အထဲမှာ မြွေတွေပါတဲ့အထုပ်ကြီးကို ငွေထုပ်နဲ့မှားပြီး ခိုးပြေးတဲ့သူခိုး

Youtube

အမေရိကန် ကယ်လီဖိုးနီးယား၊ ကမ်းဘဲလ်မှာတည်ရှိတဲ့ မာတင်လူသားကင်းဂျေအာရ် စာကြည့်တိုက်ရဲ့ ကားရပ်နားရန်နေရာမှာ လူတစ်ယောက် ရပ်နားထားတဲ့ကားထဲကနေ၊ သူခိုးတစ်ယောက် အထုပ်တစ်ခုကို မပြီး ပြေးခဲ့ပါတယ်။ ဒါပေမယ့် အဲဒီအထုပ်ဟာ ငွေထုပ်မဟုတ်ဘဲ မြွေတွေထည့်ထားတဲ့ အထုပ်ဖြစ်နေလို့ အဲဒီသူခိုး ဒုက္ခရောက်ခဲ့ရတာပါ။

အထုပ်ပျောက်သွားတဲ့ ပိုင်ရှင်ကတော့ Brian Grundy လို့အမည်ရပြီး၊ For Goodness Snakes လုပ်ငန်းကို လည်ပတ်နေတဲ့ တွားသွားသတ္တဝါ မွေးမြူရေးလုပ်ငန်းရှင်တစ်ဦး ဖြစ်ပါတယ်။ သူဟာ ကားကိုရပ်ထားတာ မိနစ်ပိုင်းလောက်သာ ကြာသေးတဲ့အချိန်မှာ မြွေထုပ်ကြီးကို ခိုးခံလိုက်ရတာပါ။

Youtube

အဲဒီအထုပ်ကြီးထဲမှာ မြွေဖြူစပါးအုံး(၄)ကောင်နဲ့ အရှည် (၂၈)လက်မရှိတဲ့ အိမ်မွေးဖွတ်တစ်ကောင်လည်း ပါဝင်ပါတယ်။ သူဟာ တိရိစ္ဆာန်ရေးရာ ပညာပေးစီမံချက်ဟောပြောပွဲကနေ ပြန်အလာ မြွေထုပ်ကို ထားပြီး လုပ်စရာရှိတာတွေ လုပ်ကိုင်ခဲ့တာလို့ ဆိုပါတယ်။ မြွေထုပ် ခိုးသွားတဲ့ သူခိုးအနေနဲ့လည်း မမျှော်လင့်တဲ့ အရာတွေ တွေ့ရမှာမို့ ထိတ်လန့်ဖွယ်ရာ ရှိနေပါတယ်။

 

ဒီလိုပဲ မြွေထုပ်ပျောက်သွားတဲ့ ပိုင်ရှင်အနေနဲ့လည်း အခုဆိုရင် သူရဲ့ တိရိစ္ဆာန်တွေ အသက်တောင် ရှင်ပါ့မလား၊ ဘယ်လို အခြေအနေရှိမလဲဆိုတာကို သောကပွားနေပါတယ်။ ဘာပဲဖြစ်ဖြစ် သူကတော့ သူခိုးကို ဖမ်းပေးဖို့ တိုင်ချက်ဖွင့်မထားဘူးလို့ Brian က ပြောပါတယ်။

READ
သွေးအမျိုးအစားအပေါ် မူတည်ပြီး ပြောလို့ရနိုင်မယ့် သင့်ရဲ့စိတ်နေသဘောထား

Brian က သူခိုးအနေနဲ့ အထုပ်ကို သူ့ဆီပြန်လာပို့ဖို့ တောင်းဆိုထားသလို၊ ရဲကိုတိုင်မယ်ထင်တဲ့ စိုးရိမ်စိတ်လည်း မထားဖို့ ပြောထားပါတယ်။ သူကတော့ သူခိုးအထုပ်ပြန်လာပေးရင် ဘာတွေညာတွေ မေးနေမှာမဟုတ်ဘဲ၊ အသာတကြည် ပြန်လွှတ်ပါမယ့်လို့ ပြောခဲ့ပါတယ်။

လင်းသူရိန်

SHARE