Vape သောက်သုံးခြင်းဟာ အာရုံကြောဆဲလ်တွေကို ပျက်စီးစေကြောင်း သိရ

Shutterstock/ Prostock-studio

လူအများစုက အီးစီးကရက်တွေဟာ အန္တရာယ်သိပ်မရှိဘူးဆိုပြီး ဆေးလိပ်နေရာမှာ အစားထိုးသောက်ကြပါတယ်။ ဒါပေမယ့် ကယ်လီဖိုးနီးယားတက္ကသိုလ်က သုတေသနပညာရှင်တွေကတော့ အီးစီးကရက်တွေဟာ အာရုံကြောပင်မဆဲလ်တွေကို ဖိအားဖြစ်စေတာကြောင့် ဦးနှောက်ကျန်းမာရေးအတွက် မကောင်းဘူးလို့ ဆိုခဲ့ပါတယ်။

ဒီသုတေသနမှာ ပညာရှင်တွေဟာ အီလက်ထရောနစ်စီးကရက်ကို ကြွက်တွေနဲ့စမ်းသပ်ခဲ့တာ ဖြစ်ပါတယ်။ ဒီအခါမှာ တွေ့ရှိရတာက အီးစီးကရက်တွေဟာ ကြွက်တွေရဲ့ ဆဲလ်တွေကို စွမ်းအားဖြည့်တင်းပေးတဲ့ မိုင်တိုခွန်းဒရီးယားတွေကို သွားရောက်တိုက်ခိုက်တယ်ဆိုတာကိုပါ။

Shutterstock/GrungeElfz

အီးစီးကရက်တွေက ထွက်လာတဲ့ နီကိုတင်းတွေဟာ အာရုံကြောပင်မဆဲလ်တွေကို ကယ်လ်ဆီယမ်တွေ ဖုံးလွှမ်းသွားစေပါတယ်။ ပင်မဆဲလ်တွေမှာ ကယ်လ်ဆီယမ်တွေဟာ များလာတာကြောင့် ဆဲလ်တွေရဲ့ မိုင်တိုခွန်းဒရီးယားတွေဟာ ယောင်လာပြီး ကျိုးပျက်ကုန်ကာ နောက်ဆုံးဆဲလ်တွေသေတဲ့အထိ ဖြစ်ပွားလာတာ ဖြစ်ပါတယ်။

အီးစီးကရက်တွေကို စတင်မိတ်ဆက်တုန်းက သာမန်စီးကရက်တွေထက် အန္တရာယ်ပိုကင်းတယ်ဆိုပြီး ဈေးကွက်ထဲ ၀င်လာခဲ့တာပါ။ သုတေသနပညာရှင်တစ်ဦးဖြစ်တဲ့ ဒေါက်တာဇာဟာဒီကတော့ “အစတုန်းကတော့ Vuse နဲ့ JUUL လို အီးစီးကရက်တွေက ကျန်းမာရေးအတွက် အန္တရာယ်မရှိဘူး၊ ဆေးလိပ်ထက် ပိုအန္တရာယ်ကင်းတယ်လို့ ဆိုပြီး ဈေးကွက်မှာ ပြန့်နှံ့လာခဲ့တာပါ။ ဒါပေမယ့် အီးစီးကရက်တွေက အန္တရာယ်ရှိနိုင်ပါတယ်။ ရေတိုသောက်သုံးရင်တော့ ဆဲလ်တွေအပေါ်မှာ ဖိစီးမှုဖြစ်စေမှာဖြစ်ပြီး ရေရှည်သောက်သုံးရင်တော့ ဆဲလ်တွေသေဆုံးတာ ဒါမှမဟုတ် ရောဂါရတာတွေ ဖြစ်နိုင်ပါတယ်…” လို့ ရှင်းပြခဲ့ပါတယ်။

READ
လျှာဖြူနေရင် ဘယ်လိုလုပ်ရမလဲဆိုတဲ့ နည်းလမ်းများ
Shutterstock/ Aliaksandr Barouski

လင်းလင်း (ShweMom)

Ref : news.usc.edu

SHARE