ဘောလုံးပွဲမှာ ဆေးလိပ်သောက်နေတယ်ဆိုတဲ့ ကလေးရဲ့ နောက်ကွယ်ကအမှန်တရား

@objektifdegilim/Twitter

နိုင်ငံတိုင်းရဲ့ဥပဒေကတော့ ဆေးလိပ်ဆိုတာ အသက် ၁၈ နှစ် သို့မဟုတ် ၂၁ နှစ်ပြည့်ပြီးသူများကိုသာ ရောင်းချရမယ်၊ သောက်ရမယ်ဆိုပြီး သတ်မှတ်ချက်တစ်ခုရှိနေပါတယ်။ တချို့နိုင်ငံတွေမှာဆိုရင် အသက်မပြည့်တဲ့ကလေးတစ်ယောက် ဆေးလိပ်သောက်တာတွေ့ပြီဆိုတာနဲ့ ကလေးကို သို့မဟုတ် မိဘ သို့မဟုတ် ကလေးရော မိဘကိုပါ အရေးယူနိုင်တဲ့ ပြင်းပြင်းထန်ထန်ဥပေဒတွေပါ ထားရှိပေးထားတာပါ။

စက်တင်ဘာလ ၈ ရက်နေ့တုန်းကတော့ တစ်နိုင်ငံလုံးကြည့်နေကြတဲ့ တူရကီနိုင်ငံကဘောလုံးပွဲကြီးကို လွှင့်နေတဲ့ရုပ်သံလိုင်းအစီအစဉ်တစ်ခုမှာ ဖျတ်ခနဲ့ပါလာတဲ့မြင်ကွင်းတစ်ခုကြောင့် ကြည့်ရှုသူတွေအနေနဲ့ စိတ်နှလုံးမချမ်းမြေ့စရာဖြစ်ခဲ့ရပါတယ်။ အကြောင်းကတော့ ကလေးတစ်ယောက် ဆေးလိပ်ကိုအားရပါးရသောက်နေလို့ပါတဲ့။

 

ဗီဒီယိုထဲမှာပါတဲ့ အင်္ကျီအစိမ်း၊ မာဖလာအစိမ်းရောင်ပတ်ထားတဲ့ ကလေးလေးတစ်ယောက်ဟာ စီးကရက်လက်ကြားညှပ်ပြီး သောက်နေလိုက်တာများ ဟန်ကျပန်ကျနဲ့ပေါ့။ အသက် ကတော့ အလွန်ဆုံးရှိလောက်မှ ၁၂ နှစ်လောက်လို့ ထင်ရတဲ့အရွယ်လေးဟာ လူတိုင်းလာနေတဲ့ဘောလုံးပွဲလို နေရာမှာ ဆေးလိပ်ထိုင်သောက်နေတယ်၊ ပြီးတော့ ဒီအဖြစ်အပျက်ဟာလည်း ရုပ်သံလိုင်းမှာ ပါနေတယ်ဆိုတော့ တူရကီပြည်သူတွေအတွက် သိပ်ဘဝင်မကျစရာပါပဲ။ နောက်ပြီး ဘေးမှာလည်း သူနဲ့အသက်မတိမ်းမယိမ်းလို့ ယူဆရတဲ့ကလေးလေးတစ်ယောက်လည်း ရှိနေခဲ့တာပါ။

READ
အအေးဓာတ်လွန်ကဲမှုကြောင့် ဗြိတိန်မှာ ကျောင်းများ ခေတ္တပိတ်လိုက်ရ

ဒါပေမဲ့ ဒီဗီဒီယိုရဲ့အဖြစ်မှန်ကတော့ ဒီလိုပါတဲ့။ ဆေးလိပ်သောက်နေတဲ့သူဟာ ကလေးလို့ထင်ရပေမယ့် တကယ်တမ်းတော့ အသက် ၃၆ နှစ်အရွယ်ရှိလို့နေပါပြီ။ မွေးရာပါချို့တဲ့မှုကြောင့် ဖွံ့ဖြိုးမှုအားနည်းနေခဲ့တာပါတဲ့။ ဘေးမှာထိုင်နေတဲ့ကလေးလေးကလည်း သူ့ရဲ့သားဖြစ်ပါတယ်။ Yüreğini Koy Ortaya qdkwJh  Instagram account မှာ မျှဝေထားခဲ့လို့လည်း သူဟာ အသက် ၃၆ နှစ်မှန်းအဖြေပေါ်ခဲ့တာပါ။ ဒါကတော့ အမျိုးသားရဲ့ အနီးကပ်ပုံပါ။

Instagram / Yüreğini Koy Ortaya

ဘောလုံးပွဲဟာ down’s syndrome နဲ့ ကင်ဆာကလေးငယ်တွေအတွက် လက်မှတ်ကိုအခမဲ့လှူပေးခဲ့တဲ့ပွဲဖြစ်တာကြောင့် အမျိုးသားဟာ သူ့သားလေးနဲ့အတူတူ ပွဲလာကြည့်တာပါတဲ့။ ဒါပေမဲ့လည်း တူရကီဥပဒေအရ အများပြည်သူသွားလာနေတဲ့ လမ်းမတို့၊ အားကစားရုံတို့မှာ ဆေးလိပ်မသောက်ရဘူး၊ သောက်ရင် ဒဏ်ငွေ ၁၃ ပေါင်ပေးဆောင်ရမယ့် ဥပဒေလည်း ရှိနေသေးပြန်ပါတယ်။ အခုထိတော့ အမျိုးသားအနေနဲ့ အရေးယူခံရခြင်း ရှိမရှိဆိုတာ မသိသေးပါဘူး။

Penny

SHARE