Freelance လုပ်ခြင်းမှရနိုင်တဲ့ မမျှော်လင့်သောအကျိုးကျေးဇူး ၄ ရပ်အကြောင်း

yanalya/Pixabay

Freelance ဆိုတဲ့ အလွတ်တန်းအလုပ်လို့ ပြောလိုက်တာနဲ့ ကျွန်တော်တို့အရင်ဘာအရင်မြင်မိကြမလဲ? ရုံးမထိုင်ရတာကိုပဲမဟုတ်လား။ မနက် ၉ ည ၆ ဆိုတဲ့ ရုံးထိုင်အလုပ်ကြီးမလုပ်ရတော့ဘူးဆိုတာလည်း နည်းနည်းနောနောသက်သာတာမျိုးမဟုတ်လား။ ဒီတော့ freelance လုပ်ခြင်းဟာ ခုဏကပြောခဲ့တဲ့ အကျိုးကျေးဇူးအပြင် ဘယ်လိုများမထင်မမှတ်ထားတဲ့ တခြားသော အကျိုးကျေးဇူးတွေလည်း ရှိနေသေးလဲဆိုတာ တစ်ချက်လောက်ဆက် ဖတ်ကြည့်လိုက်ပါဦး။

(၁) ရုံးသွားရတဲ့ဒုက္ခမရှိတော့ဘူး

ကျွန်တော်အပေါ်မှာဖော်ပြခဲ့တဲ့ ၉-၆ ရုံးထိုင်အလုပ်မလုပ်ရခြင်းပါပဲ။ ရုံးစားပွဲမှာပဲ တစ်နေ့တာလုပ်ငန်းစဉ်တွေကို ပြီးအောင်ဖြတ်၊ မဟုတ်ရင်မပြန်နိုင်တဲ့အခါမျိုး၊ အိမ်ပြန်လာရင်တောင်မှပဲ အထက်ကထောင်းမှာဆိုးလို့ ဝန်ကြီးပိနေတာမျိုးတွေ ဖြစ်လေ့ရှိတတ်ပါတယ်။ နောက်တစ်ခုက ကားကြပ်လို့လမ်းပေါ်မှာပဲ အချိန်ကုန်တာမျိုးတွေ၊ စောစောထရတာမျိုးတွေလည်း မရှိတော့ အဆင်ပြေပြီပေါ့။ Freelance လုပ်တာဟာ အိမ်မှာပဲလုပ်လုပ်၊ ကော်ဖီဆိုင်မှာပဲလုပ်လုပ် deadline အမီအကောင်းဆုံးလုပ်နိုင်ခဲ့ပြီဆိုတာနဲ့ ပြီးပြတ်သွားနိုင်တဲ့ကိစ္စတစ်ခုဖြစ်ပါတယ်။

READ
မိုးရွာတဲ့နေ့တွေမှာ အခန်းအောင်းရင်းလုပ်သင့်တဲ့အလုပ်(၅)ခု
freepik/Pixabay

(၂) ကိုယ့်အချိန်ကိုယ်ကိုပိုင်ခြင်း

ရုံးအလုပ်လုပ်ရမယ်ဆိုရင် ပုံမှန်တနင်္လာနေ့ကနေ သောကြာနေ့အထိ ညနေ ၆ နာရီလောက်မှ သင့်ရဲ့ကိုယ်ပိုင်အချိန်လို့ သတ်မှတ်နိုင်မှာပါ။ ရုံးဖွင့်ရက်တွေမှာ တစ်နေရာရာသွားမယ်ဆိုရင် လမ်းမှာအချိန်ကုန်တာနဲ့ဘာနဲ့ဆို သိတဲ့အတိုင်းပါပဲ။ ကျွန်တော်တို့သာ အလွတ်တန်းပညာရှင်အဖြစ် ရပ်တည်နေမယ်ဆိုရင် ကိုယ်သွားစရာရှိတာကို အချိန်မီရောက်ဖို့အတွက် အလုပ်တွေကိုခပ်သုတ်သုတ်လုပ်လိုက်တာနဲ့ အဆင်ပြေသွားမှာပါနော်။ ဒီလိုသာဆို ကျွန်တော်တို့ လေ့ကျင့်ခန်းတွေပုံမှန်လုပ်နိုင်မယ်၊ မိတ်ဆွေတွေနဲ့ ငယ်ငယ်တုန်းကလိုပဲ ပြန်တွေ့နိုင်မယ်၊ မိသားစုကိုလည်းအချိန်ပေးနိုင်မယ်၊ အိမ်မှာလည်း အိပ်လိုက်စားလိုက်နဲ့ လွတ်လွတ်လပ်လပ်အလုပ်လုပ်နိုင်ပြီပေါ့။

freepik/Freepik

(၃) ဝင်ငွေပိုများများရှာနိုင်ခြင်း

ရုံးထိုင်အလုပ်လုပ်ရင်းနဲ့လည်း အားလပ်ချိန်တိုင်းမှာ freelance ဆိုတာ လုပ်လို့ရနေတဲ့အတွက်ကြောင့် ကိုယ်နိုင်ရင်နိုင်သလောက် ရုံးကဝင်လစာလည်းရမယ်၊ freelance က ဝင်ငွေတွေလည်း ရမယ်ဆိုတော့ ပုံမှန်ထက်ဝင်ငွေပိုတိုးတာပေါ့။ Freelance ချည်းလုပ်မယ်ဆိုရင်လည်း နိုင်သလောက်အလုပ်တွေတစ်ခုပြီးတစ်ခုထပ်တိုးချဲ့နိုင်တာကြောင့် ဝင်ငွေပိုင်းမှာတော့ တော်တေ်ာလေးအားသာလေ့ရှိတတ်ကြပါတယ်။

READ
သင့်မှာ နှလုံးရောဂါရှိလာနိုင်ကြောင်း ဖော်ပြနေတဲ့အချက်(၄)ချက်
rattana.r/Pixabay

(၄) အတွေ့အကြုံပိုရခြင်း

ရုံးထိုင်အလုပ်တွေမှာကျတော့ ကိုယ်ဟာ ဝန်ထမ်းတစ်ယောက်အနေနဲ့သာ လူတွေနဲ့ပြောဆိုဆက်ဆံရမှာဖြစ်ပေမယ့်လို့ အလွတ်တမ်းပညာရှင်တစ်ယောက်အဖြစ် ခံယူလိုက်တဲ့အချိန်မှာတော့ ကိုယ့်ကိုအလုပ်လာအပ်တဲ့သူတွေနဲ့ကိုယ်နဲ့ကြားထဲက ဆက်ဆံရေးဟာ အလုပ်ရှင်-ဝန်ထမ်းဆက်ဆံရေးမျိုးမဟုတ်ဘဲ ကိုယ်ဟာကိုယ်ပိုင်စီးပွားရေးလုပ်ငန်းတစ်ခုကို ဦးဆောင်သလို အထက်မှာဘယ်သူမှမရှိဘဲ စီမံခန့်ခွဲရတော့မှာပါ။ ဒါကြောင့် ပြောဆိုဆက်ဆံရတဲ့အခါမျိုးတွေမှာ အကြီးပိုင်းတွေကိုပဲ တိုက်ရိုက်ဆက်ဆံရတာမျိုးတွေ၊ လက်ခံထားတဲ့လုပ်ငန်းတွေကို အချိန်မီပြီးစီးဖို့အတွက် ကိုယ်တိုင်စီမံခန့်ခွဲရတာမျိုးတွေ၊ ဝန်ထမ်းဘဝနဲ့မတူတဲ့ရှုထောင့်က တာဝန်ယူမှုတွေကြောင့် အတွေ့အကြုံအပိုင်းမှာတော့ တနင့်တပိုးအကျိုးခံစားရမှာပါ။

rawpixel.com/Pixabay

Penny

SHARE