သင့်ကောင်လေးက သင့်ကို ဘယ်တော့မှရိုးမသွားစေမယ့်နည်းလမ်းများ

တွဲလာတဲ့သက်တမ်းကြာလာတာနဲ့ အမျှ သမီးရည်းစားတွေ တစ်ယောက်ကိုတစ်ယောက် အချစ်လျော့တာ၊ အချစ်ပေါ့တာတွေဖြစ်လာတတ်ပါတယ်။ ရည်းစားရှိတဲ့ကောင်မလေးတွေ အနေနဲ့ ဒီနည်းလမ်းလေးတွေကို လိုက်နာရင် သင့်ကောင်လေးက သင့်ကို တိုးတိုးပြီး ချစ်လာမှာဖြစ်ပါတယ်။

(၁) သင့်ဘဝမှာ သူ့လောက်အရေးပါတဲ့ အခြားအရာတွေရှိပါစေ

သူမှသူ၊ သူ့တစ်ယောက်တည်းကိုပဲစဉ်းစား၊ သူ့အနားမှာပဲတွယ်ကပ်နေမယ်ဆို သင်ဟာသူ့အတွက် ငြီးငွေ့ဖွယ်ကောင်းသလို၊ စိတ်ညစ်ဖို့လည်းကောင်းလာပါတယ်။ ဒါကြောင့် သင့်မိသားစု၊ သင့်အလုပ်၊ ကျောင်းစာတွေ စသဖြင့် သူ့လောက်အရေးကြီးတဲ့ အခြားအရာ ရှိနေပါစေ။ သူ့အတွက်ချည်းပဲ သင့်အချိန်တွေကို မသုံးသင့်ပါဘူး။

(၂) လွတ်လပ်ခွင့်ပေးပါ

ကိုယ့်ကိုယ်ကို ယုံကြည်မှုရှိတဲ့ မ်ိန်းကလေးတစ်ယောက်ဟာ ချစ်သူကို လိုတာထက်ပိုပြီး မထိန်းချူပ်ပါဘူး။ သူ့သူငယ်ချင်းတွေနဲ့ အပြင်မသွားရ၊ မိန်းကလေးသူငယ်ချင်းမထားရ၊ တခြားကောင်မလေးတွေကို မကြည့်ရ စသဖြင့် ချမှတ်ထားတဲ့ သင့်ရဲ့ အူကြောင်ကြောင်စဉ်းမျဉ်းတွေက ကြာလာရင် သူ့ကို သင့်အနားကနေရှောင်ခွာ သွားစေမှာပါ။

READ
မွေးချင်းထဲမှာ အစ်မ/ညီမ ရှိသူတွေဟာ ပိုမိုကောင်းမွန်တဲ့လူတွေ ဖြစ်နိုင်ကြောင်းသိရ

(၃) ရိုးသား၍ ပွင့်လင်းပါ

Relationship တစ်ခုမှာ အလိုအပ်ဆုံးကတော့ ရိုးသားမှုပါ။ သူမကြိုက်တာကို သင်လုပ်လိုက်မိရင်တောင် ရိုးရိုးသားသား ဝန်ခံလိုက်ပါ။ တကယ်လို့ သူက သင်မလုပ်ချင်တဲ့အရာတစ်ခုခုကို တွန်းအားပေးနေခဲ့ရင်တောင် မကြိုက်ကြောင်း ပွင့်ပွင့်လင်းလင်းပြောပြီး ငြင်းပယ်လိုက်ပါ။ ဒီလိုလုပ်ခြင်းဖြင့် သူ့စိတ်ထဲမှာ သင့်ကို ယုံကြည်လေးစားလာမှာပါ။

(၄) လှလှပပ ပြင်ပြင်ဆင်ဆင်နေပါ

မိန်းကလေးတစ်ယောက်ရဲ့ ရုပ်ပိုင်းဆိုင်ရာ အသွင်အပြင်ဟာ ယောက်ျားလေးတစ်ယောက်အဖို့ အလွန်အရေးပါပါတယ်။ လှပတဲ့မိန်းကလေးတစ်ယောက်ကို ချစ်သူတော်ထားရတဲ့ ယောက်ျားလေးတစ်ယောက်က စိတ်ထဲကနေကြိတ်ပြီး ဂုဏ်ယူနေတတ်တာပါ။ အလှမပြင်လည်းချစ်တယ်ဆိုတာ အပိုတွေပါ။ ပြင်ပြင်ဆင်ဆင်လှလှပပ နေခြင်းက သူ့ရဲ့အချစ်တွေကို တိုးလာစေတဲ့အပြင် သင့်ရဲ့ဆွဲဆောင်မှုတွေကိုလည်း တိုးလာစေမှာပါ။

(၅) မိန်းကလေးဆန်ဆန်နေပါ

ဆိုလိုတာက နူးညံ့သိမ်မွေ့ပြီး မိန်းမပီပီသသ နေတဲ့မိန်းကလေးတွေကို ယောက်ျားလေးတွေက ပိုချစ်တတ်ကြပါတယ်။ မိန်းကလေးဆန်တဲ့သင့်အပြုံး၊ သင့်အမူအရာတွေနဲ့ သင့်စကားအပြောအဆိုတွေက သင့်ချစ်သူရဲ့ အချစ်တွေကို ပိုပိုပြီးတိုးလာစေမှာပါ။

READ
သင့်ကိုယ်သင် “ဘုရင်မ”တစ်ယောက်လို ခံစားလာရအောင် ချစ်တဲ့ချစ်သူဆိုတာ……

(၆) ဘုရင်တစ်ပါးလိုဆက်ဆံပါ

မိန်းကလေးတွေက အချစ်ခံချင်ကြတယ်။ ယောက်ျားလေးတွေကတော့ အလေးစားခံချင်ကြပါတယ်။ သင့်ချစ်သူ ရဲရင့်လာအောင်၊ အောင်မြင်လာအောင်၊ ကိုယ့်ကိုယ်ကို ယုံကြည်မှုတွေရှိလာအောင် သင်ကတွန်းအားပေးရပါမယ်။ တစ်ခါတလေ သင်လုပ်နိုင်နေတဲ့အရာတွေကိုတောင် သူ့ကို အားကိုးပြလိုက်ပါ။ သူ့ကိုသူဘုရင်တစ်ပါးလို့ ထင်မြင်သွားစေနိုင်လောက် အထိ သင်လေးစားပေးနိုင်တယ် ဆိုရင်တော့ သူ့ရဲ့ အချစ်တွေဟာလည်း မိဖုရားဖြစ်တဲ့ သင့်ဆီကနေဘယ်မှ ထွက်သွားတော့မှာ မဟုတ်ပါဘူး။

Em Em(Shwemom)

Shwemom Team မှ စီစဉ်တင်ဆက်သော www.shwemom.com တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် Facebook စာမျက်နှာ ၊ Website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

 

 

SHARE