မော်လ်ဒိုက်ဗ်နိုင်ငံမှာ ဖွင့်လှစ်တော့မယ့် ကမ္ဘာ့ပထမဆုံး ရေအောက်ဟိုတယ်

အိန္ဒိယသမုဒ္ဒရာအတွင်းက မော်လ်ဒိုက်ဗ်နိုင်ငံဟာ ကျွန်းနိုင်ငံလေးတစ်ခုဖြစ်ပြီး ကမ္ဘာ့လှည့်ခရီးသွားတွေ အလွန် အကြိုက်တွေ့တဲ့နေရာဖြစ်ပါတယ်။ လှပတဲ့ ကမ်းခြေပေါင်းများစွာကို ပိုင်ဆိုင်ထားပြီး ဇိမ်ခံအကောင်းစား မြောက်များစွာရှိသလို မော်လ်ဒိုက်ဗ်နိုင်ငံရဲ့ အဓိက၀င်ငွေဟာလည်း ခရီးသွားလုပ်ငန်းအပေါ်မှာ မှီခိုနေရပါတယ်။ ဒါကြောင့်မို့ မော်လ်ဒိုက်ဗ်နိုင်ငံမှာရှိတဲ့ စားသောက်ဆိုင်နဲ့ ဟိုတယ်တွေဟာ အရမ်းကို ခေတ်ရှေ့ပြေးပြီး အခြားနိုင်ငံမှာ ကမ်းခြေမှာရှိတဲ့အရာတွေထက် ဆန်းသစ်လေ့ရှိပါတယ်။ အခုလည်း (၂၀၁၈)ခုနှစ်အတွင်း မော်လ်ဒိုက်ဗ်နိုင်ငံမှာ ကမ္ဘာ့ပထမဦးဆုံး ရေအောက်ဟိုတယ်ကို ဖွင့်လှစ်ဖို့ ပြင်ဆင်နေပါပြီ။

architecturaldigest
architecturaldigest

ဒီဟိုတယ်ကိုတော့ မူရာကာ(Muraka)လို့ အမည်ပေးထားပြီး မော်လ်ဒိုက်ဗ် ရန်ဂါလီကျွန်းမှာ တည်ရှိပါတယ်။ မူရာကာမှာ အထပ်နှစ်ထပ်ပါဝင်မှာဖြစ်ပြီး အောက်ထပ်ဟာ ပင်လယ်ရေမျက်နှာပြင်အောက် ငါးမီတာအနက်မှာ ရှိနေမှာပါ။ အိပ်ခန်းနဲ့ အိမ်သာတို့ ပါဝင်မှာဖြစ်ပြီး အောက်ထပ်ရဲ့ ပတ်ပတ်လည်ကို ဖန်သား(၈၀)ရာခိုင်နှုန်းနဲ့ ခေါင်မိုးကို ဖန်သားအပြည့်တပ်ဆင်ထားမှာ ဖြစ်ပါတယ်။ ကြောင်လှိမ်လှေကား တစ်ခုလည်း ပါဝင်မှာဖြစ်ပြီး အဲဒီ လှေကားကနေတစ်ဆင့် အပေါ်ထပ်ကို တပ်လို့ရမှာပါ။

READ
တစ်ခါတစ်လေမှာ အပျင်းထူဖို့ လိုအပ်တဲ့အကြောင်းရင်းများ
architecturaldigest
architecturaldigest
architecturaldigest

အပေါ်ထပ်မှာတော့ အိပ်ခန်း၊ အားကစားခန်းမ၊ ဘား၊ မီးခိုချောင်၊ ထမင်းစားခန်းနဲ့ အစေခံနေဖို့အခန်း စတာတွေ ပါဝင်မှာဖြစ်ပါတယ်။ တည်းခိုခကိုတော့ တစ်ရက်စာအတွက် အမေရိကန်ဒေါ်လာ (၅၀,၀၀၀) သတ်မှတ်ထားပါတယ်။

ဟိုတယ်ဒီဇိုင်းကို ရေးဆွဲတဲ့ အဓိကဗိသုကာပညာရှင်ဖြစ်တဲ့ အာမက် စလင်းက “ကျွန်တော်တို့ဟာ ဇိမ်ခံအပန်းဖြေလုပ်ငန်းနဲ့ ပတ်သတ်တဲ့ ဒီဇိုင်း၊ နည်းပညာ ၊ ဗိသုကာ လုပ်ငန်းတွေရဲ့ ကမ္ဘာ့ထိပ်တန်းအဆင့်မှာ ဦးဆောင်နေတဲ့အတွက် ၀မ်းသာဂုဏ်ယူမိပါတယ်” လို့ ဖွင့်ဟခဲ့ပါတယ်။ မော်လ်ဒိုက်ဗ်နိုင်ငံဟာ (၂၀၀၅)ခုနှစ် ဧပြီတုန်းကလည်း ကမ္ဘာ့ပထမဆုံးရေအောက်စားသောက်ဆိုင် အီသာ(Ithaa)ကို ဖွင့်လှစ်နိုင်ခဲ့ပါတယ်။

Source : The Sun

SHARE