ချစ်တတ်သူတွေရဲ့ နှလုံးသားကို သိမ်းပိုက်သွားခဲ့တဲ့ အလုပ်သမားလေးတစ်ဦးရဲ့ ဓာတ်ပုံ

Instagram/Thehappyboxoffical

ကိုယ်ချင်းစာတရားဆိုတာ ကိုယ်တိုင် တစ်စုံတစ်ယောက်နေရာမှာ စာနာစွာ၊ သနားစွာ၊ အပြည့်အဝ နားလည်မှုရှိတဲ့ အခါမျိုးမှ ဖြစ်တတ်တာပါ။ အချစ်ဆိုတာ လူတစ်ယောက်နဲ့တစ်ယောက် ခံစားတဲ့ပုံစံချင်း မတူညီရင်တောင်မှ တစ်စုံတစ်ယောက်ကို လွမ်းတဲ့အခါ လုပ်လေ့ရှိတဲ့အမူအယာတွေဟာ အကြမ်းဖျဉ်းအားဖြင့် တူညီတတ်ပါတယ်။

တကယ်လို့ ကိုယ်တိုင်က မိသားစု၊ ဇနီးမယား၊ သမီးသားကို စွန့်ခွာပြီး ပြည်ပမှာ အလုပ်လုပ်နေရတယ်ဆိုရင် သက်ဆိုင်သူတွေကို လွမ်းကြမှာ အမှန်ပါဘဲ။ တစ်ချို့ဆို (၂၄)နာရီနဲ့ လွမ်းတာမလောက်လို့ ဟိုဘက်ရက်က (၅)နာရီလောက်ချေးပြီး လွမ်းလိုက်ချင်သေးတယ်လို့ တင်စားတတ်ကြပါသေးတယ်။

https://www.instagram.com/p/CC1HeLGHgTb/

အခုလည်း ဒူဘိုင်းမှာ သန့်ရှင်းရေးဝန်ထမ်းအဖြစ် အလုပ်လုပ်ကိုင်နေရတဲ့ အမျိုးသားတစ်ယောက်ဟာ အိမ်သူချစ်ဇနီးကို လွမ်းနေရှာပါတယ်။ သူဟာ သူသိမ်းရမယ့် အမှိုက်တွေကိုတောင် အသည်းပုံလေးတွေ လုပ်ပြီးမှ၊ ဇနီးရဲ့မျက်နှာလေးကို မြင်ယောင်ပြီးမှ သိမ်းလေ့ရှိတာပါ။

သူ့အမည်ကတော့ Ramesh Gangarajam Gandi ဖြစ်ပြီး ကုမ္ပဏီတစ်ခုရဲ့ အထွေထွေလုပ်သားပါ။ သူဟာ အိန္ဒိယနိုင်ငံသားဖြစ်ပြီး၊ ဇနီးဆီကို အမြန်ပြန်ချင်သော်လည်း၊ သူရဲ့ လုပ်ခလစာနဲ့ ဒီမိသားစုက မှီခိုနေတာမို့၊ ဝေးဝေးကပဲ လွမ်းနေရရှာပါတယ်။ ဒီဓာတ်ပုံဟာ လူမှုကွန်ရက် အသီးသီးမှ ပျံ့နှံ့ပြီး နာမည်ကြီးသွားခဲ့ပါတယ်။

https://www.instagram.com/p/CDBLm9Wnokt/

READ
ပညာရှင်တွေရဲ့ စိတ်ကြိုက်ရွေးချယ်လိုက်တဲ့ အာရှရဲ့ အလှဆုံးဆယ်လီမမများ

သူဟာ အမြဲတမ်း ဒီလို ကဗျာဆန်ဆန် လွမ်းနေသူတော့ မဟုတ်ပေမယ့်၊ ဘယ်လောက်လွမ်းကြောင်း ထုတ်မပြောဘဲ သိမ်းထားတဲ့ စကားလုံးတွေ ရှိနေမှာပါ။ သူ့အသက်ကတော့ (၃၀)ဖြစ်ပါတယ်။ ဒီဓာတ်ပုံလေးကို အနီးအနားက ရုံးခန်းမှာ အလုပ်လုပ်တဲ့ Nesma Farahat အမည်ရ အမျိုးသမီးငယ်က လူမှုကွန်ရက်ပေါ် တင်ခဲ့တာပါ။

ဒီဓာတ်ပုံလေးက နာမည်ကြီးသွားတော့ Gandi လည်း နာမည်ကြီးသွားပါတယ်။ သူဟာ သူ့ကို တစ်ယောက်ယောက်က စောင့်ကြည့်နေလိမ့်မယ်လို့ မထင်ကြောင်း၊ ဒီပုံလေးကြောင့် အရမ်းကို အံ့အားသင့်တယ်လို့ ဆိုပါတယ်။ သူဟာ ဇနီးဖြစ်သူနဲ့ (၂၀၁၉) စက်တင်ဘာမှာ လက်ထပ်ခဲ့ပြီး၊ နောက်တစ်လမှာ ဒူဘိုင်းကို ရောက်လာခဲ့တာပါ။ ဇနီးနဲ့ တစ်လောက်ပဲ ကြည်ဖြူခဲ့ရရှာသူ ဖြစ်ပါတယ်။ ဒီဓာတ်ပုံလေးကြောင့် ဇနီးဖြစ်သူ Latha အနေနဲ့လည်း အလွန်ကို ဝမ်းသာဝမ်းနည်း ဖြစ်ခဲ့ရရှာပါတယ်။ သူမရဲ့ခင်ပွန်းကို ကျေးဇူးတွေ တင်နေရှာပါတယ်။

လင်းသူရိန်

SHARE