ဦးဆောင်စကားပြောသူက ဆက်တိုက်လေလည်လို့ အစည်းအဝေး ရပ်ဆိုင်းခဲ့တဲ့ ကင်ညာနိုင်ငံ

Homa Bay County Assembly

ကင်ညာနိုင်ငံက မြို့ငယ်လေးတစ်ခုမှာ ပြုလုပ်ခဲ့တဲ့ အခြေအတင် ဆွေးနွေးပွဲတစ်ခုမှာ ဦးဆောင်စကားပြောသူတွေအနက် တစ်ဦးက လေမကြာခဏ လည်နေတဲ့အတွက် အစည်းအဝေးကို ရပ်ဆိုင်းခဲ့ရသည်အထိ ဖြစ်ခဲ့ရတယ်လို့ Metro သတင်းဌာနရဲ့ ဖော်ပြချက်အရ သိရပါတယ်။ အဲဒီအစည်းအဝေးဟာ ကင်ညာရဲ့ ဒေသဆိုင်ရာ တွေ့ဆုံပွဲတစ်ခုလည်း ဖြစ်ပါတယ်။

ပြီးခဲ့တဲ့ သြဂုတ်လ (၇)ရက်၊ ဗုဒ္ဓဟူးနေ့က Homa Bay County မှာကျင်းပခဲ့တဲ့ အဲဒီပွဲကို အခြေအတင် ဆွေးနွေးခဲ့ကြပြီး၊ ဒေသဆိုင်ရာ လူကြီးတွေလည်း တက်ရောက်ခဲ့ပါတယ်။ ဒါပေမယ့် အစည်းအဝေးမှာ လူတွေ နှာခေါင်းတရှုံ့ရှုံ့နဲ့ မသတီဖွယ်အဖြစ်ကို ကြုံခဲ့ရပြီး၊ အတော်လေး စိတ်အနှောက်အယှက် ဖြစ်ခဲ့ပုံပါဘဲ။

Homa Bay County Assembly

နောက်ဆုံးတော့ ဟောပြောသူတစ်ဦးဖြစ်တဲ့ Julius Gaya က နေရာကနေ မက်တပ်ရပ်ပြီး “လေးစားရပါသော ဟောပြောသူများခင်ဗျား .. ကျွန်တော်တို့ထဲက တစ်ယောက်ကတော့ ခန်းမတွင်းက လေထုကို ညစ်ညမ်းအောင် လုပ်နေပါတယ် … အဲဒီလူ ဘယ်သူဆိုတာလည်း ကျွန်တော် သိပါတယ် ”လို့ ပြောခဲ့ပါတယ်။

စွပ်စွဲခံရသူက “ကျွန်တော် ပေါက်တာ မဟုတ်ဘူးနော် … ကျွန်တော့်အပေါင်းအသင်းတွေရှေ့မှာ ကျွန်တော် ဒီလို လုပ်လေ့မရှိပါဘူး ”လို့ ငြင်းဆိုခဲ့ပါတယ်။ ဟောပြောသူ Edwin Kakach က “ အားလုံး အပြင်ထွက်ပေးကြပါ … ဒါမှ အဆင်ပြေမယ် … နောက်ပြီး ရုံးခန်းတွေထဲကနေ အဲဖရက်ရှာတွေ ယူလာခဲ့ပါ … ဗနီလာပဲဖြစ်ဖြစ်၊ စတော်ဘယ်ရီပဲ ဖြစ်ဖြစ်ပေါ့ … ”လို့ အကြံပေးခဲ့တယ်လို့ သိရပါတယ်။

Homa Bay County Assembly

သူက ဆက်လက်ပြီး “ ဒီလောက် ဆိုးရွားတဲ့ လေထုအတွင်းမှာ ကျွန်တော်တို့ ဆက်ထိုင်ဖို့ မဖြစ်နိုင်ပါဘူး … ”လို့ ထပ်လောင်း ပြောခဲ့ပါသတဲ့။ အားလုံးဟာ လေကောင်းလေသန့်ရဖို့နဲ့ အစည်းဝေးခန်းမအတွင်းက လေထုညစ်ညမ်းမှု ပြေလောက်တဲ့အချိန်မှ အစည်းအဝေးကို ဆက်ပြီး ကျင်းပခဲ့ကြပါသတဲ့။

လေလည်မှုဆိုတာ ထိန်းချုပ်ထားသင့်တဲ့ အရာမဟုတ်ဘူးလို့ University of Newcastle မှ ပါမောက္ခ Clare Collins က ပြောပါတယ်။ ကျန်းမာရေးအရ ဆိုတာထက်၊ လေဟာ အောက်ကနေ လည်လို့မရဘူးဆိုရင် ပါးစပ်ကနေ ပြန်ထွက်တတ်လို့ပါတဲ့။ ပြောရရင် လေချဉ်တက်တာမျိုးဟာ ပါးစပ်ကနေ လေလည်ခြင်းတစ်မျိုးပဲလို့ ဆိုပါတယ်။ ဒီတော့ ဒီလောက်ဆိုးရွားတဲ့ အနံ့ကို ဘယ်သူမှ ပါးစပ်ကနေ မထုတ်ချင်ကြလောက်ပါဘူး။

လင်းသူရိန်

SHARE