အိမ်တံခါးနဲ့ ကားတွေကို ဖွင့်ဖို့ လက်မောင်းထဲမှာ chip တွေ ခွဲထည့်ထားတဲ့ အမျိုးသမီး

@amiedoubleD/Twitter

ကားတွေ တံခါးတွေဖွင့်ဖို့ စမတ်သော့တွေ ပေါ်လာတာ ဟုတ်ပါတယ်။ ရိုးရိုးသော့တွေ မကိုင်ရင်တောင် စမတ်သော့ဆိုရင် ဖုန်းထဲကတစ်ဆင့် ဒါမှမဟုတ် ခလုတ်တွေ အသုံးပြုကြလေ့ရှိတာပါ။ ဒါပေမယ့် အခုဖော်ပြမေယ့် အမျိုးသမီးကတော့ အဲ့ဒီထက်ကို တစ်ဆင့်တက်သွားပါပြီ။

Amie D D ဆိုတဲ့ အမျိုးသမီးဟာ Tesla က ထုတ်တဲ့ Model 3 ကားကို ပိုင်ဆိုင်ထားတာဖြစ်ပြီး အဆိုပါကားဟာ ပုံမှန်သော့နဲ့ ဖွင့်ရတဲ့ ကားမျိုး မဟုတ်ပါဘူး။ စမတ်ဖုန်းနဲ့ ချိတ်ပြီး ဖွင့်ရင်ဖွင့်၊ သို့မဟုတ် ကားအတွက် သီးသန့်ထုတ်ထားတဲ့ ကားပုံစံ ခလုတ်လေး သုံးရင်သုံး၊ ဖုန်းရော ခလုတ်ရော မရှိတဲ့အခါ key card ကို သုံးရတဲ့ ကားမျိုးဖြစ်ပါတယ်။ ဖန်တီးတတ်တဲ့ Amie ကတော့ ကားကို အချိန်မရွေးဖွင့်နိုင်အောင် ဆိုကာ အပေါ်နည်းတွေ ဘာမှ မသုံးဘဲ key card ထဲမှာ ရှိတဲ့ RFID (Radio-frequency identification) chip လေးကို ထုတ်ပြီး သူမရဲ့ လက်မောင်း အသားထဲ ထည့်လိုကပါတယ်။

READ
Facebook Messenger မှာ dark mode ကို ဘယ်လိုပြောင်းရမလဲ
@amiedoubleD/Twitter

Amie ဟာ ဂိမ်းနဲ့ ပရိုဂရမ်တွေကို အဓိကရေးဆွဲတဲ့ ဆော့ဖ်ဝဲအင်ဂျင်နီယာတစ်ဦးဖြစ်တယ်လို့ သိရပါတယ်။ Chip ကို လက်ထဲ ခွဲထည့်ဖို့ လုပ်တဲ့ပုံကတော့ အရင်ဆုံး ကားရဲ့ key card ထဲက id chip ကို အက်ဆီတုန်းဓာတ်ငွေ့သုံးကာ အပြင်ကို ထုတ်ပါတယ်။ ထို့နောက် ဘိုင်အိုပေါ်လီမာ (biopolymer) ထဲ chip ကို မြှုပ်ပြီး လက်မောင်းထဲကို ထိုးသွင်းတာ ဖြစ်ပါတယ်။ ဘယ်မျိုးလဲဆိုတာ ကြည့်ချင်ရင် အောက်ဘက်မှာ ဗီဒီယိုနဲ့ ပြပေးထားပါသေးတယ်။

တကယ်တော့ အခုလို လက်မောင်းထဲ id tag တွေ ထည့်တာက Amie အတွက် ပထမဆုံး မဟုတ်ပါဘူး။ လွန်ခဲ့တဲ့ နှစ်အနည်းငယ်ကတည်းက သူမရဲ့ လက်မောင်းထဲမှာ RFID tag ထည့်ထားခြင်း ရှိပြီး သူမရဲ့ အိမ်တံခါးဖွင့်ဖို့နဲ့ ဖုန်းဒေတာ လုံခြုံရေးတို့အတွက် အသုံးပြုနေခဲ့တာဖြစ်ပါတယ်။ Tesla ရဲ့ Model 3 ကားကို စမှာတုန်းကလည်း သူမရဲ့ လက်မောင်းထဲ ရှိပြီးသား tag ထဲကို ထည့်လို့ရမယ်အထင်နဲ့ မှာခဲ့တာပါ။ ဒါပေမယ့် ဆော့ဖ်ဝဲက မလွှဲပြောင်းနိုင်တဲ့အတွက် ကားအတွက် သီးသန့် chip ကို နောက်တစ်ခါ ထပ်ခွဲထည့်လိုက်တာ ဖြစ်ပါတယ်။

READ
သင့် Android Phone ကို ပြန်မရောင်းခင် ဘာတွေလုပ်ထားသင့်လဲ
@amiedoubleD/Twitter

အခုလို ကားသော့ကို လက်အသားထဲ ထည့်လိုက်ပြီးနောက် အလုပ်ဖြစ်သလားဆိုတဲ့ မေးခွန်းကိုတော့ သူမက “အလုပ်ဖြစ်တယ် ဖွင့်လို့ရတယ်ဆိုတဲ့ အကြောင်း” The Verge နည်းပညာမဂ္ဂဇင်းကို ဖြေကြားခဲ့ပါတယ်။ အနည်းဆုံးတော့ ကိုယ့်ကားထဲမှာ ပြန်ပိတ်မိနေတဲ့ အဖြစ်မျိုး Amie တစ်ယောက် ကြုံရတော့မှာ မဟုတ်ပါဘူး။

Source : The Verge

SHARE