အိပ်ပျော်ဖို့ခက်သူတွေအတွက် စက္ကန့်(၁၂၀)အတွင်း အိပ်ပျော်စေမယ့်နည်း

Gorodenkoff/Shutterstock

အိပ်ရေးပျက်တဲ့ဒဏ်ဟာ တစ်ခြားဒဏ်တွေနဲ့ မတူပါဘူး။ အိပ်ရေးပျက်တာများလာရင် လူကလည်း အားအင်မပြည့်သလိုလို၊ စိတ်ဓာတ်တွေ အလိုလိုကျဆင်းလာပါတယ်။ အာရုံစူးစိုက်နိုင်စွမ်းလည်း ကင်းမဲ့ပြီး၊ အလုပ်ခွင်မှာတောင် အလုပ်လုပ်လို့ လုပ်နေမှန်းမသိ ဖြစ်စေပါတယ်။ အိပ်ကောင်းခြင်း မအိပ်ရဘူးဆိုသူတွေအနေနဲ့ အခု ဖော်ပြမယ့် အိပ်နည်းလေးကို အသုံးပြုစေချင်ပါတယ်။ အလွန် လွယ်ကူပြီး (၂)မိနစ်အတွင်း အိပ်ပျော်စေနိုင်မှာပါ။

#မျက်နှာပြင်ကြွက်သားတွေကို ဖြေလျှော့ထားပါ

မျက်နှာပြင်ကို အရင်အာရုံစိုက်ပြီး မျက်လုံးကို ပိတ်လိုက်ပါ။ ဖြေးညှင်းစွာ အသက်ကို နက်နက်ရှိုင်းရှိုင်း ရှူသွင်းပါ ။မျက်နှာပြင် ကြွက်သား (၄၃)ခုကို တင်းတောင့်မနေစေဘဲ အားလုံးကို ဖြေလျှော့ထားပါ။ မျက်မှောင်ကျုံ့တာတွေ၊ မဲ့တာရွဲ့တာတွေ မလုပ်ပါနဲ့။

ပါးပြင်၊ ပါးစပ်၊ လျှာ၊ မေးရိုးတို့က သိတဲ့အထိ ရှူထားတဲု့ အသက်ကို ဖြေးညှင်းစွာပြန်ထုတ်ပါ။ မျက်လုံးတွေကို မမှိတ်တမှိတ်မဟုတ်ဘဲ၊ မျက်ခွံတွေအတွင်းမှာ နက်နက်ရှိုင်းရှိုင်း မှိတ်သွင်းထားပါ။ အားလုံးကို ဖိအားမထားဘဲ လွတ်လွတ်လပ်လပ် ပစ်ထားလိုက်ပါ။

Gorodenkoff/Shutterstock

#ပခုံးတွေကို အိပ်ရာနဲ့တစ်သားတည်း ဖြစ်ပါစေ

ပခုံးတွေကို တတ်နိုင်သမျှ အိပ်ရာနဲ့ တစ်သားတည်း ဖြစ်နေပါစေ။ ဒီလိုပဲ လည်ပင်းကိုလည်း ကြမ်းပြင်နဲ့ တပြေးညီဖြစ်နေပါစေ။ အဲဒီနောက်မှာတော့ လက်မောင်းကြွက်သားတွေ တစ်လျှောက်လုံးကို တင်းမာမနေစေဘဲ ဖြေလျှော့ထားလိုက်ပါ။ လက်ရုံးကြွက်သားတွေကို အထူးအာရုံစိုက်ပြီး ဖြေလျှော့ထားပါ။ အဲဒီနောက် လက်ဖျံဆီကို စိတ်အာရုံပြောင်းလိုက်ပြီး ဖြေလျှော့လိုက်ပါ။ ဒီလိုပြုလုပ်မှုမျိုးကို အလေ့အကျင့်ဖြစ်အောင် ထပ်ကာထပ်ကာ ပြုလုပ်ပေးပါ။

#ခြေထောက်တွေကို လျှော့ပေးပါ

အပေါ်ပိုင်းခန္ဓာကိုယ်ကို ပျော့ပျော့ပြောင်းပြောင်း ဖြစ်စေပြီးသကာလ အောက်ပိုင်းခန္ဓာကိုယ်ကို အာရုံစိုက်လိုက်ပါ။ ခြေထောက်အတွင်းက အကြောမှန်သမျှကို ပျော့ပျော့ပြောင်းပြောင်း ဖြစ်စေပြီး၊ တစ်ဖက်ချင်းကို ပေါင်ခြံကြွက်သားမှသည့် ခြေသလုံး ခြေဖျားတွေအထိ ဘာဖိအားမှမရှိစေဘဲ ပျော့ပြောင်းနေပါစေ။ နဖူးပြင် ကြွက်သားမှ ခြေချောင်းကြွက်သားလေးတွေအထိ ဖော့ဖယောင်းလို့ ပျော့ပြောင်းနေပါစေ။

Gorodenkoff/Shutterstock

#စိတ်အာရုံကို ရှင်းရှင်းထားပါ

အိပ်ခါနီးမှာ မဆပ်ရတဲ့အကြွေးတွေ၊ ရမယ့် အကြွေးစာရင်းတွေ စိတ်ထဲကနေ လိုက်ပေါင်းမနေပါနဲ့တော့။ စိတ်ကို ဘာမှ မရေးချယ်ရသေးတဲ့ ဝှိုက်ဘုတ်တစ်ခုလို သဘောထားလိုက်ပါ။ စိတ်ထဲမှာ မည့်သည့်အတွေးဖိအားမှ ရှိမနေပါစေနဲ့။ တစ်နေ့တာ ကျော်လွန်သွားတဲ့အချိန်တွေအကြောင်း ပြန်မစဉ်းစားဘဲ၊ အနာဂတ်အကြောင်းကိုလည်း မေ့ထားလိုက်ပါ။ စိတ်ကို ငြိမ်အောင်ထားပြီး ပုံရိပ်အငြိမ်တစ်ခုကို မြင်ယောင်နေလိုက်ပါ။

အမှောင်ခန်းတစ်ခုထဲမှာ ဟာလာဟင်းလင်း အိပ်စက်နေသလိုမျိုး စိတ်ကူးလိုက်ပါ။ တကယ်လို့ အတွေးကာ အာရုံမစိုက်နိုင်ဘဲ ပျံ့နေတယ်ဆိုရင် အချိန်အတိုင်းအတာတစ်ခုအတွင်း “မတွေးဘူး … မတွေးဘူး”ထပ်ကာထပ်ကာ ရွတ်နေလိုက်ပါ။ ဒါမှမဟုတ် အမှတ်စဉ် (၁-၂-၃)လောက်အထိ အကြိမ်ကြိမ် ရေတွက်နေလိုက်ပါ။

ဒီအချက်တွေကိုသာ အောင်မြင်စွာ ထိန်းချုပ်နိုင်မယ်ဆိုရင် သင်ဟာ (၂)မိနစ်အတွင်းမှာ ကောင်းကောင်း အိပ်ပျော်နေမှာပါ။ ဒီစနစ်ဟာ အမေရိကန် တိုက်ပွဲဝင်စစ်သည်တွေ ကျကျနန လေ့ကျင့်ထားတဲ့ နည်းစနစ်တွေဖြစ်ပါတယ်။ စစ်သားဆိုတော့ ရတဲ့အချိန်လေးမှာ ပျော်အောင်အိပ်ရတာမို့၊ ဒီနည်းနဲ့ အိပ်ချိန်ကို အမြန်လုယူရတယ်လို့ ဆိုပါတယ်။

လင်းဇော်ကို

SHARE