E-စီးကရက်ကြောင့်ထွက်ပေါ်လာခဲ့တဲ့ ထိတ်လန့်စရာအဖြေတွေ

Oleggg/Shutterstock

အမေရိကန်အခြေစိုက်၊ Centre for Disease Control and Prevention မှ E-စီးကရက် သောက်သုံးခြင်းကြောင့် ဖြစ်ပေါ်လာတဲ့ ဘေးထွက်ဆိုးကျိုးတွေနဲ့ ဆက်စပ်ဖြစ်ပေါ်လာတဲ့ သေလုမျောပါး အဆုတ်ရောဂါတွေအကြောင်းကို စဉ်ဆက်မပြတ် လေ့လာနေခဲ့ရာ၊ ထိတ်လန့်စရာ အဖြေတွေ ထွက်ပေါ်လာခဲ့ပါတယ်။

အဲဒါကတော့ E-စီးကရက် သောက်သုံးခြင်းကြောင့် လက်ရှိအချိန်မှာ လူ(၄)ယောက်အထိ သေဆုံးသွားပြီလို့ သိရပါတယ်။ အမေရိကန် ပြည်နယ် (၃၃)ခုမှာ  လက်ရှိအချိန် လူပေါင်း (၄၅၀)အထိ ပြင်းထန်အဆုတ်ရောဂါတွေနဲ့ အသည်းအသန် ဖြစ်နေပါတယ်။ ဒါပေမယ့် ရောဂါထိန်းချုပ်ရေးစင်တာကတော့ ဖြစ်စဉ် (၂၁၅)ခုကိုသာ မှတ်တမ်းတင်ထားနိုင်ခဲ့သေးတာပါ။

Tibanna79/Shutterstock

အဲဒီလူနာ အများစုဟာ အဆုတ်ရောဂါတွေနဲ့ ဆက်စပ်နေပြီး၊ အားလုံးဟာ E-စီးကရက် သောက်သုံးခြင်းနဲ့ THC Vaping (Tetrahydrocannabinol အငွေ့ကို ရှူသွင်းခြင်း)တွေကြောင့် ဆက်စပ်ဖြစ်ပေါ်လာတာလို့ ကျွမ်းကျင်ပညာရှင်တွေက အတည်ပြုခဲ့တာပါ။ တကယ်တော့ THC ဓာတ်ဟာ ဆေးခြောက်တွေမှာသာ တွေ့ရတာဆိုပေမယ့် အခု e-liquid ပုံစံမျိုးနဲ့ ရနေပါပြီ။

Gurnee, Illinois မှာနေထိုင်တဲ့ အသက်(၁၈)နှစ်အရွယ် Adam Hergenreder ဟာ E-စီးကရက် သောက်သုံးခြင်း (၂)နှစ်သာရှိသေးပေမယ့်၊ အဆုတ်ရောဂါနဲ့ ဆေးခန်းပြရတော့၊ သူရဲ့အဆုတ်ဟာ နှစ်(၇၀)အဖိုးအိုတစ်ယောက်ရဲ့ အဆုတ်လိုသာ အလုပ်လုပ်နိုင်တော့တယ်လို့ သိရပါတယ်။

 

E-စီးကရက် သောက်သုံးခြင်းကြောင့် ဖြစ်ပေါ်လာတဲ့ ဖျားနာရောဂါကို Worrisome cluster of pulmonary diseases လို့ Harvard University ဆေးဘက်ဆိုင်ရာပညာရှင်တွေက အမည်ပေးလိုက်ပါတယ်။ ပြီးခဲ့တဲ့ ရက်ပိုင်းကပဲ ဒီရောဂါနဲ့ Illinois မှာ လူငယ်တစ်ယောက် စောစောစီးစီး သေဆုံးခဲ့ရပြီး၊ တစ်ပတ်အကြာမှာ နောက်ထပ် (၃)ယောက် သေဆုံးခဲ့ရပါတယ်။

Tibanna79/Shutterstock

Centre for Disease Control and Prevention ကတော့ E-စီးကရက် သောက်သုံးခြင်းကို ရပ်တန့်ဖို့ တိုက်တွန်းမှုတွေ ပြုလုပ်နေပြီဖြစ်ပြီး၊ E-စီးကရက် သောက်သုံးခြင်းနဲ့ ဆက်စပ်တဲ့ ပစ္စည်းကိရိယာတွေ ထုတ်လုပ်ရောင်းချမှုကိုလည်း အမေရိကန်တစ်ခွင်မှာ တားမြစ်သွားဖို့ စီစဉ်မှုတွေပြုလုပ်နေတယ်လို့ သိရပါတယ်။

လင်းသုတ

SHARE