အဖေရိုက်တဲ့ ရုပ်ရှင်တွေကို မကြိုက်ဘူးဆိုတဲ့ စတားလုံးရဲ့ သမီးလေး

Youtube/AjaxMedia

ကျနော့်သမီးက ကျနော့် ရုပ်ရှင်တွေကို မကြိုက်ဘူးလို့  ပြောလာခဲ့သူကတော့ စတားလုံးကိုယ်တိုင်ပါပဲ။ ကျနော့် ရုပ်ရှင်တွေကို သူတို့က မကြိုက်ရုံတင်မဟုတ်ဘူး မုန်းပါမုန်းတယ်လို့လည်း Hollywood Reporter နဲ့ ပြုလုပ်ခဲ့တဲ့ အင်တာဗျူးမှာ ကာယကံရှင် စတားလုံး ကိုယ်တိုင်က ပြောခဲ့ပါတယ်။ စတားလုံးရဲ့ အသစ်ထွက်ရုပ်ရှင်ကားတစ်ကားဖြစ်တဲ့ Rambo: Last Blood အင်တာဗျုးတစ်ခုမှာ ပြောကြားခဲ့တာပါ။ စတားလုံးဟာ သူ့ရဲ့ ဇနီးဖြစ်သူ  Jennifer Flavin နဲ့ ကလေးသုံးယောက် ရခဲ့ပြီး သုံးယောက်စလုံး မိန်းကလေးတွေချည်းပါပဲ။ အဲဒီ သုံးယောက်ထဲက Sistine Rose Stalloneဆိုတဲ့ တစ်ယောက်ကတော့ အဖေ့သွေးအပြည့်ပါလာခဲ့တယ်လို့ ပြောလို့ရပါတယ်။

Instagram/SylvesterStallone

စတားလုံးရဲ့ သမီးဖြစ်သူ Sistine Stalloneက မော်ဒယ်တစ်ယောက်အဖြစ် အောင်မြင်နေတဲ့ လူတစ်ယောက်ပါ။ ဒီနှစ်မှာတော့ Sistine Stallone ဟာ ရုပ်ရှင်လိုင်းဘက်ကို ပထမဆုံး ကူးလာခဲ့ပါတယ်။ ၂၀၁၉ ခုနှစ်မှာပဲ သူ(မ)ရဲ့ ပထမဆုံး ရုပ်ရှင်ဖြစ်တဲ့ 47 Meters Down: Uncaged မှာ ပါဝင် သရုပ်ဆောင်ခဲ့တာပါ။ အဲဒီ ရုပ်ရှင်ကတော့ ရှေးဟောင်းလိုဏ်ဂူထဲကို ရေငုတ်ခရီးထွက်ကျတဲ့ လူငယ်တစ်စုကို ရှားပါးငါးမန်းကောင်ကြီးတွေက တိုက်ခိုက်တဲ့ အကြောင်းကို ရိုက်ကူးထားတာပါ။

ဖအေဖြစ်သူ စတားလုံးကတော့ ကြမ်းကြမ်းတမ်းတမ်း သရုပ်တတ်တာ လူတိုင်း အသိပါပဲ။ တောင်တက်တဲ့ အခန်းတွေ၊ အမြင့်က ခုန်ချတဲ့ အခန်းတွေဆိုရင် တော်ရုံတန်ရုံလူစားမထိုးဘဲ သူ ကိုယ်တိုင် သရုပ်ဆောင်တတ်တာပါ။ သမီးဖြစ်သူကလည်း ဖအေ့ ခြေရာကို တစ်ထပ်တည်းနင်းနိုင်တဲ့ လူပါ။

 

ငါးမန်းကားတစ်ကားလို့ ပြောလို့ရတဲ့ 47 Meters Down: Uncaged ရုပ်ရှင်ရိုက်တဲ့ နေရာမှာ ရုပ်ရှင်ဆက်တင်တွေဟာ ရေလှောင်ကန်ကြီးတွေ၊ စည်ပိုင်းကြီးတွေထဲမှာ အသေအချာပြင်ဆင်ပြီး ရိုက်ကူးပါတယ်။ တကယ့် ရေနစ်မြုပ်နေတဲ့ အတိုင်းကို ပီပြင်စေဖို့အတွက် ရေလှောင်ကန်ကြီးတွေနဲ့ ကျကျနန ရိုက်ကူးတာပါ။ စတားလုံးရဲ့ သမီးဖြစ်တဲ့ Sistine Stallone ကတော့ ဒီလို အန္တရာယ်များလှတဲ့ ရေအောက်အခန်းတွေကို လူစားမထိုးဘဲ သူ ကိုယ်တိုင် ရိုက်ကူးခဲ့တာပါ။

ဒါရိုက်တာဖြစ်သူကတော့ လူစားထိုးသရုပ်ဆောင်တွေကို အရံသင့်ထားထားပေးထားပေမယ့်လည်း စတားလုံးရဲ့ သမီးကတော့ အစ အဆုံး သူ ကိုယ်တိုင်ပဲ အန္တရာယ်များလှတဲ့ ဇာတ်ဝင်ခန်းတွေကို သရုပ်ဆောင်ခဲ့ပါတယ်။ ဒါရိုက်တာကတော့ ဒီလိုမျိုး လုပ်ဖို့ ကျနော်တို့က ခွင့်မပြုထားဘူး။ ဒါပေမယ့် သူတို့ ဘာသာသူတို့ ခုန်ခုန်ချကြတာလေ၊ စတန့်တွေလည်း အများကြီးခေါ်ထားပါတယ်လို့ ပြောဆိုခဲ့ပါတယ်။

 

READ
လယ်ယာသုံး စက်ပစ္စည်းတွေကိုသုံးပြီး လက်ရာမြောက်ပန်းပုရုပ်ကြီးများ ဖန်တီးခဲ့သူ

YYK

SHARE