တိရိစ္ဆာန်ရုံထဲနေနေရလို ခံစားမှုမျိုးပေးနိုင်မယ့် Walrus House အပန်းဖြေစခန်းလေး

Instagram- @ pairidaizaofficial

ဟိုတယ်ဆိုတာနဲ့ နံရံအဖြူ၊ အိပ်ယာခင်းအဖြူတွေနဲ့ လေးဖက်လေးလံပိတ်လှောင်နေတဲ့ အခန်းလို့ပဲ တော်တောများများ မြင်မိကြမှာပါပဲ။ ဒီလိုမဟုတ်ဘဲနဲ့ တောရိုင်းတိရိစ္ဆာန်တွေနဲ့အတူတူ နေနေရတဲ့ခံစားမှု ခပ်ဆန်းဆန်းလေးပေးနိုင်မယ့် ဟိုတယ်လေးဆိုရင်ရော စိတ်ဝင်စားကြမှာလား။

အဲဒီလိုဟိုတယ်လေးတစ်ခု ဘယ်လ်ဂျီယမ်မှာရှိပါတယ်။ Pairi Daiza အပန်းဖြေစခန်းမှာရှိနေတဲ့ Walrus House ဟိုတယ်ခန်းလေးတွေပါ။ ဒီအတိုင်းကြည့်မယ်ဆိုရင်တော့ သာမန်ဟိုတယ်ခန်းတွေလိုမျိုးဖြစ်ပေမယ့်လို့ တခြားသောဟိုတယ်တွေနဲ့ လုံးဝမတူဘဲကွဲပြားနေတာလေးကတော့ ဟိုတယ်ခန်းတိုင်းမှာရှိနေတဲ့ ပြူတင်းပေါက်ကြီးတွေပဲဖြစ်ပါတယ်။

အခန်းတစ်ခန်းစာအမြင့်နဲ့ နံရံတစ်ချပ်စာရှိနေတဲ့ ပြူတင်းပေါက်ကြီးတွေကနေတစ်ဆင့် သင်ဟာ တောရိုင်းတိရိစ္ဆာန်လေးတွေနဲ့ သဘာဝအတိုင်း အတူတူနေထိုင်နေရတဲ့ ခံစားမှုမျိုး ဖြစ်လာစေမှာပါ။

https://www.instagram.com/p/CBXwPZYICMQ/

https://www.instagram.com/p/CCgY0MooSlM/

အခန်းယူတဲ့အခါမှာတော့ သင့်အနေနဲ့ ဘယ်အကောင်လေးကို မြင်ချင်လဲဆိုတာအပေါ် မူတည်တာပေါ့။ ဥပမာ ဖျံကြီးတွေကိုမြင်ချင်တာလား၊ ပိုလာဝက်ဝံတွေကိုလား ဒါမှမဟုတ် ကုန်းပေါ်မှာရှိနေတဲ့ အစားကြီးတဲ့ ဝက်ဝံကြီးတွေကိုလား စသဖြင့်ရွေးချယ်လို့ရပါတယ်တဲ့။ ဒီအပြင် သမင်တွေ၊ ကျားတွေ၊ ဝံပုလွေတွေကိုမြင်နိုင်တဲ့အခန်းတွေလည်းရှိနေသေးတာကြောင့် ရွေးချယ်စရာကတော့ စုံမှစုံပါပဲ။

သာမန်အချိန်ဆိုရင် တောရိုင်းတိရိစ္ဆာန်တွေကို အနီးကပ်ကြည့်ဖို့ အခွင့်အရေးက မဖြစ်နိုင်သလောက်ပါပဲ။ အခုလို စိတ်ချရတဲ့ မှန်တွေကာရံထားပြီး နီးနီးကပ်ကပ်မြင်တွေ့ရမယ်ဆိုတော့ ဘယ်လ်ဂျီယမ်ရောက်ရင်တော့ သွားတည်းသင့်တဲ့ ဟိုတယ်လေးတစ်ခုပါပဲ။

READ
Spider-man ဝတ်စုံနဲ့ အိုမန်မှာ တောင်တက်ခဲ့တဲ့ ခရီးသွားဆောင်းပါးရှင်

အသေးစိတ်ကိုတော့ www.pairidaiza.eu မှာ ဝင်ရောက်လေ့လာနုိုင်ပါတယ်။

https://www.instagram.com/p/CBAJnNNo1uh/

https://www.instagram.com/p/CBLNV59Abo9/

Penny

SHARE