လာမည့်ဆယ်စုနှစ်အတွင်း တည်ရှိမှုကို ခြိမ်းခြောက်ခံနေရသည့် ကျားမျိုးစိတ်

pixabay

ကမ္ဘာပေါ်ရှိကျားမျိုးစိတ်ဟာ လွန်ခဲ့တဲ့ နှစ်ပေါင်း (၁၀၀) အတွင်းမှာတင် စုစုပေါင်း ကျားကောင်ရေတည်ရှိမှုရဲ့ ၉၆% အထိ လျော့ကျသွားခဲ့ပါပြီ။

pixabay

ယခုလက်ရှိမှာတော့ ကျားအကောင်ရေပေါင်း (၄၀၀၀) ကျော်လောက်သာ ကျန်တော့တယ်လို့ အကြမ်းဖျင်းတွက်ချက်ထားပါတယ်။ နှစ် (၁၀၀) အတွင်း ဒီလိုမြန်မြန်ဆန်ဆန် အကောင်ရေလျော့ကျခြင်းရဲ့ အဓိကအကြောင်းအရင်း (၂) ချက်ရှိပါတယ်။

pixabay

ပထမတစ်ချက်ကတော့ အလွန်အကြူး အမဲလိုက်မှုဖြစ်ပါတယ်။ ကျားများကို အစွယ်၊ သားရေ၊ အသား၊ ဦးခေါင်းစသဖြင့် အလှဆင်ပစ္စည်း၊ အဝတ်အထည်နဲ့ အစားအသောက်တွေမှာ အသုံးပြုတဲ့ မှောင်ခိုဈေးကွက်နဲ့ ရောင်းဝယ်ဖောက်ကားမှုတွေကတော့ အဓိက တရားခံပါပဲ။

pixabay

ဒုတိယအချက်ကတော့ ကျက်စားရာဒေသတွေ ပျောက်လာခြင်းပါ။ သားရဲတိရိစ္ဆာန်တွေဟာ ရေမြေတောတောင် ပတ်ဝန်းကျင်မှာ ကျက်စားတတ်ကြတဲ့ သတ္တဝါတွေဖြစ်ပါတယ်။ တောတစ်တောမှာ အသားစား၊ အရွက်စားသတ္တဝါရယ်ဖြင့် ဂေဟစနစ်ညီမျှစွာနဲ့ နေထိုင်နေတာပဲ ဖြစ်ပါတယ်။

တောခုတ်မှုတွေ၊ လူနေဒေသတိုးချဲ့မှု၊ ရာသီဥတုပြောင်းလဲမှု၊ မိုးခေါင်မှု၊ ရေရှားပါးမှုတွေကြောင့် သတ္တဝါအများစုဟာ အသက်ဆုံးရှုံးခဲ့ကြရပြီး အဲဒီအထဲမှာတော့ ကျားမျိုးစိတ်ဟာ အဓိကသားကောင် ဖြစ်သွားခဲ့ပါတယ်။

READ
တစ်ကမ္ဘာလုံးက ချီးမွမ်းနေကြတဲ့ သြစတေးလျနိုင်ငံရဲ့ အတုယူဖွယ် အမှိုက်စစ်စနစ်

အကြောင်းအရင်း နှစ်ချက်လုံးဟာ လူသားတွေရဲ့ လုပ်ရပ်တွေကြောင့်ချည်း ဖြစ်ပါတယ်။

pixabay

အသက်ရှင်ကျန်နေသေးတဲ့ ကျားအရေအတွက် (၄၀၀၀) ကျော်ရဲ့ အများစုဟာ အိန္ဒိယမှလို့ သိရပြီး အစွန်းထွက် တွေ့ရှိခဲ့တဲ့ အခြားသော အကောင် (၅၀၀) ကျော်ကတော့ Satpuda ဒေသမှာရှိနေပါတယ်။ အိန္ဒိယဟာ ကျားမျိုးစိတ်ကို မျိုးသုဉ်းပျောက်ကွယ်မှုမှ ကာကွယ်ရန်အတွက် NGO အဖွဲ့အစည်း (၇) ဖွဲ့နဲ့ပူးပေါင်းလုပ်ဆောင်နေပြီပဲဖြစ်ပါတယ်။

အိန္ဒိူယဟာ ကမ္ဘာပေါ်ရဲ့တောရိုင်းဂေဟစနစ် အကောင်းဆုံးနေရာမှာ ရှိနေတဲ့အတွက် အဓိကကျားမျိုးစိတ်ကို ပစ်မှတ်ထားကာ ကျားများနေထိုင်နိုင်မယ့် နေရာကို ပြင်ဆင်ပြီး ကျားများကို တစ်နေရာထဲမှာ ထားမယ်လို့လည်း သိရပါတယ်။

Source: Ladbible

Penny

 

 

SHARE