မိုးရွာပြီဆိုတာနဲ့ ရန်ကုန်သားတွေရင်ဆိုင်ရတဲ့ အဓိက ပြဿနာ (၅) ခု

မိုးရွာပြီဆိုတာနဲ့ ရန်ကုန်မှာ ဘာဖြစ်လဲ သိလား။ ဗြောင်းတွေကို ဆန်ကုန်တော့တာပဲလေ။ နှစ်တွေ ဘယ်လိုပြောင်းပြောင်း မိုးရွာပြီဆိုတာနဲ့ ရန်ကုန်သားတွေ ရင်ဆိုင်ရတဲ့ အဓိက ပြဿနာတွေကတော့ ရှိနေဆဲပါ။ ဘာတွေလဲ ဆိုတာကိုတော့ အောက်မှာ ဖတ်ကြည့်လိုက်နော်။

(၁)။ မီးပျက်တာ

CNN.com

မိုးရွာပြီဆိုတာနဲ့ တစ်…နှစ်….သုံး….လေး ထိုင်ရေနေကြည့်ပါ။ (၁၀၀) မပြည့်စေရဘူး။ မီးပျက်သွားပါလိမ့်မယ်။ တစ်ခါတလေကျရင် မိုးတောင် မရွာရသေးဘူး။ မီးက ကြိုပျက်နေပြီ။ ဒီလိုဆိုရင် လုပ်စရာအလုပ်တွေ ဘာမှ မပြီးတော့ဘူးလေ။ ထမင်းပေါင်းအိုးနဲ့ ထမင်းချက်ထားမိတဲ့အချိန် မိုးရွာရင် ကြောက်နေရပြီ။ မိုးအေးအေးနဲ့ တီဗီလေးကြည့်မယ် လုပ်လိုက်ရင် မီးကပျက်ပြီ။ ဒါက ရန်ကုန်သားတွေ ကြုံရတဲ့ ဒုက္ခတွေထဲက တစ်ခုပေါ့။

(၂)။ လမ်းပေါ်မှာ ရေတွေ တက်လာတာ

Twitter

အခု ပြောနေကြပါပြီ။ ရေပေါ်လမ်း၊ ရေပေါ်လမ်း ဆိုတာ။ မိုးရွာတာနဲ့ လမ်းပေါ်မှာ ရေတွေပြည့်လာပြီး လူတွေ သွားရလာရ ခက်ခဲကုန်ကြတာ အခုမှ မဟုတ်ပါဘူး။ မြောင်းစနစ်တွေက မကောင်းတော့ မိုးရွာပြီဆိုတာနဲ့ ရေတွေက စီးစရာမရှိတော့ပဲ လမ်းပေါ် ရောက်လာကုန်ကြရော။ ဒီတော့ ရန်ကုန်မြို့က လမ်းလျှောက်သူတွေ ဘ၀ဆိုတာ တွေးသာကြည့်တော့။ မြောင်းရှိမှန်း မရှိမှန်းလည်း မသိရ။ တစ်ခါတစ်လေ ဒူးခေါင်းလောက်ရှိတဲ့ ရေထဲမှာ သွားရလာရနဲ့။ မိုးရွာတဲ့အခါ ဘယ်လောက် ဒုက္ခရောက်တယ်ဆိုတာ။

READ
တကယ်ချမ်းသာချင်ရင် မဖြစ်မနေလုပ်ရမယ့် အရာ(၅)ခု

(၃)။ တက္ကစီသမားတွေ ဈေးပိုတောင်းတာ

NYMag

မိုးတွေ အရမ်းရွာလာလို့ ကားမှတ်တိုင်ဆီ မသွားနိုင်တော့ဘူးဟုတ်လား။ ဘတ်စ်ကားမစီးပဲ တက္ကစီနဲ့သွားမယ်လို့ စဉ်းစားမိပြီလား။ တက္ကစီတစ်စီးသာ တားလိုက်ပါ။ ကြားဖူးနေကျ ဈေးထက် ပိုတောင်းတာ ခံရပါလိမ့်မယ်။ ဘာကြောင့်မှန်းတော့ မသိပေမယ့် မိုးရွာတဲ့အချိန် တက္ကစီ စီးဖို့ကြိုးစားတိုင်း ကားခပိုတောင်းခံရတာ အခါခါ ပါ။ လိုက်ချင်ရင်လိုက်၊ မလိုက်ချင်ရင် မိုးရေထဲမှာ ရပ်နေလေ။ ကိုယ်တို့ ရန်ကုန်သားတွေ မိုးရွာတဲ့အခါ တက္ကစီစီးဖို့ ကြိုးစားတိုင်း အဲဒီလိုပါဆို။

(၄)။ မိုးခိုလို့ရတဲ့ ဘတ်စ်ကားမှတ်တိုင်တွေ ရှားပါးကုန်တာ

VideoBlocks

အရင်တုန်းကဆို မိုးရွာရင် ဘတ်စ်ကားမှတ်တိုင် တစ်ခုခုမှာ မိုးခိုပြီး မိုးတိတ်တဲ့အထိ စောင့်နေလို့ရပါသေးတယ်။ အခုများတော့ ကြည့်လိုက်ပါဦး… ဘယ်မလဲ လုံလုံခြုံခြုံရှိတဲ့ ဘတ်စ်ကားမှတ်တိုင်တွေ။ ကားမှတ်တိုင်တွေမှာ YBS လမ်းညွှန်တဲ့ ဆိုင်းဘုတ်တွေပဲရှိပြီး အမိုးအကာတွေ မရှိသလောက် ဖြစ်ကုန်ကြပါပြီ။ ဒီတော့ မိုးရွာတဲ့အခါ ခြေဦးတည့်ရာသာ ပြေးပေတော့ပဲပေါ့။

READ
ဟယ်ရီပေါ်တာပရိသတ်နှစ်ဦး ဖန်တီးထားတဲ့ အလန်းစား Common Room

(၅)။ ကားလမ်းတွေ ပိတ်တာ

BetterPhoto

ကားလမ်းတွေ ပိတ်တယ်ဆိုတာက မိုးမရွာလည်း ပိတ်တယ်ဆိုပေမယ့် မိုးရွာတဲ့အခါ အရှေ့ကို မရောက်တော့သလို ခံစားရပါလိမ့်မယ်။ (၁၀) မိနစ်လောက်နဲ့ သွားရမယ့်ခရီးကို မိုးရွာတဲ့ အချိန်တွေမှာသွားရင် တစ်နာရီလောက်လည်း ကြာချင်ကြာလိမ့်မယ်။ လမ်းပေါ်မှာ ရေတွေတက်တာ၊ မီးပွိုင့်တွေပျက်တာ စတာတွေက မိုးရွာတဲ့အချိန်ဆို ကားလမ်းတွေပိတ်ဖို့ တွန်းအားပေးနေသလိုပါပဲ။

Admin ကတော့ မိုးရွာတဲ့အချိန် ကြုံရတဲ့ ဒုက္ခတွေကို ဒီလောက်ပဲ စဉ်းစားလို့ရတယ်နော်။ စာဖတ်သူတွေ အနေနဲ့ရော ရန်ကုန်မှာ မိုးရွာတဲ့အချိန် ဘယ်လို ဒုက္ခတွေ ကြုံကြရသလဲ။ ကိုယ်တွေ့ဖြစ်ရပ်လေးတွေ ရေးသွားပေးကြပါဦး။

Linn

SHARE