သားသမီးကို ကိုယ်ထိလက်ရောက်ဆုံးမခြင်းဟာ အကျိုးထူးမရှိကြောင်း သိရှိရ

ကိုယ်တွေ ငယ်ငယ်တုန်းက အပြစ်တစ်ခုခုလုပ်မိလို့ မိဘတွေက အမျိုးမျိုးဆုံးမပဲ့ပြင်ကြတာကို မှတ်မိမှာပါ။ ညင်ညင်သာသာနဲ့ နားဝင်အောင်ပြောပြီး ဆုံးမတာမျိုး ရှိသလို ဆဲဆိုဆူအောင့်ပြီး ရိုက်နှက်ဆုံးမတာတွေလည်း ရှိပါတယ်။ ဒါပေမယ့် စိတ်ဝင်စားစရာ ကောင်းတာတစ်ခုက ကလေးတွေကို ရိုက်နှက်လို့ သူတို့ရဲ့ အပြုအမူဟာ ထူးထူးခြားခြား ကောင်းမွန်လာတာမျိုး မရှိတာကိုပါ။ သိပ္ပံပညာရှင်တွေဟာ လွန်ခဲ့တဲ့ နှစ်အနည်းငယ်တုန်းက ဒီအချက်နဲ့ ပတ်သက်လို့ သိပ္ပံနည်းကျ လေ့လာမှုတွေ ပြုလုပ်ခဲ့ပါတယ်။

Time

တွေ့ရှိလာရတာက ရိုက်နှက်ဆုံးမခြင်းဟာ ကလေးတစ်ယောက်ရဲ့ အပြုအမူကို ပိုပြီး ဆိုးဝါးစေတယ်ဆိုတာကိုပါ။ ဒီလေ့လာတွေ့ရှိချက်ကို တက္ကဆက်ပြည်နယ်တက္ကသိုလ်နဲ့ ဗာဂျီးနီးယားတက္ကသိုလ်က စိတ်ပညာသုတေသနအဖွဲ့က ထုတ်ဖော်ပြောခဲ့တာ ဖြစ်ပါတယ်။ သူတို့က မိဘတွေဆီက မကြာခဏ အရိုက်ခံရတဲ့ ကလေးတွေမှာ အပြုအမူပိုင်းဆိုင်ရာ ပြဿနာတွေ ပိုပြီးဖြစ်နိုင်ကြောင်း ပြောပြခဲ့ပါတယ်။ အထူးသဖြင့် လူကြောက်လာပြီး ပေါင်းသင်းဆက်ဆံရေးမှာ အခက်အခဲတွေ ဖြစ်လာနိုင်တယ်ဆိုတာ တွေ့ရှိခဲ့ပါတယ်။

READ
ဒီလို အမိုက်စား အိုင်ဒီယာတွေနဲ့ သင့်အိမ်ရဲ့ အနေအထားကို နောက်ထပ်တစ်ဆင့်မြှင့်နိုင်
Inhabitat

သုတေသနအဖွဲ့ဟာ ကလေးပေါင်း (၁၂,၀၀၀) ကျော်ကို စမ်းသပ်စစ်ဆေးခဲ့ပါတယ်။ အရိုက်ခံရတဲ့ ကလေးနဲ့ အရိုက်မခံရတဲ့ ကလေးတွေကို နှိုင်းယှဉ်ခဲ့ပါတယ်။ ရိုက်နှက်ဆုံးမခြင်းနဲ့ ကလေးအပြုအမူ ဆိုးဝါးခြင်းကြားက ဆက်စပ်နေတဲ့ အဖြေကို လေ့လာကြည့်ကြပါတယ်။ ဒီအခါ ကလေးကို ရိုက်လိုက်လို့ ကလေးဟာ လိမ္မာယဉ်ကျေးလာမယ်ဆိုတဲ့ အာမခံချက်မပေးနိုင်တာကို သိရှိခဲ့ကြပါတယ်။

သားသမီးကို ကိုယ်ထိလက်ရောက်ဆုံးမတာကို တားမြစ်ထားတဲ့ နိုင်ငံတွေဟာ ယနေ့ခေတ်မှာတော့ တဖြည်းဖြည်းနဲ့ များလာနေပါပြီ။ ဒါပေမယ့် အမေရိကန်မှာတော့ ကလေးတွေကို မရိုက်ရဘူးဆိုတဲ့ ဥပဒေကို မပြဌာန်းသေးပါဘူး။ အမေရိကန်လူမျိုး (၇၀) ရာခိုင်နှုန်းကလည်း ကလေးတွေကို လူတော်လူကောင်းတွေဖြစ်ဖို့ ရိုက်နှက်ဆုံးမသင့်တယ်ဆိုတဲ့ အယူအဆကို လက်ခံထားဆဲ ဖြစ်ကြောင်းလည်း သိရပါတယ်။

Today’s Parent

ကလေးတွေကို လိမ္မာယဉ်ကျေးစေဖို့ ရိုက်နှက်ဆုံးမရမယ်ဆိုတဲ့ အယူအဆနဲ့ ပတ်သက်လို့ ပညာရှင်တွေဟာ အရင့်အရင်တွေတုန်းကလည်း လေ့လာခဲ့ကြပါတယ်။ သူတို့သုတေသနလုပ်လို့ တွေ့ရှိလာတဲ့ အချက်က အပေါ်က စမ်းသပ်ချက်နဲ့ ထပ်တူပါ။ ရိုက်နှက်ခြင်းဟာ အနာဂတ်မှာ ကလေးတွေကို လူတောမတိုးတဲ့သူတွေ ဖြစ်လာစေပါတယ်။ လူမှုဆက်ဆံရေးမှာလည်း အနှောင့်အယှက်ဖြစ်စေပြီး စိတ်ပိုင်းဆိုင်ရာ ပြဿနာတွေလည်း ဖြစ်လာနိုင်ကြောင်း တွေ့ရှိခဲ့ကြပါတယ်။

READ
မိန်းကလေးတွေ ဖတ်သင့်တဲ့ အိမ်ထောင်ရေးပညာပေး စာအုပ်(၃)အုပ်

လင်းလင်း (ShweMom)

Ref: elitereaders

SHARE