ငွေမရှိရင် အချစ်ဆိုတာ ဘာမှအသုံးမဝင်ဘူးဆိုပြီး ကောင်လေးကို ဇာတ်လမ်းဖျက်လိုက်တဲ့သူ

Shutterstock/KellyBishop

မလေးရှားနိုင်ငံက အမျိုးသမီးငယ်တစ်ယောက်ဟာ သူမရဲ့ချစ်သူက ကမ္ဘာကျော်ကုန်အမှတ်တံဆိပ်တစ်ခုဖြစ်တဲ့ Chanel Bag အမျိုးစား အိတ်တစ်လုံး ဝယ်ခိုင်းခဲ့ရာ၊ ဝယ်မပေးခဲ့တဲ့အတွက် အလွန်ဒေါသထွက်ပြီး ပေါက်ကွဲခဲ့ကြောင်း ဆိုပါတယ်။ ဒီအကြောင်းကို UTAR Confessions အမည်ရ Faccebook Page တစ်ခုမှာ အဲဒီအမျိုးသမီးက ပြန်လည်မျှဝေထားတာပါ။

အခုတော့ သူမဟာ အချစ်ထက် ဘာမှ အရေးမကြီးဘူးဆိုတာကို သိလိုက်ရပြီမို့ သူမရဲ့ လုပ်ရပ်အတွက် အလွန်နောင်တရနေပြီလို့ ဆိုပါတယ်။ ချစ်သူအမျိုးသားက သူမလိုချင်တာကို ဝယ်မပေးနိုင်တော့ “ ငွေမရှိဘူးဆိုရင် အချစ်ဆိုတာကလည်း အလကား အသုံးမဝင်ဘူး ”လို့ ပြောခဲ့တာပါ။ ဒီအပြောအဆိုကြောင့်ပဲ သူတို့ဇာတ်လမ်း အဆုံးသတ်သွားပါတယ်။

#UC41350 他从Sibu来,家境不好,但他很努力成绩也很好。我们大一就认识了,跟他相处很舒服很快我们就在一起了。他说是我黑中带褐的头发和胸部吸引了他,我无言。毕业后,我一再要求下,他决定留在KL找工。 我在Seri…

Posted by UTAR Confessions on Monday, October 28, 2019

ကောင်မလေးရဲ့အဆိုအရ သူတို့နှစ်ယောက်ဟာ တက္ကသိုလ်ပထမနှစ်မှာ စတင်ရင်းနီးပြီး ချစ်ကျွမ်းဝင်ခဲ့ကြတာပါတဲ့။ ကျောင်းပြီးတော့ ကာင်လေးက Sibu က ဖြစ်ပြီး၊ KL မှာ လာနေဖို့ သူမက စွဲဆောင်နိုင်ခဲ့ပါတယ်။ သူမဟာ Seri Kembangan က ကုမ္ပဏီငယ်လေးတစ်ခုမှာ အလုပ်ရခဲ့ပြီး၊ ကောင်လေးကတော့ KL Sentral က ဘဏ်တစ်ခုမှာ တစ်လ ရင်းဂစ် (၂၅၀၀) ရခဲ့ပါတယ်။

အခန်းငှားခကိုလည်း ကောင်လေးက စိုက်ရတာဖြစ်ပြီး၊ သူမဟာ အလုပ်ကို သွားလာရတာ ခက်ခဲလို့ ကားလည်း ဝယ်ခိုင်းခဲ့ပေမယ့် ဒီလောက် လစာလေးနဲ့ ဘယ်လိုမှ အဆင်မပြေခဲ့ပါဘူးတဲ့။ ငွေရေးကြေးရေးကိုလည်း ချွေတာလွန်းပြီး၊ သူ့ကောင်လေးက ကပ်စေးနည်းတဲ့သဘောကို ပြောပါတယ်။ မိုးအလွန်များတဲ့ ရက်လောက်သာ Grab တက္ကစီ စီးရတယ်လို့ ဆိုပါတယ်။

Unsplash/Tanya

(၂)နှစ်ကြာတော့ သူတို့ဟာ နည်းနည်း စာရိတ်စက ပိုကုန်တဲ့ အခန်းတစ်ခုကို ပြောင်းခဲ့ကြပါတယ်။ ဒီအချိန်မှာ လစာလည်း အနည်းငယ်တိုးလာပြီမို့ ကောင်လေးကို ကားဝယ်ခိုင်းတော့ သူက ငြင်းပြန်ပါတယ်။ လိုလည်း မလိုအပ်ဘူးလို့ ပြောခဲ့ပါသတဲ့။ သူမဟာ ကုန်ပစ္စည်းတွေဆိုရင် နာမည်ကြီးမှ ကောင်းမှ သုံးချင်တာကြောင့် ဒီခံစားချက်ဟာ ကောင်လေးနဲ့ သဟဇာတ မဖြစ်ခဲ့ပါဘူး။

နောက်ပြီး ကောင်လေးက တစ်လကို ရင်းဂစ်(၁၀၀၀) မိသားစုကို ပြန်ထောက်နေတာကိုလည်း သူမက အပြစ်လို့ မြင်ပုံရပါတယ်။ တစ်ရက်မှာတော့ သူမရဲ့သူငယ်ချင်းက Chanel Bag တစ်လုံး ဝယ်လို့ သူ့ကိုပြပြီး ဒီလိုဟာ လိုချင်တယ်လို့ ပူဆာခဲ့ပါသတဲ့။ အဲဒီမှာ ကောင်လေးက “ ငါ့ လစာနဲ့ဆို (၃)နှစ်တောင် တက်နိုင်မှာ မဟုတ်ဘူး ”လို့ ပြောခဲ့ပါတယ်။

Twitter/Chanel

ဒီမှာတင်ပဲ နှစ်ယောက်သား အချင်းများရန်ဖြစ်ခဲ့ကြပြီး၊ “ ငွေမရှိတဲ့ အချစ်ဆိုတာ ဘာအသုံးကျမှာမို့လို့လဲ … ရှင် ဒီလောက်တောင် အသုံးမကျတဲ့လူလား ”စသဖြင့် ပြစ်တင်ကြိမ်းမောင်းခဲ့ပါတယ်။ နောက်ရက်မှာ ကောင်လေးက သူ့ဇာတိကို လေယာဉ်နဲ့ ပြန်သွားခဲ့ပါတယ်။ ကိုယ့်ကိုယ်ကို ဂရုစိုက်ဖို့လည်း မှာသွားခဲ့ပါတယ်တဲ့။ အဲဒီနောက် သူမမှာ ငွေပိုငွေလျှံ မရှိတော့ပါဘူး။

အခန်းခကိုလည်း သူမတစ်ယောက်တည်း ကျသင့်ငွေ ပေးခဲ့ရပြီး၊ တစ်လလောက်တော့ ရုံးမှာ သူမကို Crush နေတဲ့လူက အိမ်ခဏခဏပြန်ပို့ပေးခဲ့ပေမယ့် နောက်တော့ မပို့တော့ကြောင်းဆိုပါတယ်။ ဒီအချိန်မှ သူမဟာ အချစ်အကြောင်းကို နားလည် သဘောပေါက်သွားပြီး၊ အချစ်ဟာ ကမ္ဘာပေါ်မှာ အရေးပါဆုံးဖြစ်ကြောင်း သိရှိခဲ့ရတယ်လို့ ဆိုပါတယ်။ သူမကို လူတွေက ဝိုင်းဝန်း ဝေဖန်ခဲ့ကြပြီး၊ အချစ်စစ်နဲ့ မထိုက်တန်တဲ့လူလို့ ပြောခဲ့ကြပါတယ်။

လင်းဇော်ကို

SHARE