လမ်းလျှောက်သလောက် လျှပ်စစ်အားထုတ်ပေးနိုင်မယ့် စက်ကို သိပ္ပံပညာရှင်တွေတီထွင်

Twitter/DicksonLee

အပြင်သွားလို့ပဲဖြစ်ဖြစ်၊ ခရီးထွက်လို့ပဲဖြစ်ဖြစ် ဖုန်းအားကုန်တဲ့အချိန်မှာ ဖုန်းအားသွင်းဖို့အတွက် လိုအပ်လာတဲ့ အရေးပေါ် အခြေအနေတွေ ကြုံဖူးကြမှာပါ။ ဒီလိုအချိန်မှာ အားသွင်းနိုင်မယ့် လျှပ်စစ်ကလည်း မရှိ၊ power bank ကလည်း အားကုန်ဆိုရင် တေ်ာတော်လေးကို ဒုက္ခရောက်ပါတယ်။ တရုတ်နိုင်ငံက ပညာရှင်တွေကတော့ မိမိလမ်းလျှောက်သလောက် လျှပ်အားထုတ်လုပ်ပေးမယ့် စက်ကိရိယာတစ်ခုကို တီထွင်လိုက်ပြီဖြစ်ကြောင်း South China Morning Post သတင်းစာက ဖော်ပြခဲ့ပါတယ်။

တရုတ်နိုင်ငံတက္ကသိုလ် စက်မှုအင်ဂျင်နီယာဌာနက ကျွမ်းကျင်ပညာရှင်တွေဟာ prototype harvester လို့ အမည်ပေးထားတဲ့ အဆိုပါ ကိရိယာလေးကို တီထွင်လိုက်ခြင်းပါ။ ကိုယ်ခန္ဓာလှုပ်ရှားမှုဖြစ်တဲ့ ဇီဝဓာတုစွမ်းအင်ကနေ လျှပ်စစ်စွမ်းအင်ကို ပြောင်းလဲနိုင်မှာပဲဖြစ်ပါတယ်။အလွန်ပေါ့ပါးပြီး သယ်ဆောင်ရတာ လွယ်ကူအောင် စီစဉ်ထားတဲ့ အဆိုပါ စက်ကိရိယာလေးကို လမ်းလျှောက်ချိန်မှာ မိမိနဲ့အတူ တပ်ဆင်ထားပါက လမ်းလျှောက်တဲ့ အပေါ်မူတည်ပြီး လျှပ်စစ်ဓာတ်အားကို ထုတ်လုပ်ပေးသွားမှာပဲဖြစ်ပါတယ်။လမ်းလျှောက်ချိန်မှာ ဒူးဒေါင်းအကွေးအဆန့်အပေါ် မူတည်ပြီး လျှပ်စစ်ဓာတ်အားရရှိဖို့ တီထွင်ထုတ်လုပ်ထားတာပါ။

Twitter/DicksonLee

ဒီစက်ကိရိယာလေးကို စမ်းသပ်နေတာဟာ ယခုနှစ်အစောပိုင်းကတည်းကဖြစ်ပြီး အခုမှ အောင်အောင်မြင်မြင် ထုတ်လုပ်နိုင်ခဲ့ခြင်းပါ။ တီထွင်ထုတ်လုပ်ထားတဲ့သူတွေထဲက တစ်ယောက်ကတော့ ဒီစက်နဲ့ ပတ်သက်ပြီးတော့ အလုပ်လုပ်ပုံကို အခုလိုပြောပြခဲ့ပါတယ်။

“ တစ်နာရီမှာ လေးကီလိုမီတာလမ်းလျှောက်မယ်ဆိုရင် ၁.၆ မီလီဝပ်အားရှိတဲ့ လျှပ်စစ်ကို ထုတ်ပေးနိုင်ပါတယ်။ ကျန်းမာသန်းစွမ်းတဲ့ လူတစ်ယောက်ဟာ တစ်နေ့ကို ခြေလှမ်းပေါင်း ရှစ်ထောင်ကနေ တစ်သောင်းအထိ လမ်းလျှောက်မယ်ဆိုရင်တော့ လျှပ်စစ်ဓာတ်အားထုတ်လွှတ်မှုဟာ Apple Watch လိုမျိုး အီလက်ထရောနစ်ပစ္စည်းတွေကို ကောင်းကောင်းအားသွင်းနိုင်ပါတယ်”လို့ ဆိုပါတယ်။

အဆိုပါစက်ကို ဝယ်ယူမယ်ဆိုရင် မြန်မာကျပ်ငွေ ၂သိန်းဝန်းကျင် ကျသင့်မှာဖြစ်ပါတယ်။

YYK

SHARE