အလုပ်ကိုလမ်းလျှောက်သွားခြင်းဟာ သင့်ကိုအသက်ပိုရှည်စေတာ သင်သိပြီးပြီလား။

ခေတ်စနစ်တွေတိုးတက်လာတာနဲ့အမျှ ကျွန်တော်တို့ရဲ့လုပ်ငန်းတွေမှာလည်း ကွန်ပြူတာတွေ၊ လက်ပ်တော့တွေဟာ မရှိမဖြစ်အခန်းကဏ္ဍမှ ပါဝင်လာကြတဲ့အတွက် အလုပ်ချိန် ၈ နာရီလုံးလုံးဟာ အလုပ်စားပွဲမှာထိုင်ပြီး ဖန်သားပြင်ကိုကြည့်ရင်းနဲ့ပဲ အချိန်ကုန်တတ်ကြပါတယ်။

အလုပ်တွေနဲ့ပဲပိနေတာမို့ ကျန်းမာရေးပညာရှင်တွေ အကြံပေးထားကြသလိုမျိုး တစ်နာရီခြားတစ်ခါလမ်းထလျှောက်ပေးတာတို့၊ ကိုယ်လက်လှုပ်ရှားမှု ပြုလုပ်ပေးသင့်တာတို့ကို အချိန်မပေးနိုင်ကြသလို မေ့လျော့တာမျိုးတွေလည်း ဖြစ်နေကြပါတယ်။ မနက်မိုးလင်တာနဲ့ အလုပ်မှာ ၈ နာရီလောက်ထိုင်၊ အိမ်ပြန်ရောက်တော့လည်း အိပ်လျက်ဖြစ်စေ၊ ထိုင်လျက်ဖြစ်စေ ဖုန်းသုံးတာတို့ ရုပ်သံကြည့်တာတို့ ပြုလုပ်တတ်ကြတာမို့ တစ်နေ့တစ်နေ့ ကျွန်တော်တို့အတွက် ကိုယ်လက်လှုပ်ရှားမှုဆိုတာ မရှိမဖြစ်ပါပဲ။

pixabay

ပညာရှင်တွေကတော့ တစ်ရက်ကို အနည်းဆုံး ၆ နာရီလုံးလုံးအဆက်မပြတ်ထိုင်နေခြင်းဟာ သင့်အတွက်အသက်အန္တရာယ်ထိခိုက်စေမယ့်ဆိုးဆိုးရွားရွားကျန်းမာရေးရလဒ်တွေကို ကိုယ်လက်လှုပ်ရှားမှုရှိသူတွေထက် ၄% ပိုပြီး ကျရောက်စေတယ်လို့ ပြောထားကြပါတယ်။ ဒါဆိုကျွန်တော်တို့တွေ ထိုင်တာနဲ့ကာမိအောင် အချိန်မရှိတဲ့ကြားထဲကမှ ဘယ်လိုမျိုးကိုယ်လက်လှုပ်ရှားမှုပြုလုပ်မလဲဆိုတာ ကြည့်လိုက်ကြရအောင်ပါနော်။

ကျန်းမာရေးပညာရှင်တွေပြောတဲ့ အကောင်းဆုံးသောအကြံအစည်ကတော့ အလုပ်သွားအလုပ်ပြန်အချိန်တွေကို လမ်းလျှောက်ပါလို့ အကြံပြုထားကြပါတယ်။ တစ်ပတ်မှာ အနည်းဆုံး မိနစ် ၃၀၀ လောက် လမ်းလျှောက်ပေးမယ်ဆိုရင်တော့ တစ်ပတ်မှာငါးရက်လောက်ရဲ့ ၆ နာရီကြာအောင် အဆက်မပြတ်ထိုင်နေခြင်းအတွက် ကာမိတယ်လို့ဆိုပါတယ်။ အချိုးပြန်ချရမယ်ဆိုရင်တော့ တစ်ရက်မှာ နာရီဝက်လောက် လမ်းလျှောက်သင့်ပါတယ်။

READ
ဖုန်းကိုခေါင်းအုံးဘေးမှာထားခြင်းရဲ့ ကြီးမားလှတဲ့အန္တာရယ်
pixabay

အချိန်ကလည်း သက်သက်မပေးနိုင်တာမို့ အလုပ်သွားချိန်နဲ့ အလုပ်ပြန်ချိန်တွေမှာ အသွားကို ၁၅ မိနစ်၊ အပြန်ကို ၁၅ မိနစ်နဲ့ စုစုပေါင်း မိနစ်၃၀ လမ်းလျှောက်ပေးရုံနဲ့ လုံလောက်သွားပါပြီ။ ဒီလေ့လာချက်ကိုတော့ သြစတေးလျနိုင်င်မှ University of Sydney ရဲ့ ပါက္ခေတွေနဲ့ သုတေသီတွေကနေ  တွေ့ရှိထားကြတာပါ။

လမ်းလျှောက်ခြင်းမှရရှိနိုင်မယ့် အံ့သြဖွယ်အကျိုးကျေးဇူးတွေကိုတော့ ဒီမှာနှိပ်ပြီးဖတ်နိုင်ပါတယ်။

pixabay

Source: Daily Mail

Penny

 

SHARE