ကျောင်းမသွားချင်လို့ ဂျီကျနေတဲ့သားကို မှတ်လောက်သားလောက်အောင်ပညာပေးခဲ့တဲ့ မိဘ

facebook/nichar

ဘ၀မှာ ပညာတတ်ဖို့ ၊ ငယ်ရွယ်စဉ်မှာ ပညာသင်ယူဖို့ အရေးကြီးတာကို လူကြီးတွေက နားလည်ပေမယ့် ကလေးတွေက နားမလည်ကြသေးပါဘူး။ တချို့ကလေးတွေဆိုရင် ကျောင်းကိုသွား၊ တစ်နေကုန် စာရေး စာဖတ်လုပ်ရတာကိုပဲ သူတို့အတွက် ၀ဋ်ကြီးတစ်ခုလို့ ထင်နေကြသူတွေပါ။ ဒါပေမယ့် အနာဂတ်ဘ၀ ကောင်းမွန်ချင်ရင် ပညာတတ်အောင် ကြိုးစားကြရမှာပါပဲ။

facebook/nichar

ထိုင်းနိုင်ငံက မိဘနှစ်ဦးကတော့ စာမလုပ်ချင်ပဲ ကျောင်းသွားပျင်းတဲ့ သူတို့ရဲ့ သားကလေးကို နည်းလမ်းတစ်ခုနဲ့ ဆုံးမခဲ့ပါတယ်။ သူတို့နည်းလမ်းကို လက်ခံတဲ့သူလည်း ရှိမှာဖြစ်သလို လက်မခံတဲ့သူလည်း ရှိမှာပါ။ နည်းလမ်းကတော့ ထူးထူးဆန်းဆန်း အခုလိုဖြစ်ပါတယ်။

facebook/nichar 

နတ်တာနီချာနဲ့ အမျိုးသားဖြစ်သူဟာ (၅) နှစ်အရွယ် သူမတို့ရဲ့ သားလေးကို ကျောင်းသွားပို့ဖို့ ပြင်တဲ့အခါတိုင်း စိတ်ညစ်ရပါတယ်။ ကလေးက ကျောင်းသွားခါနီးဆို ၀ုန်းဒိုင်းကြဲပြီး ဂျစ်ကန်တာပါ။ ပညာတတ်ဖို့ အရေးကြီးတယ်၊ ပညာတတ်မှ ဘ၀မှာ ကောင်းကောင်းမွန်မွန်နဲ့ နေရမယ်စသဖြင့် ပြောပြပေမယ့် ကလေးက နားမထောင်ပါဘူး။ ကျောင်းမသွားဘူးလို့ပဲ ငြင်းနေပါတယ်။ ဒီတော့ နတ်တာနီချာတို့ လင်မယားနှစ်ယောက် အကြံထုတ်ရပါတယ်။

READ
အရက်မူးနေတဲ့ သူနာပြုကြောင့် မိခင်ဗိုက်ထဲ ကိုယ်တစ်ပိုင်းပြတ်ကျန်ခဲ့တဲ့ ကလေးလေး
facebook/nichar

ဒါနဲ့ပဲ တစ်ရက်မှာတော့ သူမတို့လင်မယားနှစ်ယောက်စလုံး အလုပ်ကနေ ခွင့်ယူပြီး ကလေးကို ‘ ကျောင်းမသွားချင်ဘူး မဟုတ်လား၊ ရတယ်၊ ဒါဆိုရင် အမှိုက်တွေ လိုက်ကောက်ရမယ်။ အမှိုက်ကောက်ပြီး အမှိုက်တွေ ရောင်းရင် ပိုက်ဆံရမယ်။ ပိုက်ဆံရမှ ကိုယ်ဝယ်ချင်တာ ၀ယ်နိုင်မယ်’ လို့ ပြောပြီး ကလေးကို ခေါ်ကာ တစ်နေ့လုံး အမှိုက်ကောက်ခိုင်းပါတယ်။

facebook/nichar

ကလေးလည်း ပင်ပင်ပန်းပန်း အမှိုက်တွေကောက်ပြီးတဲ့အခါမှာတော့ ငွေ ၂ဘတ် ရလာပါတယ်။ ငွေရလာတော့ ကလေးက သူပင်ပန်းနေပြီ၊ ကားစီပြန်ကြမယ်ဆိုပြီး မိဘတွေကို ပြောပါတယ်။ နတ်တာနီချာက ‘မင်းမှာ ရှိတာက ၂ ဘတ်ထဲ၊ ဘတ်စ်ကားခက ၁၀ဘတ်လေ၊ ဘယ်လိုစီးမလဲ..’ လို့ဆိုတော့ ကလေးက ကားမစီးတော့ပါဘူး။ ဒါနဲ့ မိသားစု သုံးယောက်သား ခြေလျင်လျောက် ပြီး အိမ်ပြန်လာပါတယ်။ လမ်းမှာလည်း ကလေးက ရေခဲမုန့် စားချင်တယ်ဆိုပြီး ထပ်ပူဆာပြန်ပါတယ်။ နတ်တာနီချာက ‘ရေခဲမုန့်က ၅ဘတ်၊ မင်းမှာ ရှိတာက ၂ ဘတ်ထဲ၊ ဘယ်လိုဝယ်မလဲ..’ လို့ ဆိုတာကြောင့် ကလေးဟာ ဘာမှမပြောတော့ပဲ ဒီအတိုင်းပဲ ပင်ပင်ပန်းပန်းနဲ့ အိမ်ပြန်လာရပါတော့တယ်။

READ
(၁၀)နှစ်ကျော်က ပျောက်သွားတဲ့ လက်ထပ်လက်စွပ်ကို ပြန်ရှာတွေ့ခဲ့တဲ့စုံတွဲ
facebook/nichar
Facebook/nichar

ထိုနေ့ကစပြီးတော့ သူမတို့သားလေးဟာ ကျောင်းသွားဖို့ ပြောရင် ဘယ်တော့မှ ဂျီမတိုက်တော့ကြောင်း နတ်တာနီချာက ပြောပြပါတယ်။ ကောင်လေးကလည်း တော်တော်မှတ်သွားပုံရပါတယ်။ ဒီအကြောင်းကြားရတဲ့ အွန်လိုင်းပေါ်က လူအချို့ကတော့ သားသမီးအပေါ်မှာ ဆုံးမပုံ သိပ်ပြင်းလွန်းတယ်လို့ ဆိုကြပြီး အချို့ကလည်း ဒါမျိုးလုပ်ခိုင်းသင့်တယ်လို့ အမျိုးစုံ ဝေဖန်နေကြောင်း သိရပါတယ်။

Facebook/nichar

လင်းလင်း (ShweMom)

Ref: rachfeed , Facebook

SHARE