Facebook ပေါ်မှာ လူကြည့်များနေတဲ့ ကောင်မလေးတစ်ယောက်ရဲ့ဗီဒီယို

Jose Mondragon/Facebook

စူပါမားကတ်တွေက မှန်တံခါးတွေကို မမြင်မစမ်းနဲ့ဝင်ဝင်တိုက်ဖူးတဲ့သူတွေ ဘယ်နယောက်ရှိလဲ။ ကိုယ်ကတော့ ငယ်ငယ်ကတည်းက မှန်တွေကိုဝင်ဝင်ကျုံးနေတာ အခုအသက်အထိပဲ။ အခုတလော Facebook မှာ လူတွေကြားထဲ ရေပန်းစားနေတဲ့ ဗီဒီယိုတစ်ခုရှိနေပါတယ်။

မှန်တံခါးတွေနဲ့ကာထားတဲ့ အခန်းထဲကို ဝင်ချင်လို့ ဝင်မလို့ကြိုးစားလိုက်တိုင်း တကယ့်ဝင်ပေါက်နဲ့မတွေ့ဘဲ ဝင်ဝင်တိုက်မိနေခဲ့တဲ့ ကောင်မလေးရဲ့ဗီဒီယိုပါ။

Jose Mondragon/Facebook

ဒီဗီဒီယိုကိုတော့ စီစီတီဗီက ယူထားတာဖြစ်ပြီး ဖြစ်ပုံကတော့ ဒီလိုပါ။ အဝတ်အစားအမည်းရောင်ဝတ်ထားတဲ့ ကောင်မလေးတစ်ယောက်ဟာ ရုတ်တရက် စီစီတီဗီမြင်ကွင်းထဲရောက်လာခဲ့ပါတယ်။ အခန်းထဲကို ဝင်မလို့ဆိုပြီး မှန်ကာထားမှန်းမသိဘဲနဲ့ အရှိန်နဲ့ဝင်ချလိုက်တာ မှန်တံခါးနဲ့ နှာဖူးနဲ့မိတ်ဆက်သွားခဲ့ပါတယ်။ နောက် သူ့ဟာသူ ဘေးကလူတွေကို ရှက်ကိုးရှက်ကမ်းဖြစ်ပြီး ရှေ့နည်းနည်းလေးဆက်သွားကာ ထပ်ဝင်ခဲ့ပါတယ်။

Jose Mondragon/Facebook

ဒုတိယတစ်ခါမှာလည်း ကံမကောင်းစွာနဲ့ မှန်နဲ့ပဲ ထပ်တိုးကာ နှဖူးမှာ အာလူးသီးအပိုဆုရသွားခဲ့ပြန်ပါတယ်။ ပိုရှက်သွားခဲ့ပြီး ခေါင်းကြီးငုံ့ကာ အပေါက်လို့ထင်ပြီး နောက်ထပ် မှန်တစ်ချပ်ကို ထပ်တိုက်ပြန်ပါတယ်။ ဒီလိုနဲ့ သုံးကြိမ်သုံးခါတိုက်မိအပြီးမှာတော့ တကယ့်တံခါးပေါက်အစစ်ကို ရှာတွေ့သွားခဲ့ပါတော့တယ်။ သူကမမြင်စမ်းကမ်းနဲ့ မှန်တွေဝင်ဝင်တိုက်နေပေမယ့် ဘေးကထိုင်နေတဲ့လူတွေကတော့ ဘာများဖြစ်တာလဲဆိုပြီး ထိုင်နေရာကထိပြေးတော့မလိုတွေတောင် ပြင်နေခဲ့ပါတယ်။

READ
ဓာတ်ပုံထဲမှာ တိရစ္ဆာန်ဘယ်နှစ်ကောင်ပါဝင်လဲ (မျက်လုံးလျင်မှတွေ့မည်)

https://www.facebook.com/josemondragon0707/videos/10156099261891286/

Penny

SHARE