အိမ်သာထဲမှာ ဖုန်းသုံးရင်း အကြာကြီး ထိုင်တတ်သူတွေက လိပ်ခေါင်း ဖြစ်နိုင်ခြေပိုများ

cunaplus/Shutterstock

ဘယ်သူမှ ရောဂါတစ်မျိုးမျိုးကို ဖြစ်ချင်ပါတယ်လို့ တောင့်တကြမှာ မဟုတ်ပါဘူး။ ဘယ်သူပဲဖြစ်ဖြစ် အနာရောဂါကင်းကင်းနဲ့ ဘဝမှာ ပျော်ပျော်ရွှင်ရွှင် နေချင်ကြမှာပါ။ မလွှဲမရှောင်သာတဲ့ အခြေအနေမှသာ ဒီခန္ဓာကိုယ်ကြီးက ရောဂါတွေကို လက်ခံရတာ ဖြစ်ပါတယ်။ ဒီအထဲမှာ မလွှဲမသွေဆိုရင်တောင် လုံးဝ မဖြစ်ချင်ကြတဲ့ ရောဂါတွေ ရှိပါတယ်။

တစ်ချို့က လိင်ပိုင်းဆိုင်ရာ ကူးစက်ရောဂါတွေ ကြောက်ကြပါတယ်။ တစ်ချို့က ကင်ဆာလို ရောဂါဆိုးတွေကို လန့်ကြတယ်။ အဲဒီလို ရောဂါမျိုးတွေထဲမှာ လိပ်ခေါင်းရောဂါကလည်း တစ်ခုအပါအဝင် ဖြစ်မှာပါ။ လိပ်ခေါင်းရောဂါကို အင်္ဂလိပ်လို Haemorrhoids ခေါ်ပြီး Piles လို့လည်း လူသိများပါတယ်။

VGstockstudio/Shutterstock

စအိုကနေ အဖုအကျိတ်တွေ ထွက်လာတဲ့ ရောဂါပါ။ အူမကြီးရဲ့ ဖိအားသက်ရောက်မှု အလွန်များတဲ့ အခြေအနေကနေ အပြင်ဘက်ကို ကျွံလာတဲ့သဘောမျိုး ဖြစ်ပါတယ်။ အထိုင်များတဲ့သူတွေ အထူးသတိထားသင့်တဲ့ ရောဂါမျိုး ဖြစ်ပါတယ်။ အိမ်သာတက်တိုင်း ဖုန်းသုံးလေ့ရှိသူတွေလည်း သတိထားသင့်ပါတယ်။ တစ်ချို့က အိမ်သာတက်ရင်း ဖုန်းနဲ့ အချိန်ကုန်မှန်းမသိ ဖြစ်တတ်ပါတယ်။

READ
Tequila သောက်ခြင်းသည် ၀ိတ်ကျပြီး ဆီးချိုရောဂါကို ကြိုတင် ကာကွယ်ပေးနိုင်

ဒီလိုလူတွေဟာ လိပ်ခေါင်းနဲ့ တစ်ခြားကျန်းမာရေးဆိုးကျိုးတွေ ခံစားရလိမ့်မယ်လို့ ဒေါက်တာတွေက သတိပေးနေပါတယ်။ YouGov ကနေ ကောက်ယူခဲ့တဲ့စစ်တမ်းမှာ ဗြိတိန်လူမျိုး (၅၇)%ဟာ အိမ်သာတက်ရင်း ဖုန်းသုံးလေ့ရှိတယ်လို့ ဆိုကြပါတယ်။ ဒီအထဲမှာ (၈)%က အိမ်သာတက်ရင်း ဖုန်းနဲ့ အချိန်ဖြုန်းရတာကို အမြဲတမ်းလုပ်ဖြစ်တယ်လို့ ပြောကြပါတယ်။

WeAre/Shutterstock

Patient.info မှာ ဒေါက်တာ Sarah Jarvis က ဝမ်းချုပ်ခြင်းနဲ့ အိမ်သာတက်တဲ့အခါတိုင်း အားစိုက်ပြီး အလွန်ညှစ်ခြင်းတွေဟာ လိပ်ခေါင်းရောဂါရဲ့ ကနဦးအစတွေလို့ ဆိုပါတယ်။ နောက်ပြီး ကိုယ်ဝန်ဆောင်ခြင်း၊ အသည်းအသန် ချောင်းဆိုးခြင်းနဲ့ အသက်ကြီးလာခြင်းကလည်း လိပ်ခေါင်းရောဂါရဲ့ ဇစ်မြစ်တွေ ဖြစ်လာနိုင်ပါတယ်။

တစ်ချိန်က စာအုပ်ဖတ်ရင်းနဲ့ အိမ်သာတက်တဲ့ အလေ့အကျင့်အစား ဖုန်းနဲ့ အိမ်သာတက်တဲ့ အလေ့အကျင့် ပြောင်းလဲလာပါတယ်။ ဒါပေမယ့် အိမ်သာထဲမှာ ဘယ်လိုနည်းနဲ့အချိန်ဖြုန်းတာပဲဖြစ်ဖြစ် လိပ်ခေါင်းရောဂါကို ကြောက်ရွံ့တယ်ဆိုရင် ရှောင်ရှားသင့်တယ်လို့ ဒေါက်တာတွေက အကြံပေးထားပါတယ်။

READ
ဒူးနာဝေဒနာ သက်သာစေပြီး အကုန်အကျလည်းနည်းတဲ့ အိမ်တွင်းဆေးကုထုံးများ

လင်းသူရိန်

SHARE