အရိုးသားဆုံး ကူညီခဲ့မှုတစ်ခုကြောင့် ဒေါ်လာ(၁၀,၀၀၀)ကျော် ဂုဏ်ပြုခံခဲ့ရတဲ့ အမျိုးသမီးကြီး

[email protected]

လောကမှာ လူတစ်ယောက်ကနေပြီးတော့ အကူအညီလိုနေတဲ့ အခြားလူတစ်ယောက်ကို ကူညီတယ်ဆိုတာ အင်မတန်မှကို မွန်မြတ်တဲ့ အလုပ်တစ်ခုပဲ ဖြစ်ပါတယ်။ လူတော်တော်များများဟာ ကိုယ်နဲ့မသိတဲ့ လူစိမ်းတစ်ယောက် ဒုက္ခရောက်နေရင် အကူအညီပေးဖို့ ဝန်လေးနေတတ်ကြသလို တစ်ချို့လူတွေကျပြန်တော့လည်း ကိုယ်ကူညီလိုက်တဲ့ လူဆီကနေပြီးတော့ ဘာတွေများပြန်ရနိုင်မလဲလို့ မျှော်ကိုးနေတတ်ကြပါတယ်။ ဒါပေမယ့် အမေရိကန်နိုင်ငံက ငွေကိုင်စာရေးအမျိုးသမီးကြီးတစ်ယောက်ကတော့ အခြားသူစိမ်းတစ်ယောက်အပေါ် ဘာမှမမျှော်လင့်ပဲ ကူညီပေးခဲ့တာကြောင့် သူမရဲ့ ကြင်နာတတ်ပြီး ရိုးသားလွန်းတဲ့ စိတ်ထားကြောင့် အမေရိကန်ဒေါ်လာ ၁၀,၀၀၀ ကျော် ဂုဏ်ပြုခံခဲ့ရကြောင်း Goal Cast သတင်းဌာနရဲ့ ဖော်ပြချက်အရ သိရှိရပါတယ်။

[email protected]

အပေါ်ကပုံမှာ တွေ့ရတဲ့ အမျိုးသမီးကတော့ အမေရိကန်နိုင်ငံ၊ Texas ပြည်နယ်၊ Houston မြို့ရှိ Walgreens စတိုးဆိုင်မှာ ငွေကိုင်စာရေးအဖြစ် လုပ်ကိုင်နေတဲ့ Rita Jackson Burns လို့ အမည်ရတဲ့  အမျိုးသမီးကြီးတစ်ယောက်ပဲ ဖြစ်ပါတယ်။ စက်တင်ဘာလ အစောပိုင်းတုန်းက Rita အလုပ်လုပ်နေတဲ့ စတိုးဆိုင်ကို Rina Liovu လို့ အမည်ရတဲ့ အမျိုးသမီးတစ်ယောက် ဈေးဝယ်ဖို့ ရောက်လာခဲ့ပါတယ်။ ဒါပေမယ့် ငွေရှင်းခါနီးအချိန်မှာ Liovu ဟာ ပိုက်ဆံအိတ်ကို အိမ်မှာမေ့ကျန်ခဲ့သလို ယောက်ျားဖြစ်သူရဲ့ ဖုန်းကိုပါ အိမ်ကနေ မှားယူလာခဲ့မိပါတယ်။

READ
အမြွာဘာသာစကားနဲ့ စကားတွေ ဖောင်ဖွဲ့နေခဲ့ကြတဲ့ ကလေးငယ်(၂)ဦး

ဒါကို သိသိချင်းမှာ ပစ္စည်းတွေကို ပြန်ထားပြီး ပိုက်ဆံအိတ်မပါတာကြောင့် နောက်မှဝယ်တော့မယ်လို့ Liovu က Rita ကို ရှင်းပြခဲ့ပါတယ်။ ဒါပေမယ့် Rita ရဲ့ လုပ်ရပ်ကြောင့် Liovu ခမျာမှာ တော်တော်လေးစိတ်လှုပ်ရှားခဲ့ရသလို ဝမ်းသာပီတိဖြစ်ခဲ့ရှာပါတယ်။ ဘာကြောင့်လဲဆိုတော့ Rita ဟာ ဒေါ်လာ ၂၀ တည်းကျန်တော့တဲ့ သူမရဲ့ ဘဏ်အကောင့်ထဲကနေ ကျသင့်ငွေ ၁၂.၄၁ ဒေါ်လာကို Liovu ကိုယ်စား ရှင်းပေးခဲ့တာကြောင့်ပါပဲ။

 

ဒီအကြောင်းကို Melissa Correa လို့ အမည်ရတဲ့ Twitter အကောင့်ပိုင်ရှင်ဟာ ဆိုရှယ်မီဒီယာမှာ Rita ကို ဂုဏ်ပြုသောအားဖြင့် ပို့စ်တင်ခဲ့ပါတယ်။ သိပ်မကြာခင်မှာပဲ Rita ရဲ့ ကြင်နာတဲ့စိတ်ကို ဂုဏ်ပြုချင်တဲ့လူတွေဟာ Go Fund Me လို့ အမည်ရတဲ့ ငွေလှူဒါန်းတဲ့ ဝက်ဘ်ဆိုက်မှာ Rita အတွက် တက်နိုင်သလောက်လေးတွေ အလှူငွေစုထည့်ကြရာ အခုဆိုရင် အလှူငွေ အမေရိကန်ဒေါ်လာ ၁၁,၅၈၄ ခန့် ရရှိသွားပြီဖြစ်ကြောင်း သိရပါတယ်။ ဒီလိုမျိုးကိုယ်နဲ့ မသိတဲ့ သူစိမ်းတစ်ယောက်ကို စိတ်စေတနာသန့်သန့်နဲ့ ကူညီပေးခဲ့တဲ့ Rita ဟာ ဒီလိုအလှူငွေတွေနဲ့ လုံးဝကိုထိုက်တန်တဲ့ အမျိုးသမီးတစ်ယောက်ပဲ ဖြစ်ပါတယ်။

READ
Fortnite ဂိမ်းကြောင့် နေ့ချင်းညချင်း မီလီလျံနာဖြစ်သွားခဲ့ကြတဲ့ လူငယ်လေး ၈ ယောက်
Gofundme

Pyi Hein Kyaw

SHARE