အရာရာ ကပ်စေးနည်းလွန်းတဲ့ချစ်သူကို (၁၄)နှစ်အကြာမှာ လက်တွဲဖြုတ်ခဲ့တဲ့ ကောင်မလေး

Tumblr/ursunrise

ချစ်သူတို့ဘဝဆိုတာ လူငယ်တွေအတွက်တော့ ပျော်ဖို့ အကောင်းဆုံးအချိန်၊ အနာဂတ်အရေး စိတ်ကူးယဉ်ဖို့ အကောင်းဆုံးအချိန်ပါဘဲ။ ဒါပေမယ့် နည်းနည်းလေး အရွယ်ရောက်လာတဲ့အခါ အချစ်ဟာ စိတ်ကူးယဉ် တိုက်အိမ်ဆောက်နေရုံနဲ့ မပြီးဘူးဆိုတာ သိရှိကြပြီး၊ လိုအပ်ချက်တွေ၊ လိုချင်တာတွေနဲ့ယှဉ်ကာ အသိဉာဏ်နဲ့ ပိုင်းခြား ဆင်ခြင်ကြပါတယ်။

အခုလည်း အမျိုးသမီးတစ်ယောက်ဟာ (၁၄)နှစ်ကြာ အောင့်အည်းသည်းခံ လက်တွဲခဲ့တဲ့ ကောင်လေးကို ပြစ်ချက်တွေနဲ့ အကြောင်းပြပြီး လမ်းခွဲလိုက်ပါသတဲ့။ မလေးရှားအမျိုးသမီးဖြစ်ပြီး၊ UTAR (University Tunku Abdul Rahman) ကနေ ဘွဲ့ရထားသူပါ။ သူမဟာ ကာလရှည် လက်တွဲခဲ့တဲ့ချစ်သူကို ဘာကြောင့် စွန့်ပစ်ခဲ့ရသလဲဆိုတာ ရှင်းပြခဲ့ပါတယ်။

Unsplash/WeHearIt

သူမရဲ့ ချစ်သူဟောင်း ကောင်လေးက အလွန်ကပ်စေးနည်းပါသတဲ့။ နောက်ပြီး အနာဂတ်ရည်မှန်းချက်ဆိုတာလည်း မရှိဘဲ၊ ဘဝကို ပေါ့ပေါ့ပဲ ဖြတ်သန်းချင်တဲ့လူ ဖြစ်နေပါသတဲ့။ လူတစ်ယောက်ဟာ ဆင်းရဲခြင်း ချမ်းသာခြင်းဆိုတာထက်၊ ဘဝအတွက် ရွေးချယ်တဲ့အခါ အနာဂတ်ရည်မှန်းချက်ကို စိတ်ပါဝင်စားနေဖို့က အလွန်အရေးကြီးပါတယ်။

နောက်ပြီး သူမရဲ့ အနာဂတ်လမ်းတွေကိုလည်း ကောင်လေးက လိုက်လံပိတ်ပင်လေ့ရှိသူ ဖြစ်တယ်လို့ ဆိုပါတယ်။ အခုဆိုရင် အမည်ဖော်ပြမထားတဲ့ သူမဟာ အသက်(၂၈)နှစ်တောင် ရှိနေပါပြီ။ ဆိုရရင် ဒီကောင်လေးနဲ့ သူမက သူမအသက် (၁၄)နှစ်ကတည်းက စတွဲခဲ့တာလို့ ဆိုရမှာပါ။

သူမက “ ကျွန်မ ကောင်လေးက ကျွန်မအပေါ်မှာ အတော်လေး ကောင်းတဲ့သူပါ … ကြင်နာတတ်ပေမယ့် သူ့မှာ အနာဂတ်ရည်မှန်းချက် မရှိဘူး … အလယ်တန်းကျောင်းတွေ တက္ကသိုလ်တွေ အတူတူ ဖြတ်သန်းခဲ့တဲ့တစ်လျှောက် … ဈေးသင့်တဲ့ အစားအစာတွေကို စားဖို့ စိတ်တောင် မကူးရဲဘူး … အခုဆိုရင် ကျွန်မ (၅)နှစ်တာအတွင်း အလုပ်ရဲ့ တန်ဖိုးကို သိခဲ့ပြီးပြီ .. ကျွန်မ ဘဝကို ဒီထက်ပိုနေပျော်ချင်တယ် .. အသစ်အဆန်းတွေအကြောင်းကိုလည်း သိချင်တယ် ”လို့ ပြောခဲ့ပါတယ်။

Tumblr/ursunrise

သူမက ဆက်လက်ရှင်ပြချက်အရ သူတို့စုံတွဲဟာ လည်ချင်ရင်တောင်မှ ကောင်လေးက ကပ်စေးနည်းတော့ ခြေလျှင်သာ လျှောက်လည်ရလေ့ရှိကြောင်း၊ ဆာတဲ့အခါမှာ တစ်ပန်းကန်ထဲ အတူစားကြပြီး၊ အရင်ကတော့ ဒါကို ရိုမက်တစ်ဆန်တယ်လို့ ထင်ခဲ့မိကြောင်း၊ တစ်ခါ ချိန်းတွေ့တိုင်း (၈)ရင်းဂစ်လောက်သာ ကုန်ကြောင်း၊ ချစ်သူများနေလို့ နေ့ထူးနေ့မြတ်မှာတောင် ကိုယ့်စာရိတ် ကိုယ်သုံးပြီး၊ စားသောက်ရတာမျိုးရှိကြောင်း၊ လက်ဆောင်လည်း မရခဲ့ဖူးဘူးလို့ ပြောပါတယ်။

ဒါပေမယ် တက္ကသိုလ်ကျောင်းသူဘဝမှာလည်း သူနဲ့ အတူရှိနေချိန်တွေကို ချစ်စရာ ပျော်စရာလို့ ထင်ခဲ့ပါသတဲ့။ ဒါပေမယ့် ကိုယ်ပိုင်အလုပ်တွေ ရှာနိုင်ခဲ့ချိန်မှာတောင် သူများစုံတွဲတွေ လုပ်လေ့ရှိတဲ့ ရုပ်ရှင်အတူကြည့်ခြင်း၊ သီချင်းဆိုခြင်းတွေကို တစ်ခါမှ မလုပ်ခဲ့ဖူးပါဘူးတဲ့။ ပြီးခဲ့တဲ့နှစ်က သူမ ကားဝယ်ခဲ့ပြီး၊ တကယ် ဈေးကြီးတဲ့ စားသောက်ဆိုင်ကို သူ့ကို ခေါ်သွားခဲ့ပါတယ်။

#UC42549 UCTV我醒了。我有一个拍拖14 年的男朋友。他对我很好,很体贴很细心,可是一直在原地踏步。中学和大学时期我不介意一起吃杂饭mamak…

Posted by UTAR Confessions on Saturday, November 2, 2019

အဲဒီမှာ သူက ဘာမှ မှာယူစားသောက်ခြင်းမပြုဘဲ ဈေးကြီးလွန်းတယ်လို့ ပြောခဲ့ပါသတဲ့။ အဲဒီနောက်မှာတော့ သူမဟာ သည်းခံနိုင်စွမ်း ကုန်ဆုံးသွားပြီး နှစ်ယောက်သား အော်ကြီးဟစ်ကျယ် စကားများကြပါတော့တယ်။ သူကတော့ အခုလို ချွေတာခြင်းဟာ သူတို့ အနာဂတ်အတွက်လို့ ပြောခဲ့ပါတယ်။ အဲဒီနောက်မှာတော့ နှစ်ယောက်သား အခေါ်အပြော နည်းသွားပါတယ်။

အဲဒီနောက်မှာတော့ သူမတို့ နေထိုင်တဲ့ Kemper ကနေ ကွာလာလမ်ပူကို သူမကောင်လေး ပိတ်ပင်နေတဲ့ကြားက အလုပ်လုပ်ဖို့ ထွက်လာခဲ့ပါတယ်။ နောက်တော့ ဘယ်လိုမှ အဆင်မပြေနိုင်တော့တဲ့ အချစ်ရေးမို့ သူမက အပြီးတိုင် ဖျက်သိမ်းခဲ့ပါတယ်တဲ့။ ဝေဖန်သူတွေကတော့ နှစ်ခြမ်းကွဲနေပြီး၊ တစ်ချို့ကလည်း ဒီလောက် လက်တွဲလာပြီးမှ ကိုယ့်အတ္တအတွက် ကောင်လေးကို ထားခဲ့တယ်ဆိုတာ မဖြစ်နိုင်ကြောင်း၊ တစ်ချို့ကလည်း ဘယ်သူ့ဘက်ကမှ မမှားဘူးလို့ ပြောခဲ့ပါတယ်။

လင်းသူရိန်

SHARE