ရပါတယ်။

READ
ခြေထောက်ညပ်နေလို့ ရဲတွေရောက်လာမယ့် မနက်ကိုပဲ စောင့်လိုက်ရတဲ့ သူခိုးကံဆိုး

Miss Ukraine ရဲ့ ဒါရိုက်တာဖြစ်သူ Victoria Kiose ကတော့ သူမရဲ့ မိခင်ဘ၀နဲ့ ပတ်သက်ပြီး ပိတ်သိမ်းခဲ့တာမဟုတ်ပဲ သူမရဲ့ မရိုးသားမှုကြောင့် သရဖူသိမ်းခဲ့တာလို့ Mirror သတင်းဌာနကို ပြောပြပါတယ်။ သူမဟာ ကလေးနဲ့ ခင်ပွန်းဟောင်း အကြောင်းတွေကို ဖျောက်ထားခဲ့တာကြောင့်နဲ့ ကိုယ့်အကျိုးကိုယ်ပဲကြည့်ပြီး စည်းကမ်းချိုးဖောက်ခဲ့လို့ အခုလို ရုတ်သိမ်းခံရတာဖြစ်ကြောင်း စီစဉ်တဲ့ဘက်က အခိုင်အမာပြောပါတယ်။

Mirror

အခုလို သရဖူရုတ်သိမ်းတာနဲ့ ပတ်သက်ပြီး လူတွေကြား အကြီးအကျယ် အငြင်းပွားမှုတွေလည်းရှိနေပါတယ်။ Veronika ရဲ့ သရဖူအသိမ်းခံရတဲ့ကိစ္စဟာ မဖြစ်သင့်ဘူးလို့ ဆိုသူတွေရှိနေသလို  Veronika ဟာ စည်းကမ်းချိုးဖောက်ခဲ့တာကြောင့် လုပ်သင့်တယ်လို့ ဆိုသူတွေလည်း ရှိနေပါတယ်။

Source: Mirror, BBC

Matthew (ShweMOM)
SHARE