သူ့ကို လိုက်ကြိုက်နေတဲ့ကောင်မလေးကို အကိုဖြစ်သူနဲ့ချိတ်ပေးလိုက်တဲ့ ဂေးကောင်လေး

Twitter/JilliBearr

တစ်ဦးနဲ့တစ်ဦးအပြင်မှာ မရင်းနှီးမသိဘူးပေမယ့် အွန်လိုင်း dating ကြောင့် ဖူးစာပါသွားကြသူတွေ ကမ္ဘာမှာ ဒုနဲ့ဒေးပါပဲ။ တစ်ချို့ကလည်း ကံကောင်းပြီး တကယ်အချစ်စစ်နဲ့တွေ့ကြသလို၊ တချို့ကတော့ လူလိမ်လူညာကြောင့်  ဒူးနဲ့မျက်ရည်သုတ်ခဲ့ရသူတွေလည်း မနဲပါဘူး။

ဒါပေမယ့် အမေရိကန်နိုင်ငံ ၊ အိုင်အိုဝါပြည်နယ်က အသက်(၁၈)နှစ်အရွယ် Jill ဆိုတဲ့ ကျောင်းသူလေးတစ်ဦးရဲ့ အဖြစ်ကတော့ ဆန်းကျယ်တယ်လို့ ဆိုရမလားပါဘဲ။ ချစ်သူရှာဖို့ အွန်လိုင်း dating လုပ်ရာက Derek ဆိုတဲ့ကောင်လေးနဲ့တွေ့ဆုံခဲ့ပါတယ်။ 

ကျောင်းတစ်ကျောင်းထဲဖြစ်နေတာနဲ့ ကောင်မလေးက ‌ကောင်လေးကို စပြီးဖုန်းနံပါတ်ပေးခဲ့ပါတယ်။ ဒါပေမယ့် Jill ရဲ့အစီအစဉ်တွေ မအောင်မြင်ခဲ့ပါဘူး။

 

ကောင်လေးက သူ့ကိုယ်သူ ဂေး တစ်ယောက်ပါဆိုပြီးစာပြန်လာခဲ့ပါတယ်။ တစ်ဆက်တည်းမှာပဲ Derek က သူ့မှာ သူနဲ့ချွတ်စွပ်တူတဲ့ Scott ဆိုတဲ့အမွှာအကိုတစ်ယောက်ရှိပြီး ၊ သူကယောကျာ်းစစ်စစ် ဖြစ်တယ်ဆိုကာ မိတ်ဆက်ပေးလိုက်ပါတယ်။ ဒါနဲ့မပြီးသေးဘဲ Derek က အကိုဖြစ်သူနဲ့ ကောင်မလေးကို ဖုန်းနံပါတ်ပေးတာထက် လူချင်းတွေ့ပေးလိုက်တာက ပိုကောင်းတယ်ဆိုပြီး သူတို့နှစ်ဦးကို တွေ့ဆုံနိုင်ဖို့အထိ ကူညီကာ မြှားနတ်မောင်လုပ်ပေးလိုက်တာပါ။

အဲ့ဒီနောက်ပိုင်းမှာ Scott နဲ့ Jill တို့ စုံတွဲတွေအဖြစ် ဒိတ်လုပ်ဖြစ်သွားကြပါတယ်။ 

ကောင်မလေးက Derekပို့ထားတဲ့ မက်ဆေ့ကို ဓာတ်ပုံရိုက်ပြီး တွစ်တာပေါ်တင်ကာ အခုလိုဖော်ပြခဲ့ပါတယ်။  

 

စာထဲမှာ Derekက မင်းက အရမ်းလှတဲ့သူတစ်ယောက်ပါ။ ဒါပေမယ့်ငါက  ဂေးတစ်ယောက်ဖြစ်ပါတယ်။ င့ါရဲ့အမွှာအကိုတစ်ယောက်ရှိပါတယ်။ သူ့ဖုန်းနံပါတ်လိုချင်ရင်ပေးပါမယ်ဆိုတဲ့ပြန်စာကို တွစ်တာမှာ တင်လိုက်တာပါ။

နောက်ထပ် ပို့စ်တစ်ခုအဖြစ် ကောင်မလေးက ဒီကန်တင်းမှာပဲ ချစ်စရာကောင်လေးတစ်ယောက်ကို ငါ့ဖုန်းနံပါတ်ပေးခဲ့ဖူးတယ်။ အခုတော့ အဲ့ကောင်လေးနဲ့ချွတ်စွပ်တူတဲ့သူ့အကို Scott နဲ့ဒိတ်လုပ်ဖြစ်သွားခဲ့တယ်။ နဖူးစာရွာလည်မှုကြီးက ဘယ်လောက်ဆန်းကြယ်လဲဆိုပြီး သူမရဲ့အဖြစ်အပျက်အကြောင်းရေးသားခဲ့တာဖြစ်ပါတယ်။

Khaing Sandar

SHARE