ပြည်သူတွေပျော်ရွှင်ရေးအတွက် သီးသန့်ဘတ်ဂျက်ထားပြီး အသုံးပြုသွားမယ့် နယူးဇီလန်

နိုင်ငံတစ်နိုင်ငံရဲ့ ဘတ်ဂျက်အကြောင်းပြောတဲ့အခါ အဦးဆုံးစဉ်းစားမိတဲ့အကြောင်းတွေကတော့ GDP ၊ ငွေကြေးဖောင်းပွမှု၊ အခွန်အကောက်နဲ့ ကြွေးမြီကိစ္စတွေပါ။ အနောက်တိုင်းနိုင်ငံတော်တေ်ာများများဟာ နိုင်ငံပိုင်ဘတ်ဂျက်စီမံခန့်ခွဲမှုမှာ နိုင်ငံသူ နိုင်ငံသားတွေရဲ့ ပျော်ရွှင်မှုအပေါ်မှာ အခြေခံပြီး ဘတ်ဂျက်သုံးစွဲတယ်ဆိုတာ မရှိသလောက်ပါ။

ဒါပေမယ့် အခုတစ်ခါ ထူးထူးခြားခြားပဲ နယူးဇီလန်နိုင်ငံကတော့ ပြည်သူတွေရဲ့ ပျော်ရွှင်မှုအပေါ်မှာ အခြေခံပြီး နိုင်ငံဘတ်ဂျက်တွေကို သုံးမယ်လို့ ဆိုခဲ့တာကို huffpost နဲ့ storypick အွန်လိုင်းသတင်းဝက်ဆိုက်ဒ်တွေမှာ တွေ့ရပါတယ်။ နယူးဇီလန် ၀န်ကြီးချုပ် ဂျာစင်ဒါအာဒန်က ကလေးသူငယ်ဆင်းရဲမွဲတေမှု၊ အိမ်တွင်းအကြမ်းဖက်မှု၊ စိတ်ကျန်းမာရေးနဲ့ ပတ်သက်တဲ့ အကြောင်းကိစ္စတွေပေါ်မှာ မူတည်ပြီး  ဘတ်ဂျက်သုံးမယ်လို့ ကြေညာခဲ့တာ ဖြစ်ပါတယ်။

instagram

နယူးဇီလန်မှာ နေထိုင်ကြတဲ့ လူဦးရေ (၄.၈) သန်းရဲ့ ဘ၀တွေ ပိုမိုတိုးတက်လာစေဖို့ ၀န်ကြီးချုပ်အာဒန်အနေနဲ့ အခုလို စီမံကိန်းရေးဆွဲခဲ့တာဖြစ်ပါတယ်။ လူမှုဘ၀တိုးတက်စေဖို့ ဘတ်ဂျက်အသုံးပြုမှုမှာ ဘူတန်နိုင်ငံကတော့ တော်တော်လေးရှေ့ပြေးတယ်လို့ ယူဆရပါတယ်။ အင်္ဂလန်ဆိုရင်လည်း နိုင်ငံသားတွေရဲ့ ပျော်ရွှင်မှုအတွက် ဘတ်ဂျက်အသုံးချမှုစနစ်မှာ အတိုင်းအတာတစ်ခုထိ ဆောင်ရွက်ပြီးစီးနေပြီ ဖြစ်ပါတယ်။

နယူးဇီလန်နိုင်ငံကတော့ နိုင်ငံပိုင်ဘတ်ဂျက်အားလုံးကို နိုင်ငံသူနိုင်ငံသားတွေရဲ့ စိတ်ချမ်းမြေ့မှု၊ ပျော်ရွှင်မှုအပေါ် ဦးတည်ပြီးအသုံးချမယ့် ပထမဆုံးအနောက်တိုင်းနိုင်ငံ ဖြစ်လာပါပြီ။ နိုင်ငံရဲ့ စီးပွားရေးအခြေအနေကလည်း တော်တော်လေးကောင်းနေပြီး နှစ်စဉ်တိုးတက်မှုရာခိုင်နှုန်း (၃) ရာခိုင်နှုန်း ရှိနေပါတယ်။

READ
ဒဏ်ရာရသွားတဲ့ သခင်ကို ဖက်ပြီး စောင့်ရှောက်ပေးခဲ့တဲ့ ခွေးလေး

နယူးဇီလန်နိုင်ငံမှာ ရုပ်ဝတ္ထုပိုင်းဆိုင်ရာတွေက တိုးတက်ပေမယ့် နိုင်ငံထဲမှာ အခြားပြဿနာတွေလည်း ရှိနေပါသေးတယ်။ မညီမျှမှု၊ အိမ်ခြေရာမဲ့ပြဿနာ၊ စိတ်ကျန်းမာရေး ပြဿနာတွေနဲ့ အိမ်တွင်း အကြမ်းဖက်လုပ်ရပ်တွေကလည်း ရှိနေပါသေးတယ်။ ဒီလိုပြဿနာတွေအပေါ် ၀န်ကြီးချုပ်က ကိုင်တွယ်ဖြေရှင်းနိုင်ဖို့အတွက် အခုလို စီမံကိန်းကို ရေးဆွဲခဲ့တာ ဖြစ်ပါတယ်။

စီမံကိန်းအသစ်ဟာ လူငယ်တွေရဲ့တိုးတက်မှုကို ပိုအလေးထားပေးမှာပါ။ ကလေးသူငယ်ဆင်းရဲမွဲတေမှု လျော့ချရေး၊ ဒေသခံ တိုင်းရင်းသားတွေရဲ့  လူနေမှုဘ၀ အဆင့်မြှင့်တင်ပေးရေး၊ အလုပ်အကိုင်အခွင့်အလမ်းတွေ ပေါများပြီး လစာတိုးပေးရေး စတာတွေကို လုပ်ဆောင်သွားမှာ ဖြစ်ပါတယ်။ ဒါ့အပြင် နယူးဇီလန်ဟာ စိတ်ကျန်းမာရေးဝေဒနာရှင်တွေအတွက် ဘီလီယံဒေါ်လာ(၁.၂၅) သုံးစွဲမှာဖြစ်ပြီး လိင်ပိုင်းဆိုင်ရာ အကြမ်းဖက်တိုက်ခိုက်မှုကို ခြေဖျက်ဖို့ ဘီလီယံဒေါ်လာသန်း(၂၁၀)နဲ့ ကလေးတွေရဲ့ ဘ၀ရှေ့ရေးသာယာစေရေးတို့အတွက် ဘီလီယံဒေါ်လာ (၆၅၆) သန်း အသီးသီး အကုန်ကျခံကာ ပြည်သူတွေရဲ့ ဘ၀ သာယာပျော်ရွှင်စေရေးအတွက် လုပ်ဆောင်သွားမည်ဖြစ်ကြောင်း သိရပါတယ်။

READ
ခန်းဝင်ပစ္စည်းဖိုးမတက်နိုင်လို့ မင်္ဂလာပွဲမတက်တဲ့သတို့သားကို သတို့သမီးက တရားစွဲ

လင်းလင်း (ShweMom)

SHARE