သင်မသိသေးတဲ့ မြောက်ကိုရီးယားနဲ့ပတ်သတ်တဲ့ ထူးခြားအံ့သြဖွယ်ကောင်းတဲ့အချက်များ

pixabay/589724

မြောက်ကိုရီးယားဟာ တံခါးပိတ်ဝါဒကို နှစ်ပေါင်းများစွာ လက်ခံကျင့်သုံးနေတဲ့ နိုင်ငံဖြစ်ပြီး၊ သူ့ရဲ့ စီးပွားဘက်နိုင်ငံအဖြစ် တရုတ်၊ ရုရှတို့သာ လက်ညှိုးထိုးပြစရာရှိပါတယ်။ ဒါပေမယ့် အမေရိကန်အုပ်စုကို ဆန့်ကျင်နေတဲ့ အီရန်၊ အီရက်၊ ဆီးရီးယားနဲ့ အရှေ့အလယ်ပိုင်းနိုင်ငံတွေလည်း မြောက်ကိုရီးယားနဲ့ စီးပွားရေး (လျှို့ဝှက်)ဆက်ဆံနေကြတယ်လို့ ဆိုပါတယ်။ မြောက်ကိုရီးယားဟာ လျှို့ဝှက်ချက်တွေ များပြားလှတဲ့နိုင်ငံဖြစ်ပြီး၊ ယင်းနိုင်ငံရဲ့ လူသိနည်းသေးတဲ့ အချက်ကလေးတွေကို ရွေးထုတ် ဖော်ပြပေးလိုက်ပါတယ်။

(၁) တရားဝင် ဆေးခြောက်အသုံးပြုလို့ရတဲ့ နိုင်ငံ

pixabay/sipa

အမေရိကန်၊ မက္ကဆီကိုနိုင်ငံတွေရဲ့ ပြည်နယ်အချို့မှာ ဆေးခြောက်ကို သတ်မှတ်ထားတဲ့ ပမာဏနဲ့အညီ သိုလှောင်ထိန်းသိမ်းခြင်း၊ သုံးစွဲခြင်းကို ဥပဒေအရ ခွင့်ပြုပေးခဲ့တာတွေ ရှိပါတယ်။ ဒါပေမယ့် မြောက်ကိုရီးယားကတော့ ရှေးနှစ်ပေါင်းများစွာကတည်းက ဆေးခြောက်ဟာ လူတစ်ယောက်ရဲ့ အလုပ်လုပ်ချင်စိတ်ကို မြှင့်တင်ပေးနိုင်တယ်လို့ ယုံကြည်ပြီး၊ တရားဝင် အသုံးပြုခွင့်ပေးထားတဲ့ နိုင်ငံဖြစ်ပါတယ်။

(၂) ထူးခြားတဲ့ မြောက်ကိုရီးယား ပြက္ခဒိန်

မြောက်ကိုရီးယားရဲ့ ပြက္ခဒိန်ဟာ ကမ္ဘာသုံးနေတဲ့ (၂၀၁၈) ခုနှစ် မဟုတ်ပါဘူး။ သူတို့ရဲ့ ပြက္ခဒိန်ကို ယခင်က ကိုရီးယားရိုးရားပြက္ခဒိန်အတိုင်း အသုံးပြုခဲ့ပေမယ့် နောက်ပိုင်းမှာ ခေါင်းဆောင်ကြီး ကင်အီဆွန် မွေးဖွားခဲ့တဲ့ (၁၉၁၂)ခုနှစ် ဧပြီလ (၁၅)ရက်နေ့ကို အခြေခံထုတ်ဝေခဲ့ပါတယ်။ အခုဆို မြောက်ကိုရီးယားပြက္ခဒိန်ဟာ (၂၀၁၈)ခုနှစ် မဟုတ်ပဲ (106)ခုနှစ်သာ ရှိပါသေးတယ်။

(၃) မီးမလင်းသော လမ်းဘေးမီးပွိုင့်များ

pixabay/Didgeman

မြောက်ကိုရီးယားမှာ တပ်ဆင်ထားတဲ့ မီးပွိုင့်ဟာ တပ်ဆင်ပြီးနောက် မကြာမီမှာ မီးမလင်း၊ အလုပ်မလုပ်တော့ပါဘူး။ သက်ဆိုင်ရာက ဓာတ်အားဖြတ်တောက်ထားတဲ့ သဘောပါ။ ဒါပေမယ့် ယာဉ်ကြေားရှုပ်ထွေးတဲ့နေရာတွေမှာ ယာဉ်ထိန်းရဲမေတွေ ရှိနေပါတယ်။

READ
လူနာပြုတ်ကျနေခဲ့တာကို (၁၆)မိုင်လောက်မောင်းပြီးမှ သိတဲ့လူနာတင်ကားဆရာ

(၄) ကမ္ဘာ့အကြီးဆုံး ဘောလုံးကွင်းကြီး

မြောက်ကိုရီးယားနိုင်ငံ၊ ပြုံးယမ်းမြို့တော်မှာ Rungnado May Day stadium အမည်ရ ကမ္ဘာ့အကြီးဆုံးဘောလုံးကွင်းကြီး တည်ရှိပါတယ်။ အဆိုပါ ဘောလုံးကွင်းကြီးဟာ ပရိသတ် (၁၅၀၀၀၀) အထိ ဆန့်ပါတယ်။ ဒါပေမယ့် စံချိန်တင် ပရိသတ်အားပေးမှုအဖြစ် ပရိသတ် နပန်းပွဲတစ်ခုကို ပရိသတ် (၁၉၀၀၀၀)အထိ အားပေးခဲ့ဖူးတယ်လို့ သိရပါတယ်။

(၅) မျိုးဆက်သုံးခု အပြစ်ပေးတဲ့စနစ်

မြောက်ကိုရီးယားမှာ အထူးသဖြင့် ခေါင်းဆောင်တွေကို ဆန့်ကျင်ပုတ်ခတ်လျှင်၊ သို့မဟုတ် ပုန်ကန်ရန်ကြိုးစားလျှင်၊ သို့မဟုတ် နိုင်ငံတော်သစ္စာဖောက်မှုဖြင့် စွဲချက်တင်ခံရလျှင် မျိုးဆက်သုံးဆက်အထိ အပြစ်ပေးတဲ့ သက်ဦးဆံပိုင်ဥပဒေကို လက်ရှိအချိန်ထိ ကျင့်သုံးနေပါတယ်။

(၆) တောင်-မြောက် နယ်စပ်က ကျေးရွာအတု

တောင်-မြောက် စစ်ပွဲပြီးသွားတဲ့အခါ မြောက်ကိုရီးယားတွေဟာ သူတို့တစ်တွေ တောင်ကိုရီးယားကနေ ခွဲထွက်ပြီးနောက် အလွန်အဆင်ပြေနေကြတယ်ဆိုတဲ့ ပုံစံကို ပြသဖို့ Kijong-dong (Peace Village) အမည်ရ ထပ်မြင့်အဆောက်ဦတွေပါဝင်တဲ့ ကျေးရွာအတုတစ်ခုကို တည်ဆောက်ခဲ့ပါတယ်။ လူမနေပေမယ့်၊ မီးမပြတ် ထွန်းထားတယ်လို့ ဆိုပါတယ်။

(၇) ပြည်သူအပန်းဖြေဖို့ ပန်းခြံ(၃)ခု

pixabay/Didgeman

အလွန်ကြီးမားလှတဲ့ ပြုံးယမ်းမြို့တော်ကြီးမှာ အများပြည်သူ အပန်းဖြေနိုင်ဖို့ ပန်းခြံသုံးခုရှိတယ်လို့ သိရပါတယ်။ ကမ္ဘာလှည့်ခရီးသွားတွေ လာချင်လာအောင် ဓာတ်ပုံဗွီဒီယိုတွေ ဝေဝေဆာဆာနဲ့ လူမှုကွန်ယက်မှာ ပြသခဲ့ပေမယ့်၊ တစ်လနေလို့ တစ်ခါ ဖွင့်ဖို့မသေချာတဲ့ ပန်းခြံတွေလို့ဆိုပါတယ်။

READ
လက်ထပ်ဖို့ဖိအားအပေးခံရတဲ့ အိန္ဒိယက(၅)နှစ်အရွယ်ကောင်မလေး

(၈) တီဗွီချန်နယ် (၃)ခု

မြောက်ကိုရီးယားမှာ ထုတ်လွှင့်ပြသနေတဲ့ တီဗွီအစီအစဉ် သုံးခုသာရှိပါတယ်။ နှစ်ခုကတော့ စနေ၊ တနင်္ဂနွေနေ့တွေမှာသာ ထုတ်လွှင့်ပြီး၊ တစ်ခုကတော့ နေ့စဉ် ညနေပိုင်းရောက်မှ ထုတ်လွှင့်ပါတယ်။ သူတို့ဆီမှာလည်း အပိုင်းလိုက်ပြသတဲ့ မြောက်ကိုရီးယားဇာတ်လမ်းတွဲတွေ ရှိပြီး၊ တစ်နိုင်ငံလုံးက အားပေးရတဲ့ ဇာတ်ကားတွေပါ။

(၉) စာတတ်သူ (၉၉)% ရှိတဲ့ မြောက်ကိုရီးယား

pixabay/sipa

မြောက်ကိုရီးဟားဟာ စာတတ်သူ (၉၉)% အထိ ရှိတယ်လို့ ကြေငြာထာပါတယ်။ သူတို့တစ်တွေ စာတတ်မတက် စံသတ်မှတ်ချက်က ရိုးရိုးလေးပါ။ နိုင်ငံကိုအုပ်ချုပ်ခဲ့တဲ့ ခေါင်းဆောင်ကြီးတွေရဲ့ နာမည်ကို ရေးတတ်၊ ဖတ်တတ်တယ်ဆိုရင် စာတတ်တာပါဘဲတဲ့။

(၁၀) မြောက်ကိုရီးယားတွေရဲ့ ဇိမ်ခံမြို့တော် ပြုံယမ်း

မြောက်ကိုရီးယားမှာ ဇိမ်ခံမြို့တော် တစ်ခုပဲရှိပါတယ်။ အဲဒါကတော့ ပြုံးယမ်းပါ။ လူဦးရေ (၂၅)သန်းကျော် ရှိတဲ့အနက် ပြုံးယမ်းမှာ လူပေါင်း (၃)သန်း နေထိုင်ကြပါတယ်။ အဆိုပါ လူသ(၃)သန်းဟာ တိုင်းပြည်ရဲ့ ကျိကျိတက်ချမ်းသာသူတွေ ဖြစ်ပါတယ်။ အစိုးရထိပ်သီးပုဂ္ဂိုလ်တွေ၊ အစိုးရနဲ့ နီးစပ်တဲ့ သူဌေးသူကြွယ်တွေနဲ့ ၎င်းတို့ရဲ့ ဆွေမျိုးရင်းခြာတွေ၊ အဆင့်မြင့်အရာရှိတွေရဲ့ အိမ်ထောင်စုတွေ စုဝေးရာဟာ မြောက်ကိုရီးယား ဖြစ်ပါတယ်။

နတ်စည်တော် (Shwemom)

source : buzzfeed.com

SHARE