စကြိုက်ကတည်းက ကိုယ်နဲ့မသင့်တော်သူမှန်း သိသာထင်ရှားနေတဲ့ အချက်များ

pexels/ pixabay

ရည်းစားတော်တော်များများ ပြတ်ကြရတဲ့ အကြောင်းရင်းက သစ္စာဖောက်တာ၊ မုသားပြောလွန်းတာ၊ အရက်သေစာမူးယစ်ဆေး စသဖြင့် တစ်ခုခုစွဲလန်းနေတာ၊ ပုံမှန်ဆက်သွယ်ပြောဆိုမှူမရှိတာစတဲ့ အကြောင်းတွေကြောင့်ပါ။ ဒါပေမယ့် တစ်ယောက်နဲ့တစ်ယောက် ကွာပြဲရတဲ့အကြောင်းရင်းက အရာသေးသေးလေးတွေကနေ အခြေခံပါတယ်။ အစတော့ ဒီအရာတွေကို သိပ်သတိမပြုမိပေမယ့် နောက်ပိုင်း သတိပြုမိလာတာနဲ့အမျှ နှစ်ယောက်သားရဲ့ မကျေနပ်မှူတွေကို စုပုံထားတဲ့ ရင်ထဲက အစိုင်အခဲဟာ တဖြည်းဖြည်းကြီးလာပြီး ဒီလိုနဲ့ ဝေးကွာလာတာ ဖြစ်ပါတယ်။

တစ်ခါတစ်လေမှာ လူတစ်ယောက်ဟာ အကျင့်ဆိုးလည်း မရှိဘူး။ ရုပ်ပိုင်းဆိုင်ရာအားဖြင့်လည်း ကျန်းမာသန်စွမ်းတယ်၊ ကြည့်ပျော်ရှူပျော်လည်းရှိတယ်။ ဒါပေမယ့် ပထမဆုံးအကြိမ် ရန်ပြင်းပြင်းထန်ထန် ဖြစ်ပြီးတဲ့အခါ နှစ်ယောက်ဆက်ဆံရေးမှာ အက်ကြောင်းရာထင်လာတာမျိုး ရှိတတ်ပါတယ်။ ဒီလိုနဲ့ အဆင်ပြေဖို့အတွက် ပြန်လည်ကြိုးစားရင်းကနေ နောက်ဆုံးတော့ ကိုယ်နဲ့ သူပဲ စိတ်ဓာတ်အင်အားတွေကုန်ခမ်းပြီး ပင်ပန်းငြီးငွေ့လာတာမျိုး ဖြစ်တတ်ပါတယ်။ အခုအခါမှာတော့ ဘ၀လက်တွဲဖော်တစ်ယောက်မှာ မရှိသင့်တဲ့ ကိုယ်ရည်ကိုယ်သွေးအချို့ကို brightside ကနေတဆင့် ကိုးကားဖော်ပြပေးလိုက်ပါတယ်။ ဒီလိုကိုယ်ရည်ကိုယ်သွေးရှိတဲ့သူတွေကိုလည်း သိပ်သံယောဇဉ်မတွယ်ခင်မှာ ခပ်ဝေးဝေးကနေ ရှောင်ကြဖို့ ဖော်ပြပေးလိုက်ပါတယ်။

pexels/Vera Arsic

စိတ်ပိုင်းဆိုင်ရာဥာဏ်ရည်ချင်း ကွာခြားနေတာ

စိတ်ပိုင်းဆိုင်ရာ ဥာဏ်ရည်ဥာဏ်သွေးနိမ့်သူတွေဟာ သူများတွေနဲ့ ရင်းနှီးတဲ့ဆက်ဆံရေးမျိုး ထူထောင်ဖို့ခက်ခဲတဲ့အပြင် သူတို့နဲ့ နီးစပ်သူတွေအပေါ်မှာလည်း စာနာနားလည်မှူ အားနည်းပါတယ်။ ဒီလိုလူတွေဟာ စိတ်ခံစားချက် ပြင်းပြင်းထန်ထန်ဖြစ်ပေါ်တဲ့အခါမျိုးမှာ ကိုယ့်ကိုကိုယ် မထိန်းချုပ်နိုင်ကြပါဘူး။ စိတ်ပိုင်းဆိုင်ရာ ဥာဏ်ရည်ဥာဏ်သွေးနိမ့်သူတွေဟာ ကိုယ်ချင်းမစာတတ်သလို သူတို့မှားနေတာတောင်မှ အပြစ်ရှိမှန်း မခံစားမိတတ်ကြပါဘူး။ သူများပြောတာကိုလည်း နားထောင်လက်ခံနိုင်စွမ်း အားနည်းပါတယ်။ ဒီလိုလူမျိုးနဲ့သာ ချစ်ကြိုက်မိရင် ရေရှည်မှာ သင်တို့ရဲ့ အချစ်ခရီးက သာယာဖြောင့်ဖြူးမှာ မဟုတ်ပါဘူး။ ကိုယ်ကတော့ သူ့ဆီက နားလည်မှူနဲ့ နွေးထွေးကြင်နာမှူကို လိုအပ်နေပေမယ့် သူတို့ကတော့ သိသလို မသိသလိုနဲ့ ကိုယ့်ခံစားချက်တွကို လျစ်လျူရှူထားမှာပဲ ဖြစ်ပါတယ်။

pixels/Gratisography

ကိုယ်ပိုင်လွတ်လပ်မှူပျောက်ဆုံးနေတာ

တစ်ချို့ကျတော့လည်း ကိုယ့်မှာ ကိုယ်ပိုင်ဝါသနာပါတဲ့အရာ၊ စိတ်ဝင်စားတဲ့အရာတွေမရှိတဲ့အတွက် ရည်းစားရဲ့ လွတ်လပ်မှူကိုပါ လိုက်လံချုပ်နှောင်တတ်ကြပါတယ်။ ပထမတော့ ကိုယ်စိတ်ဝင်စားတဲ့အရာတွေကို သူလည်း စိတ်ဝင်စားပြီး လိုက်လုပ်တာက ကောင်းသလိုရှိပေမယ့် နောက်ပိုင်းမှာတော့ မွန်းကြပ်လာပါလိမ့်မယ်။ တစ်ခါတစ်လေ ကိုယ့်ရည်းစားကိုယ်တိုင်ကိုက သူတို့ဟာ ရည်းစားအပေါ်မှာ စိတ်ပိုင်းဆိုင်ရာအားဖြင့် အနိုင်အထက်ပြုကျင့်နေမှန်း သိတောင် မသိကြပါဘူး။

အကြောင်းကတော့ သူဟာ ကိုယ့်အပေါ် သူ့ဘ၀တစ်ခုလုံး ပုံအောပြီး ချစ်လိုက်တဲ့အတွက် သူ့ချစ်သူရဲ့ ပုဂ္ဂိလိက လွတ်လပ်ခွင့်ကိုပါ သူပိုင်တယ်အထင်နဲ့ ကျူးကျော်ရယူလာတာကြောင့် ဖြစ်ပါတယ်။ ဒါကြောင့် ကိုယ်ရည်ရွယ်ထားတဲ့သူဟာ အတွေးအခေါ်အပြုအမူလွတ်လပ်တဲ့သူလား၊ တစ်စုံတစ်ခုကို စိတ်ပြင်းပြင်းပြပြ ၀ါသနာထက်သန်သူဟုတ်ရဲ့လားဆိုတာ စောင့်ကြည့်သင့်ပါတယ်။ နို့မဟုတ်ရင်တော့ သူ့မှာလုပ်စရာမရှိတိုင်း တစ်ချိန်လုံးကိုယ့်ကို လာကပ်နေတာနဲ့ပဲ ကိုယ့်အချိန်တွေ ပြုန်းတီးသွားမှာ ဖြစ်ပါတယ်။

သင့်ကို ပြောင်းလဲဖို့ ကြိုးစားတာ

လူတိုင်းမှာ ကိုယ့်လက်တွဲဖော်နဲ့ပတ်သက်တဲ့ ကိုယ်ပိုင်အမြင်လေးတွေ ရှိကြပါတယ်။ ကိုယ့်လက်တွဲဖော်မှာ ဘယ်လိုအရည်အချင်းတွေတော့ ရှိသင့်တယ်၊ ဘယ်လိုပြုမူနေထိုင်သင့်တယ်၊ ၀င်ငွေဘယ်လောက်တော့ ရှိသင့်တယ် စတာမျိုးတွေပါ။ ဒါပေမယ့် တစ်ချို့လူတွေကတော့ ရည်းစားဖြစ်သူကို သူတို့စိတ်တိုင်းကျ အရုပ်တစ်ရုပ်လို ပုံသွင်းချင်ကြပါတယ်။ အ၀တ်အစားဝတ်ပြန်ရင်လည်း သူတို့စိတ်ကြိုက်မဟုတ်လို့ အပြောခံရ၊ အလုပ်ဆိုရင်လည်း လစာကောင်းတဲ့ အလုပ်ကို ရွေးမလုပ်ပဲ ဘာလို့ဒါမျိုးတွေလုပ်နေတာလဲလို့ ပြောလိုပြောနဲ့ ရည်းစားဖြစ်သူရဲ့ အမူအကျင့်တွေ၊ ဓလေ့စရိုက်တွေကို သူတို့ဖြစ်စေချင်တဲ့ပုံစံအတိုင်း ပြောင်းလဲပစ်တာမျိုးပါ။ တစ်ဖက်သားရဲ့ စိတ်ခံစားချက်ကိုလည်း သူတို့က ဂရုမစိုက်တော့ပါဘူး။ တကယ်လို့ တစ်ဖက်ရည်းစားက သူပြောတဲ့အတိုင်း မလိုက်နာနိုင်ခဲ့ရင်တော့ သူတို့ဟာ နှစ်ယောက်ဆက်ဆံရေးကို အလွယ်တကူနဲ့ စွန့်ခွာသွားတတ်ကြပါသေးတယ်။

pixels/Vera Arsic

သင့်အမြင်တွေကို လျစ်လျူရှူတာ

သမီးရည်းစားနှစ်ယောက် အပြင်ထွက်လည်တဲ့အခါ စားသောက်ဆိုင်ကို သူ့အကြိုက်ပဲ ရွေးတာ၊ ညစာကိုလည်း သူစိတ်ကြိုက်ပဲ မှာပြီးစားတာ၊ ရုပ်ရှင်ကြည့်တဲ့အခါမှာလည်း သူ့အကြိုက်ပဲ သူကြည့်တာ၊ ကိုယ့်မှာ ဆုံးဖြတ်ပိုင်ခွင့်မရှိ၊ကိုယ့်ကို တစ်ခါမှတောင် ရွေးချယ်ခွင့်မပေးဘူးဆိုရင်တော့ ဒါဟာ အဆိပ်အတောက်ဖြစ်နေတဲ့ သမီးရည်းစားဆက်ဆံရေးပါပဲ။ ကိစ္စသေးသေးပဲဖြစ်ဖြစ်၊ ကိစ္စကြီးကြီးပဲဖြစ်ဖြစ် ဘ၀တစ်လျှောက်လုံး လက်တွဲရမယ့် ကိုယ့်ကိုတောင် ဘာမှအသိမပေးပဲ သူ့သဘောနဲ့သူ ပြုလုပ်တတ်သူဆိုရင်တော့ ဒီအချစ်ရေးမှာ သင်ဟာ အမြဲတမ်းစိတ်ဆင်းရဲနေမှာ သေချာသလောက်ပါပဲ။ ဒီလိုလူတွေဟာ သူတို့သာ အကုန်သိ၊ သူတို့သာ အကုန်တတ်ပြီး တစ်ဖက်လူကိုတော့ သူတို့လောက်မှ မသိနားမလည်သူရယ်လို့ အထင်အမြင်သေးစွာ ဆက်ဆံတတ်ကြပါတယ်။

မသိရင်တော့ ကိုယ့်ကိုပဲ ဆုံးဖြတ်ချက်ချရာမှာ မှားမှာစိုးတဲ့အတွက် ကာကွယ်ပေးသလိုလိုနဲ့ တကယ်တမ်းတော့ ကိုယ့်မှာ လုပ်ပိုင်ခွင့် ပြောဆိုခွင့်ရယ်လို့ မရှိပဲ ကိုယ့်ဘ၀ဟာ ပျောက်ဆုံးသွားရတာပါ။ ကိုယ့်အမြင်ကို တင်ပြခွင့်မရှိပဲ ကိုယ့်ကို နားလည်ဖို့တောင် မကြိုးစားတဲ့သူနဲ့ ရေရှည်ဆက်ဆံဖို့ရာမှာ ဘယ်လိုမှ အဆင်ပြေမှာ မဟုတ်ပါဘူး။ ဒါကြောင့် အိမ်ထောင်မပြုခင်ကတည်းက ကိုယ်တွဲနေတဲ့သူမှာ ဒီလိုအချက်တွေများ ရှိနေသလား ကြည့်လိုက်ပါဦး။ ဒီလိုအချက်တွေရှိနေတယ်ဆိုရင်တော့ ကိုယ်အထိမနာခင်မှာ ကိုယ်နဲ့သူကြားက သမီးရည်းစားဆက်ဆံရေးကို စောစောစီးစီးသာ အဆုံးသတ်ကြပါလို့ တိုက်တွန်းလိုက်ရပါတယ်။

လင်းလင်း (ShweMom)

SHARE