နှစ်(၉၉)သန်းသက်တမ်းရှိ ကမ္ဘာ့အသေးဆုံး ဒိုင်နိုဆောကို မြန်မာ့ပယင်းမှာတွေ့ရှိ

nhm.org

မြန်မာနိုင်ငံမြောက်ဖျား ဟူးကောင်းတောင်ကြားဒေသမှ တူးဖော်ရရှိခဲ့တဲ့ ပယင်းတစ်ခုထဲမှာ ကမ္ဘာ့အသေးငယ်ဆုံး ဒိုင်နိုဆောမျိုးစိတ်ကို တွေ့ရှိခဲ့ရတယ်လို့ သိရပါတယ်။ အဆိုပါ ဒိုင်နိုဆောရဲ့သက်တမ်းမှာ နှစ်သန်းပေါင်း (၉၉)အထိ ရှိနေပြီဖြစ်ပြီး၊ လက်ရှိအချိန်မှာတော့ တရုတ်နိုင်ငံက သုတေသနပညာရှင်တွေလက်ထဲကို ရောက်နေပါပြီ။

ပညာရှင်တစ်ဦးကတော့ “အံ့သြဖို့အကောင်းဆုံး ကျောက်ဖြစ်ရုပ်ကြွင်း ”လို့တောင် အမည်တပ်ခဲ့ပါတယ်။ ငှက်မျိုးနွယ်ဝင် ဒိုင်နိုဆောမျိုးဖြစ်ပြီး၊ ထူးခြားတာက အခုတွေ့ရှိခဲ့တဲ့ ငှက်ဒိုင်နိုဆောဟာ တစ်ခြားမျိုးကွဲမရှိတာပါဘဲ။ ယနေ့ခေတ် ဝတ်ရည်စုပ်ငှက်တွေရဲ့ အရွယ်အစားလောက်သာရှိပြီး၊ မြန်မာနိုင်ငံမှာ ယမန်နှစ်က တွေ့ရှိခဲ့တာပါ။

nhm.org

ဒီအကြောင်းကို မတ်လ(၁၁)ရက်နေ့ထုတ် Nature ဂျာနယ်မှာ ဖော်ပြထားပါတယ်။ ငှက်ဒိုင်နိုဆောရဲ့ ဇီဝဗေဒနာမည်မှာ Oculudentavis khaungraae ဖြစ်ပြီး၊ တစ်ခါမှ မကြုံဖူးတဲ့အဖြစ်လို့ သိပ္ပံပညာရှင်တွေက ဆိုပါတယ်။ ပယင်းရဲ့ သက်တမ်းဟာ နှစ်သန်းပေါင်း (၉၉)သန်းရှိနေပါပြီ။

သာန်အားဖြင့် ဒီလို အဖြစ်မျိုး တစ်ခါမှ မတွေ့ခဲ့ဖူုးသလို၊ ဒီလောက်သေးငယ်တဲ့ ဒိုင်နိုဆောမျိုးစိတ်မျိုးလည်း တစ်ခါမှ မတွေ့ခဲ့ရဖူးဘူးလို့ ဆိုပါတယ်။ ကျောရိုးရှိသတ္တဝါမျိုးကွဲတွေအနက် Enantiornithine ငှက်များရဲ့အရိုးအကြွင်းအကျန် (၇)မျိုးအထိ ယခင်က တွေ့ရှိခဲ့ပြီး၊ အဲဒီအထဲမှာ Lithic ကနေ တွေ့ရှိတဲ့ မျိုးကွဲနမူနာတွေထက် အခုတွေ့ရှိမှုက ပိုပြီးသေးငယ်ပါတယ်။

nhm.org

အခုတွေ့ရှိတဲ့ ဒိုင်နိုဆောငှက်မှာ တစ်ခြားငှက်တွေနဲ့မတူ အပေါ်နှုတ်သီးမှာ အလွန်များပြားတဲ့ သွားတွေ ပါဝင်ပြီး၊ အောက်နှုတ်သီးမှာလည်း သွားအနည်းငယ် ပါဝင်ပါတယ်။ သာမန်ငှက်တွေမှာ မျက်လုံးရဲ့နောက်မှာ အရိုးကွင်းရှိပေမယ့် ဒီ Oculudentavis ငှက်မျက်လုံးအတွင်းပုံစံက ဇွန်းပုံစံဖြစ်နေတာပါ။

Chinese Academy of Sciences in Beijing မှ ပါမောက္ခ Jingmai O’Connor က ဒီငှက်ကလေးတွေဟာ သူတို့ရဲ့ သေးငယ်လှတဲ့ ခန္ဓာကိုယ်ဖွဲ့စည်းပုံကြောင့် ပုံပန်းသဏ္ဍာန်ဟာ စနစ်တကျဖြစ်ဖို့ အတော်လေးကို ခက်ခဲခဲ့ပုံရတယ်လို့ ဆိုပါတယ်။ O’Connor က “ သေးငယ်လွန်းတော့ အာရုံခံအင်္ဂါရပ်တွေကို ခေါင်းတစ်ခုတည်းမှာ ဘယ်လို စုပြုံထည့်ရမယ် ဒါမှမဟုတ် ခန္ဓာကိုယ်အပူချိန်ကို ဘယ်လိုထိန်းရမယ်စတာတွေဟာ ပြဿနာတွေပေါ့”လို့ ဆိုပါတယ်။

nhm.org

သူမက “ ဒါကတော့ ကျွန်မတွေ့ဖူးသမျှထဲမှာ အဆန်းကျယ်ဆုံးပါ … ဒါပေမယ့် ကံကောင်းတာက လေ့လောရေးလုပ်ဖို့ လုံလောက်တာပါပဲ … ကျွန်မကတော့ ဒီလို အံ့သြစရာပုံစံလေးတွေကို ဘာလို့ သဘာဝက ရွေးချယ်အဆုံးသတ်ပေးလိုက်တာလဲဆိုတဲ့အကြောင်း စဉ်းစားရတာကို သဘောကျပါတယ် နောက်ထပ် ကျွန်မတို့ ကံကောင်းတဲ့အချက်က ဒီသတ္တဝါလေးကို နှစ်သန်းပေါင်း (၉၉)နှစ်အကြာ ပြန်တွေ့ရတာပဲ ဖြစ်တယ် ”လို့ ပြောခဲ့ပါတယ်။

လင်းသုတ

SHARE