အင်ပရက်ရှင်ဝါဒနဲ့ အင်ပရက်ရှင်နစ် ပန်းချီပညာရှင်တို့ရဲ့ စိတ်ဝင်စားဖွယ်ရာ အချက်များ 

အင်ပရက်ရှင်ဝါဒ (Impressionism) ဆိုတာကတော့ ၁၉ ရာစုတုန်းက ပေါ်ပေါက်ခဲ့တဲ့ ပန်းချီအယူအဆ တစ်မျိုးဖြစ်ပါတယ်။ ပုံရိပ်တွေကို ပြတ်သားစွာ ပုံမဖော်ဘဲ စုတ်ချက်များနဲ့ ခံစားမှုကို အသားပေး ရေးဆွဲကြတဲ့ ပန်းချီလက်ရာတွေကို ခေါ်တဲ့ နာမည်ဖြစ်ပါတယ်။ ၁၈၇၀ နဲ့ ၁၈၈၀ ခုနှစ်များတုန်းက ပြင်သစ်ပန်းချီဆရာတွေ စတင်ဖန်တီးခဲ့တဲ့ ပန်းချီအယူအဆတစ်ခု ဖြစ်ပါတယ်။ အင်ပရက်ရှင်ပန်းချီတွေကို ရေးဆွဲတဲ့ ပန်းချီပညာရှင်တွေကိုတော့ အင်ပရက်ရှင်နစ် (Impressionist) လို့ ခေါ်ပါတယ်။

အောက်ဘက်မှာတော့ အင်ပရက်ရှင်ဝါဒနဲ့ အင်ပရက်ရှင်နစ်တို့ရဲ့ စိတ်ဝင်စားဖွယ်ရာ အချက်များကို ဖော်ပြပေးထားပါတယ်။

နာမည်ပေါ်ပေါက်လာပုံ

discoverwalks

အင်ပရက်ရှင် ပန်းချီပညာရှင်တွေကို အင်ပရက်ရှင်နစ်လို့ စခေါ်ခဲ့တာကတော့ သူတို့ကို ဆန့်ကျင်တဲ့သူတွေ စခေါ်ခဲ့ကြတာပါ။ နောက်ပိုင်းမှာတော့ အင်ပရက်ရှင်ဝါဒ အောင်မြင်သွားခဲ့တဲ့အတွက် ထိုနာမည်ကိုပဲ ဂုဏ်ယူစွာ မိမိကိုယ်ကို ခေါ်ဝေါ်ခဲ့ကြပါတယ်။ အပေါ်မှာ ပြထားတဲ့ ပန်းချီကားကတော့ ပန်းချီပညာရှင်ကြီး ကလော့ဒ်မိုနေး ရေးဆွဲခဲ့တဲ့ ကမ္ဘာ့ပထမဆုံး အင်ပရက်ရှင် ပန်းချီကားဖြစ်ပါတယ်။ ပန်းချီကားနာမည်ကတော့ “Impression, soleil levant“ ဖြစ်ပါတယ်။

အစပိုင်းမှာ သိပ်မအောင်မြင်ခဲ့တဲ့ အင်ပရက်ရှင်နစ်တွေ

discoverwalks

လူတိုင်းသိကြတဲ့ ဗင်းဆင့် ဗန်ဂိုးဟာ အင်ပရက်ရှင် ပန်းချီပညာရှင်တွေက အကျော်ကြားဆုံး ပညာရှင်တစ်ယောက်ဖြစ်ပါတယ်။ ဒါပေမယ့် သူ့ခေတ်သူ့အခါတုန်းကတော့ ဗန်ဂိုးဟာ လုံးဝမအောင်မြင်ခဲ့ဘဲ သက်တမ်းတစ်လျှောက် ပန်းချီကား တစ်ချပ်သာ ရောင်းထွက်ခဲ့ရှာပါတယ်။ ထိုပန်းချီကားကတော့ အပေါ်မှာ ပြထားတဲ့ “Les Vignes Rouges”  အမည်ရ ပန်းချီကားပါ။ ပန်းချီကားကို ဝယ်ခဲ့သူကလည်း သူ့အစ်ကိုဖြစ်ခဲ့ပါတယ်။

အင်ပရက်ရှင်နစ်တွေရဲ့ တန်ဖိုးထားမှုတွေနဲ့ သတ်မှတ်ချက်တွေ

discoverwalks

အထက်မှာ ပြောခဲ့တဲ့အတိုင်းပဲ အင်ပရက်ရှင်နစ်တွေက သူတို့ခေတ် သူတို့အခါတုန်းက သိပ်မအောင်မြင်ခဲ့ကြဘဲ ငွေကြေးကိုလည်း ပဓာနမထားကြပါဘူး။ ဒါပေမယ့် ထိုပန်းချီပညာ ပေါ်ပေါက်လာမှုကတော့ တစ်ကမ္ဘာလုံးကို ရိုက်ခတ်ခဲ့ပါတယ်။ အင်ပရက်ရှင် ပန်းချီကားတွေထဲက ကြေးအမြင့်ဆုံးနဲ့ ရောင်းချနိုင်ခဲ့တာကတော့ ပြင်သစ်ပန်းချီပညာရှင် ပီယာ သြဂတ်စ် ရေနွားက ပျော်ပွဲစားရုံထဲမှာ ရေးဆွဲထားခဲ့တဲ့ “Le Moulin de la Galette“ (အထက်ဖော်ပြပါ) ပန်းချီကားဖြစ်ပါတယ်။ ဒေါ်လာ ၁၄၃ သန်းနဲ့ ရောင်းချနိုင်ခဲ့တာပါ။ Pierre ဟာ သူ့သက်တမ်းတစ်လျှောက် ပန်းချီကားပေါင်း ၆၀၀၀ ကျော် ရေးဆွဲခဲ့ပါတယ်။

discoverwalks

ကလော့ဒ်မိုနေး ရေးဆွဲခဲ့တဲ့ “Femmes au jardin” (အထက်ဖော်ပြပါ ပန်းချီကား) ထဲမှာဆို အမျိုးသမီး သုံးဦးကို တွေ့ရပါတယ်။ အပြင်မှာ အမျိုးသမီး သုံးဦးကို ကြည့်ဆွဲထားတယ်လို့ ထင်ရပေမယ့် ထိုသုံးဦးလုံးစာအတွက် ကလော့ဒ်ရဲ့ ဇနီး ကာမီးယဲလ်တစ်ဦးတည်းက ပို့စ်ပေးခဲ့တာပါ။

ဟာသဉာဏ်ရွှင်တဲ့ အင်ပရက်ရှင်နစ်တွေ

discoverwalks

အင်ပရက်ရှင် ပန်းချီဝါဒရဲ့ နောက်ဆုံးတစ်ချက်ကတော့ အင်ပရက်ရှင် ပန်းချီဆရာတွေဟာ ဟာသအယူအဆနဲ့လည်း ပန်းချီဆွဲတတ်ကြတယ်ဆိုတာပါ။ ၁၈၈၀ ခုနှစ်တုန်းကဆို ပန်းချီပညာရှင် အီဒွာ မာနေးက ကညွတ်စည်းတစ်စည်းကို ပန်းချီပုံဖော် ဆွဲခဲ့ပါတယ်။ သူ့ကို အလုပ်အပ်သူက ပန်းချီကားကို စိတ်တိုင်းကျလွန်းလို့ ဒင်္ဂါး ၂၀၀ နဲ့ ကြေးအများကြီး ပိုပေးခဲ့ပါတယ်။ မာနေးတစ်ယောက် ကျေးဇူးတုံ့ပြန်လက်ဆောင်အနေနဲ့ အလုပ်အပ်သူကို ပန်းချီကားတစ်ကား လက်ဆောင် ပြန်ပို့ပေးခဲ့ပါတယ်။ ဒီတစ်ခါမှာတော့ ကညွတ်တစ်ပင်တည်းရဲ့ ပန်းချီကားပါ။ စာရွက်လေးမှာ ထည့်ရေးပေးလိုက်တာကတော့ “အရင် ကညွတ်စည်းက ကျန်ခဲ့တဲ့ တစ်ပင်..” ဆိုပြီးတော့ပါ။

အခုဖော်ပြခဲ့တာကတော့ အင်ပရက်ရှင် ပန်းချီနဲ့ ပန်းချီပညာရှင်တွေရဲ့ သဘောသဘာဝတွေကို စိတ်ဝင်စားဖွယ်ဖြစ်အောင် အကျဉ်းချုံးဖော်ပြထားခြင်းဖြစ်ပါတယ်။ ပရိသတ်ကြီးလည်း အင်ပရက်ရှင် ပန်းချီအယူအဆအကြောင်းကို အနည်းအကျဉ်းဖြစ်ဖြစ် နားလည်သွားလိမ့်မယ်လို့ မျှော်လင့်ပါတယ်။

Ref: Discover Walks

SHARE