ချက်ရီပက်ဗလစ်နိုင်ငံရဲ့ ရွာလေးတရွာက ကလေးရုပ်ထုလေးတွေရဲ့ ကြေကွဲဖွယ်ဇာတ်ကြောင်း

http://www.lidice-memorial.cz/en/

ဥရောပတိုက်က ချက်ရီပက်ဗလစ်နိုင်ငံရဲ့ အနောက်မြောက်ပိုင်းမှာရှိတဲ့ Lidice ဆိုတဲ့ ရွာလေးမှာ ကလေးငယ် (၈၂)ဦးရဲ့ ရုပ်ထု ကိုတွေ့နိုင်မှာပါ။ အသက် (၂)နှစ်ကနေ ဆယ်ကျော်သက်အရွယ်တွေအထိ ပါဝင်တဲ့ အဲဒီရုပ်ထုတွေမှာ ယောင်္ကျား လေးရုပ်ထု (၄၀) နဲ့ မိန်းကလေးရုပ်ထု (၄၂)ခု ပါဝင်ပါတယ်။ ဒီရုပ်ထုတွေကို ဘာအတွက် ထုလုပ်ထားတာလဲဆိုတဲ့ အကြောင်းက အတော်ဝမ်းနည်းကြေကွဲဖွယ်ကောင်းလွန်းနေပါတယ်။

ဒီရုပ်ထုထဲမှာပါတဲ့ ကလေးငယ် (၈၂)ဦးစလုံးဟာ နာဇီဂျာမဏီတွေရဲ့ အဆိပ်ငွေ့နဲ့သတ်ဖြတ်ခြင်းကို ခံခဲ့ရသူတွေပါတဲ့။ ၁၉၄၂ ခုနှစ်က သူတို့ကို Lidice ရွာလေးကနေ ဖမ်းခေါ်သွားပြီး ပိုလန်နိုင်ငံက Chelmo မြို့မှာရှိတဲ့ နာမည်ကျော် Chelmo Extermination Camp မှာ သတ်ဖြတ်ခံခဲ့ရတာပါ။ (Chelmo စခန်းဟာ နာဇီဂျာမဏီတွေရဲ့ အဆိပ်ငွေ့သုံး လူသတ်စခန်းတွေအနက် ပထမဆုံးစခန်းလည်း ဖြစ်ပါတယ်)

http://www.lidice-memorial.cz/en/
http://www.lidice-memorial.cz/en/
http://www.lidice-memorial.cz/en/

၁၉၄၂ ခုနှစ်မှာ ဘိုဟီးမီးယန်းနဲ့ မိုရာဗီယာဒေသတွေရဲ့ အုပ်ချုပ်သူ နာဇီ အရာရှိ Reinhard Heydrich လုပ်ကြံခံရအ ပြီးမှာ ဟစ်တလာက (ထိုစဉ်က)ချက်ကိုဆလိုဗက်ကီးယား ဒေသတွင်းမှာရှိတဲ့ လုပ်ကြံသူကို ဝှက်ပေးထားတယ်လို့ သ တင်းရတဲ့ ရွာတွေအားလုံးကို အပြစ်ပေးဖို့ အမိန့်ပေးခဲ့ပါတယ်။ သူ့အမိန့်အရ ဒေသတွင်းက ရွာတွေအားလုံးမှာရှိတဲ့ အ မျိုးသားတွေ အကုန်အသတ်ခံရပြီး၊ အမျိုးသမီးတွေဟာလည်း သုံ့ပန်းစခန်းတွေကို အပို့ခံရပါတယ်။ ဒါ့အပြင် ကလေး ငယ်တွေကိုလည်း စုဝေးစေပြီး တချို့ အာယန်လူမျိုး (မဟာဂျာမဏီလူမျိုး) ရုပ်ဆင်တူတဲ့ ကလေးတွေဟာ ဂျာမန်လူ မျိုးကြီးဝါဒ သွတ်သွင်းခံရဖို့ ရွေးချယ်ခံရပြီး ကျန်တဲ့ကလေးတွေအားလုံးကတော့ အသတ်ခံခဲ့ရပါတယ်။

Lidice ရွာက မိသားစုတစုရဲ့ သားတယောက်ဟာ နာဇီဂျာမဏီကိုတော်လှန်နေတဲ့ ချက်တော်လှန်ရေးတပ်ထဲမှာ ရှိနေ တာကြောင့် နာဇီတွေက Lidice ရွာကို တခြားရွာတွေထက်ပိုပြီး အညှိုးတကြီးဖျက်ဆီးခဲ့ပါတယ်။ ရွာမှာရှိတဲ့ အရွယ် ရောက်ပြီး အမျိုးသား ၁၇၃ ဦးစလုံး သတ်ဖြတ်ခံခဲ့ရပြီး အမျိုးသမီး ၁၈၄ ဦးဟာလည်း သုံ့ပန်းစခန်းအတွက် ဖမ်းဆီးခံခဲ့ ရပါတယ်။ ကလေးငယ် ၈၈ ဦးထဲက ၆ ဦးကို ရွေးချယ်ခဲ့ပြီး ကျန်တဲ့ ၈၂ ဦးကိုလည်း အဆိပ်ငွေ့နဲ့သတ်ဖြတ်ခဲ့တာပါ။

http://www.lidice-memorial.cz/en/
http://www.lidice-memorial.cz/en/

အခုတွေ့မြင်ရတဲ့ ကလေးငယ်တွေရဲ့ ရုပ်ထုတွေကိုတော့ ၁၉၆၉ ခုနှစ်မှာ ချက်လူမျိုး ရုပ်ထုပညာရှင်အမျိုးသမီး Marie Uchytilova-Kucova က စတင်ထုလုပ်ခဲ့တာပါ။ ၁၉၈၉ ခုနှစ်မှာ Marie မမျှော်လင့်ဘဲ ကွယ်လွန်သွားခဲ့ပေမဲ့ သူမရဲ့ အမျိုးသားဖြစ်သူ J.V Hampl က ဆက်လက်ထုလုပ်ခဲ့ပြီး ၂၀၀၀ ပြည့်နှစ်ကျမှသာ ကလေးငယ် ၄၂ ဦးစလုံးရဲ့ ရုပ်ထုအားလုံးကို ထုလုပ်ပြီးစီးခဲ့တာဖြစ်တယ်လို့ သိရပါတယ်။

KYM

READ
ကမ္ဘာတစ်ဝန်းက ထူးခြားဆန်းပြားတဲ့ Spa Treatments များ

Ref: www.lidice-memorial.cz/en/ , Wikipedia

SHARE