ဘဝတစ်ခုလုံးနှစ်ပြီး ရုန်းကန်ပေးတဲ့ ဖခင်လယ်သမားကြီးကို ဂုဏ်ယူစွာပွဲထုတ်ခဲ့တဲ့ သမီး

Facebook_elamarfilsullano12

မိဘတွေဆိုတာ ကိုယ်တိုင်က ဆားနဲ့လျှက်စားနေရရင်တောင်မှ သားတွေသမီးတွေ ထမင်းပန်းကန်ထဲမှာ အရမ်းအရသာရှိတဲ့ စားကောင်းသောက်ဖွယ်တွေ မြင်စေချင်ကြပါတယ်။ ကိုယ်တိုင်က လုံခြုံအောင်ဝတ်ဖို့ အနိုင်နိုင် ရုန်းကန်နေရရင်တောင်မှ သားတွေသမီးတွေကိုတော့ လူတန်းစေ့ ဝတ်စေချင်ကြပါတယ်။ သားတွေသမီးတွေရဲ့ ပညာရေးမှာလည်း သူတို့တက်နိုင်တာထက် ပိုထောက်ပံ့ကြပြီး၊ လူတော်လူကောင်းတွေ ဖြစ်စေချင်ကြပါတယ်။

အခုလည်း ကျောင်းသူမလေးတစ်ယောက်ကတော့ သူမတို့မိသားစုက အစစအရာရာ မပြည့်စုံပေမယ့် သူမကို တခြားကလေးတွေနဲ့တန်းတူ ကျောင်းတက်နိုင်အောင်၊ တခြားကလေးတွေလို ဝတ်စားဆင်ယင်နိုင်အောင်၊ တခြားကလေးတွေလို သုံးစွဲနိုင်အောင် ကြိုးစားရုန်းကန်ပေးတဲ့ လယ်သမားဖခင်ကြီးကို ဘွဲ့ယူတဲ့နေ့မှာ ဂုဏ်ယူစွာ ပွဲထုတ်ခဲ့ပါတယ်။

Nakapagtapos ako dahil sa dugo't pawis ng aking ama. 💖#ProudDaughterOfAFarmer

Posted by Œla Marfil Sullano on Saturday, August 8, 2020

ကျောင်းသူလေးအမည်ကတော့ Ela Marfil Sullano ဖြစ်ပါတယ်။ သူမရဲ့ဖခင်ဟာ ဘယ်လောက်တောင် ခက်ခဲကြမ်းတမ်းတဲ့ ဘဝဒဏ်တွေကို ရင်စည်းခံခဲ့ရသလဲဆိုတာ ရုပ်ရည်ရုပကာကိုကြည့်ရုံနဲ့ သိနိုင်ပါတယ်။ အကောင်းဆုံးလို့ ယူဆရတဲ့ အဝတ်တွေကို ရွေးချယ်ဝတ်ဆင်ခဲ့ပေမယ့် သူ့ပုံစံက နွမ်းပါးလွန်းပါတယ်။

Posted by Œla Marfil Sullano on Thursday, April 2, 2020

ကြမ်းတမ်းတဲ့ လက်ချောင်းတွေကို မြင်လိုက်တာနဲ့ သူဟာ မိသားစုအတွက် ဘယ်လောက်တောင် တာဝန်ကျေခဲ့သလဲ မြင်သာစေမှာပါ။ Ela ဟာ ဖိလစ်ပိုင်နိုင်ငံ၊ Iloilo ပြည်နယ်၊ Leganes မှာတည်ရှိတဲ့ St. Vincent College of Science and Technology ကနေ ဂုဏ်ထူးတွေနဲ့အတူ ဘွဲ့ရယူနိုင်ခဲ့ပြီ ဖြစ်ပါတယ်။ ဘွဲ့ယူအမှတ်တရမှာ ဖခင်က မပါမဖြစ်အရေးပါးတဲ့ လူတစ်ယောက်ပါ။

ikaw lang ang aking ama💯💖

Posted by Œla Marfil Sullano on Monday, May 11, 2020

သူမဟာ ဖခင်နဲ့အတူတွဲရိုက်ထားတဲ့ဓာတ်ပုံလေးကို Facebook Profile အဖြစ် ထားရှိဂုဏ်ပြုခဲ့ရာ၊ သူမရဲ့ဓာတ်ပုံကို Like and Reaction ပြုလုပ်သူ (၁၁၅၀၀၀)ဦးအထိ ရှိခဲ့ပြီး၊ ပြန်လည်မျှဝေသူ (၂၆၀၀၀)အထိ ရှိခဲ့ပါတယ်။ မှတ်ချက်ရေးသူပေါင်း (၃၈၀၀)အထိ ရှိခဲ့ကြောင်း သိရပါတယ်။

Ela က သူမအနေနဲ့ ဒီလို လူတလုံးသူတလုံး ဖြစ်လာဖို့အတွက် တစ်ယောက်တည်းစွမ်းအားနဲ့ မရနိုင်ကြောင်း၊ မိဘတွေရဲ့ အကူအညီမပါဘဲ၊ သားသမီးဆိုတာ ထိပ်ဆုံးနေရာ ရောက်နိုင်ဖို့ မလွယ်ကြောင်း၊ သူမဘဝမှာ အရေးပါဆုံးသော လူပုဂ္ဂိုလ်ကတော့ ဖခင်ဖြစ်တဲ့အတွက် အခုလို ဂုဏ်ပြုခဲ့တာလို့ ဆိုပါတယ်။

လင်းဇော်ကို

SHARE