မိကျောင်းကို တကူးတကဖမ်းပြီး ဘီယာတိုက်လို့ ရဲဖမ်းခံခဲ့ရတဲ့ အမျိုးသားနှစ်ယောက်

YouTube/FoxNews

အခုတလော ထူးထူးဆန်းဆန်းဖြစ်ရပ်မျိုးစုံကို သင်မြင်နေကြားနေရမှာပါ။ အခုလည်း ကြံကြံဖန်ဖန် မိကျောင်းကို ဘီယာတိုက်တဲ့ လူနှစ်ယောက်ကို ရဲတွေ ဖမ်းဆီးလိုက်ပါတယ်။

ဖလော်ရီဒါမှာ အသက်(၂၇)နှစ်အရွယ် Timothy Kepkeနဲ့ အသက်(၂၂)နှစ်အရွယ် Noah Osborne တို့ကို မိကျောင်းတစ်ကောင် တရားမ၀င် သယ်ဆောင်လာမှု၊ တိရိစ္ဆာန်ညှင်းပန်းနှိပ်စက်မှုနဲ့ ဖလောရီဒါ တောရိုင်းတိရစ္ဆာန်ထိန်းသိမ်းရေး ကော်မရှင်ရဲ့ တိုင်ကြားချက်အရ အောက်တိုဘာ(၃)ရက်နေ့မှာ နှစ်ဦးလုံးကို ဖမ်းဆီးလိုက်တာဖြစ်ပါတယ်။

Facebook/Martin County Sheriff’s Office

Kepkeက မိကျောင်းပေါက်လေးကို  တမင်သက်သက် သူ့လက်ကို ကိုက်အောင်လည်း လုပ်ခဲ့သလို၊ မိကျောင်းပါးစပ်ထဲ ဘီယာတွေလောင်းထည့်ခဲ့တာလို့ FWC သတင်းက ဆိုပါတယ်။

မိကျောင်းကို ဘီယာတိုက်လိုက်တဲ့အချိန်မှာ မိကျောင်းက ရန်လိုတဲ့အပြုအမူ တုံ့ပြန်ခဲ့ပါတယ်။ ဖြစ်စဉ်ကိုရိုက်ကူးထားတဲ့ ဗီဒီိယိုဟာလည်း စံချိန်တင်ကြည့်ရှုနှုန်းများခဲ့ပါတယ်။

အဲ့ဒီဗီဒီိယိုပျံ့နှံ့သွားပြီးနောက် စက်တင်ဘာ(၁၇)ရက်မှာ  ရဲတွေက Kepkeရဲ့နေအိမ်ကို သွားရောက်စစ်ဆေးခဲ့တာပါ။

Facebook/Martin County Sheriff’s Office

Kepkeက အဲ့ဒီမိချောင်းကို Osborneနဲ့အတူ  Palm မြို့ Ranchwoodလမ်းမှာတွေ့ရင်း ဖမ်းလာခဲ့တာဖြစ်ပြီး လက်ရှိမှာတော့ မိကျောင်းကို လွှတ်ပေးလိုက်ပြီလို့ ပြောပါတယ်။

အခင်းဖြစ်ပွားချိန်ကလည်း သူတို့နှစ်ယောက်လုံးအရက်မသောက်ထားသေးပါဘူး။ အဲဒီအချိန်က ဘေးမှာ မိန်းကလေးသူငယ်ချင်းတစ်ယောက်လည်း ရှိပါတယ်လို့ ရဲတွေကိုရှင်းပြခဲ့ပါတယ်။

စက်တင်ဘာ(၂၁)မှာ ရဲတွေက Osborneနဲ့  Kepke တို့ရဲ့ပြောစကားတွေကို ဟုတ်မဟုတ်ကောင်မလေးကိုလည်းထပ်မံမေးခဲ့ရာ Kepke ကို သူ့အပြုအမူတွေကြောင့် မိကျောင်းက ကိုက်ခဲ့တာလို့ထင်ကြောင်းဖြေကြားခဲ့ပါတယ်။

အဲ့ဒီနောက် စက်တင်ဘာလထဲမှာပဲ သူတို့ကို ဖမ်းဝရမ်းထုတ်ခဲ့ပြီး၊ အောက်တိုဘာ(၃)ရက်နေ့မှာတော့ နှစ်ယောက်လုံးကိုဖမ်းဆီးခဲ့ပါတယ်။

တရားရုံးအမိန့်အရ Kepke ကိုငွေဒဏ် အမေရိကန်ဒေါ်လာ(၅၀၀၀)၊ Osborneကို ငွေဒဏ်(၂၅၀၀)  အသီးသီးချမှတ်ပြီး နှစ်ယောက်လုံး ကို Martin ကောင်တီ အကျဉ်းထောင်မှာ ခေတ္တထိန်းသိမ်းထားပြီးနောက် ပြန်လွှတ်ပေးခဲ့တယ်လို့သိရပါတယ်။

Khaing

SHARE