လူတွေ မဖြစ်မနေ အသုံးပြုနေရတဲ့ ကမ္ဘာတစ်လွှားက အန္တရာယ်အရှိဆုံး လမ်းများ

လမ်းပန်းဆက်သွယ်ရေးဆိုတာ ကမ္ဘာကြီး ခေတ်မှီဖွံ့ဖြိုးတိုးတက်ဖို့အတွက် မရှိမဖြစ် လိုအပ်တဲ့ အရာတစ်ခုပါ။ နိုင်ငံတစ်နိုင်ငံရဲ့ ပညာရေး၊ ကျန်းမာရေး၊ လူမှုရေး၊ စီးပွားရေး အစရှိတဲ့ ကဏ္ဍအသီးသီးမှာ  လမ်းပန်းဆက် သွယ်ရေး ကောင်းမွန်မှသာ အရာရာ အဆင်ပြေချောမွေ့နိုင်မှာလည်း ဖြစ်ပါတယ်။ ဒါပေမယ့် ဘယ်အရာမှမဆို အကျိုးရှိသလို အဆိုးလည်း ဒွန်တွဲပြီး ပါနေမှာပါ။ မဖြစ်မနေမို့လို့ ချိတ်ဆက်ဖောက်လုပ်ထားတဲ့ တစ်ချို့လမ်း တွေဟာ အန္တရာယ်များလွန်းပြီး အခန့်မသင့်ရဲ့ အသက်ဆုံးရှုံးရတဲ့ အနေအထားမျိုးနဲ့ပါ ကြုံတွေ့ရနိုင်ပါတယ်။ အခုလည်း စာဖတ်ပရိသတ်ကြီးအတွက် ကမ္ဘာတစ်ဝန်းလုံးက အန္တရာယ်အရှိဆုံး လမ်းတွေကို ဖော်ပြပေးလိုက် ပါတယ်။

စကာဒူလမ်း (ပါကစ္စတန်နိုင်ငံ)

Imgur

ပါကစ္စတန်နိုင်ငံက စကာဒူ(Skardu)လမ်းဟာ ပင်လယ်ရေမျက်နှာပြင်အထက် ပေပေါင်း (၄,၉၀၀)မြင့်တဲ့ ဂျီဂစ် ဟိုင်းဝေးလမ်းမကြီးကနေ ပင်လယ်ရေမျက်နှာပြင်အထက် ပေပေါင်း(၇,၃၀၃)မြင့်တဲ့ စကာဒူမြို့ကို ချိတ်ဆက် ပြီး ဖောက်လုပ်ထားတဲ့ လမ်းမကြီးပါ။ အင်ဒက်စ်မြစ်ဘေးတစ်လျှောက် တည်ရှိနေတဲ့ ဒီလမ်းမကြီးဟာ မိုင်ပေါင်း (၁၀၄)အထိ ရှည်လျားပါတယ်။

မြောက်ယွန်းဂတ်စ်လမ်း (ဘိုလစ်ဗီးယားနိုင်ငံ)

DailyMail

မြောက်ယွန်းဂတ်စ်(North Yungas)လမ်းမကြီးဟာ ဘိုလစ်ဗီးယားနိုင်ငံမှာရှိတဲ့ လာပက်ဇ်မြို့နဲ့ ကော်ရိုကိုမြို့ တို့ကို ချိတ်ဆက်ပေးထားတာပါ။ (၃၅)မိုင် ရှည်လျားပါတယ်။ စာရင်းဇယားတွေအရတော့ ဒီလမ်းမကို အသုံးပြု ရင်း တစ်နှစ်ကို ပျမ်းမျှ လူ(၂၀၀)ကနေ (၃၀၀)ထိ အသက်ဆုံးရှုံးလေ့ရှိတယ်လို့ သိရပါတယ်။ မိုးရာသီမှာဆိုရင် မမျှော်လင့်ထားတဲ့ တောင်ကျရေတွေ၊ နွေရာသီမှာဆိုရင် တောင်ပေါ်ကနေ ကျောက်တုံးတွေဟာ လမ်းပေါ်ကို ပြုတ်ကျလေ့ရှိသလို တစ်ခါတစ်ရံမှာလည်း အလိုလိုနေရင်း ရုတ်တရက် မြူတွေဆိုင်းလာလေ့ရှိပါတယ်။

READ
(၂၀၁၈)ခုနှစ်မြင်းပွဲသဘင်ဆီ ရိုးရာဓလေ့အတိုင်း အမိုးတပ်လှည်းနဲ့ခရီးထွက်လာကြသူများ

စိန့်ဂေါ့ဟာဒ်လမ်း (ဆွစ်ဇာလန်နိုင်ငံ)

Instagram Photo

ဆွစ်ဇာလန်နိုင်ငံက စိန့်ဂေါ့ဟာဒ်(St.Gotthard)လမ်းဟာ အဲ့လ်ပ်တောင်တန်းရဲ့ တောင်နဲ့မြောက်ကို ချိတ်ဆက်ထားတဲ့ လမ်းမကြီး(၂)ခုထဲက တစ်ခုပါ။ (၁၅၀၀)ပြည့်နှစ် ၀န်းကျင်လောက်တည်းက ဖောက်လုပ်ထားတဲ့ ဒီလမ်းမဟာ ခြံစည်းရိုး ခတ်မထားတာကြောင့် လမ်းတစ်ချက်ချော်တာနဲ့ တောင်အောက် ပြုတ်ကျပြီး အသက်ဆုံးရှုံးဖို့ပဲ ရှိပါတယ်။

ဇိုဂျီလား တောင်ဖြတ်လမ်း (အိန္ဒိယနိုင်ငံ)

Instagram

အိန္ဒိယနိုင်ငံက လာဒက်ခ်ဒေသနဲ့ ကက်ရ်ှမီးယားဒေသတို့ကို ချိတ်ဆက်ထားတဲ့ ဇိုဂျီလား (Zoji La)တောင်ဖြတ် လမ်းဟာ ပင်လယ်ရေမျက်နှာပြင်အထက် ပေပေါင်း (၁၁,၅၇၅)အမြင့်မှာ တည်ရှိပါတယ်။ လမ်းဟာ ကျဉ်းလွန်း လို့ ကားနှစ်စီး တစ်ပြိုင်တည်း အတူတူ မောင်းလို့မရပါဘူး။ တစ်ခါတစ်ရံမှာ ဒေသခံတွေရဲ့ ကျွဲ၊ နွား၊ ဆိတ်တွေကို လမ်းပေါ်မှာ တွေ့ရလေ့ရှိတာကြောင့် မကြာခဏ ၀င်တိုက်မိလေ့လည်း ရှိပါတယ်။

ဟာနာ အဝေးပြေးလမ်းမ (ဟာဝိုင်ယီကျွန်း)

Pexels
Flicker

ကားတစ်စီးစာပဲ မောင်းလို့ရတဲ့ ဟာနာ(Hana) အဝေးပြေးလမ်းမဟာ ဟာဝိုင်ယီရဲ့ အလှအပတွေကို ခံစား ချင်တဲ့ ကမ္ဘာလှည့်ခရီးသည်တွေ အကြိုက်တွေ့တဲ့ လမ်းတစ်ခုပါ။ တံတားပေါင်း(၆၀)ကျော်ကို ဖြတ်ပြီး ဖောက် ထားတဲ့ ဟာနာအဝေးပြေး လမ်းမရဲ့ ရှုခင်းတွေဟာ ရင်သပ်ရှုမောဖွယ် ကောင်းလွန်းလှပေမယ့် အကာအရံ မရှိတဲ့ အနေအထား၊ အချိန်မရွေး တိုက်ခတ်နိုင်တဲ့ လေပြင်းနဲ့ ရေကြီးမှုတွေကြောင့် ကားမောင်းရင်း လမ်းအစကနေ အဆုံးကို ရောက်အောင်သွားဖို့ကတော့ အန္တရာယ်များလွန်းပါတယ်။

READ
ဝင်ရိုးစွန်းအလင်းတန်းတွေကို အလှပဆုံး မြင်တွေ့နိုင်မယ့် ကမ္ဘာပေါ်က နေရာ(၅)ခု

ဂျောင်လင်လှိုဏ်ခေါင်း (တရုတ်နိုင်ငံ)

Instagram

ဂျောင်လင် (Guoliang) ဒေသခံပြည်သူတွေကို (၁၉၇၀)ပြည့်နှစ်တွေမှာ ဒီလှိုဏ်ခေါင်းကို ဖောက်လုပ်ခဲ့တာပါ။ နေရောင်ကောင်းကောင်း မရတဲ့ နေ့တွေမှာဆိုရင် ဒီလှိုဏ်ခေါင်းလမ်းမဟာ မှောင်လွန်းနေတတ်ပြီး တစ်ချို့နေရာတွေမှာ လမ်းရဲ့အကျယ်ဟာ (၁၃)ပေ ၀န်းကျင်လောက်ပဲ ရှိပါတယ်။

အတ္တလန္တိတ်လမ်းမ (နော်ဝေနိုင်ငံ)

Instagram

အတ္တလန္တိတ် (Atlantic) သမုဒ္ဒရာကြီးပေါ်မှာ ဖောက်လုပ်ထားတဲ့ နာမည်ကျော် ရင်သပ်ရှုမောဖွယ် လမ်းမကြီးပါ။ နော်ဝေနိုင်ငံရဲ့ အဖိုးတန်ရတနာတစ်ပါးဖြစ်သလို နှစ်စဉ်နှစ်တိုင်းလည်း ကမ္ဘာ့လှည့်ခရီးသည်များစွာဟာ ဒီလမ်းမပေါ်ကတစ်ဆင့် သမုဒ္ဒရာရေလှိုင်းတွေရဲ့ ရှုခင်းတွေကို ကြည့်ချင်လို့ လာရောက်လည်ပတ်လေ့ရှိပါတယ်။ ဒါပေမယ့် မမျှော်လင့်တဲ့ ရာသီဥတု အခြေအနေတွေကြောင့် ရုတ်တရက် လှိုင်းထန်လာရင်တော့ လမ်းပေါ်က ကားတွေကို ရေအောက်ထဲ ဆွဲခေါ်သွားလေ့ရှိပါတယ်။

တီယန်မင်းတောင်လမ်း (တရုတ်နိုင်ငံ)

Instagram
Instagram

တီယန်မင်းတောင်(Tianmen Mountain)ကို ဖြတ်ပြီးဖောက်လုပ်ထားတဲ့ ဒီလမ်းမကြီးဟာ (၇)မိုင် ရှည်လျားပြီး လမ်းကွေ့ပေါင်း(၉၉)ခု ရှိတယ်လို့ သိရပါတယ်။ အတိတ်ကာလတုန်းကတော့ တောင်ပေါ်က အစိတ်ပိုင်းတစ်ခု ပဲ့ထွက်ပြီး လမ်းပေါ်ကို ကျခဲ့ဖူးပါတယ်။ လက်ရှိအချိန်မှာတော့ တောင်သားပဲ့သွားတဲ့ နေရာကို ကောင်းကင်ဘုံ ရဲ့ တံခါးဝ (Heaven’s Gate)လို့ နာမည်ပေးထားပြီး ကမ္ဘာလှည့်ခရီးသည်တွေကို ဆွဲဆောင်တဲ့ နေရာတစ်ခု ဖြစ်နေပါပြီ။

SHARE