လိင်မူကိစ္စမပါပဲ တယောက်နဲ့တယောက်ဖြူဖြူစင်စင်အရူးအမူးချစ်သွားစေမဲ့ နည်းလမ်းများ

shutterstock/By stockfour

ချစ်ခရီးလမ်းဖြောင့်ဖြူးသာယာဖို့နဲ့ တစ်ယောက်နဲ့တစ်ယောက်ကြား ချစ်ခြင်းတွေခိုင်မြဲဖို့၊ ရူးရူးမူးမူးချစ်သွားစေဖို့ဆိုတာ လိင်ကိစ္စက အဓိကမဟုတ်ပါဘူး။ ဒါကြောင့်မို့လို့ တစ်ယောက်နဲ့တစ်ယောက်ကြားမှာဖြစ်တဲ့ မေတ္တာတရားတွေနဲ့ ချစ်နိုင်ဖို့အတွက် နည်းလမ်းလေးတွေကို ဖော်ပြပေးလိုက်ပါတယ်။

(၁) စကားပြောပါ

shutterstock/By Monkey Business Images

နေရောင်အောက်မှာထိုင်၊ တစ်ယောက်မျက်နှာတစ်ယောက်ကြည့်ပြီး ပြောချင်တာတွေအကုန်၊ ပေါက်တတ်ကရကစလို့ ရင်ထဲမှာခံစားရသမျှ၊ ကြုံရသမျှ ကိစ္စတွေကို ပြောကြပါ။ ဒါဟာ အရမ်းကိုအရေးကြီးတဲ့ တစ်ယောက်နဲ့တစ်ယောက်ကြားက ဆက်ဆံရေးကိုတိုးမြှင့်ပေးခြင်းဖြစ်ပါတယ်။

(၂) ညှိနှိုင်းပါ

သင်တို့တစ်ယောက်နဲ့တစ်ယောက်ကြားမှာ မတူညီမှုတွေ၊ သဘောထားကွဲလွဲမှုတွေ၊ အမြင်မတူတာတွေ အများကြီးရှိမှာပါ။ ဒါပေမယ့် မတူညီတဲ့အရာတစ်ခုစီတိုင်းကို ညှိနှိုင်းပါ၊ ဆွေးနွေးပါ။ တစ်ယောက်နဲ့တစ်ယောက်ကြားမှာ တန်းတူညီမျှအခွင့်အရေးတွေရှိဖို့ အရမ်းကိုအရေးကြီးပါတယ်။

(၃) အသေးအမွှားကအစ ဂရုစိုက်ပါ

တစ်ယောက်နဲ့တစ်ယောက်ကြားက ခံစားချက်သေးသေးလေးတွေကအစ ဂရုစိုက်ပေးကြပါ။ တစ်ခါတလေ အမှိုက်ကစ ပြသာဒ်မီးလောင်တတ်တာကို သတိရပါ။ မနက်ပိုင်းမှာ စကားချိုချိုလေးတွေနဲ့နှုတ်ဆက်တာ၊ ရုတ်တရက်ပွေ့ဖက်တာ၊ ညအိပ်ခါနီးတိုင်း ချိုသာစွာစကားလေးတွေပြောတာမျိုးလေးတွေလုပ်ပေးပါ။ ဒါလေးတွေက ဘာမဟုတ်တဲ့ ကိစ္စလေးတွေလို့ထင်ရပေမယ့် တစ်ယောက်နဲ့တစ်ယောက် ချစ်ခြင်းသံယောဇဉ်တွေကို ခိုင်မြဲစေတဲ့ အရာလေးတွေဖြစ်ပါတယ်။

READ
အဖော်ကွဲနေတဲ့ဝက်ဝံမောင်နှမ ပြန်တွေ့တော့ လူတွေလို ၀မ်းသာအားရ ပွေ့ဖက် နှုတ်ဆက်ကြ

(၄) အမြဲတမ်းအားပေးကူညီကြပါ

တစ်ယောက်ဟာ ကျန်တစ်ယောက်အတွက် အမာခံပရိသတ်ဖြစ်နေရမှာပါ။ တစ်ယောက်ရဲ့ခြေလှမ်းတိုင်းကို တစ်ယောက်က အားပေးပါ၊ ကူညီဖေးမပေးပါ။ ဒါဟာအရမ်းကိုအရေးကြီးတဲ့အချက်တစ်ချက်ဖြစ်ပါတယ်။

(၅) အားစိုက်ထုတ်ပါ

shuterstock/By Josep Suria

တစ်ခါတလေ ပင်ပန်းနွမ်းနယ်လို့ပဲဖြစ်ဖြစ်၊ စိတ်သိပ်မပါလို့ပဲဖြစ်ဖြစ် ချစ်သူကို ခေါက်ထားတတ်ကြပါတယ်။ ဒါဟာမဖြစ်သင့်ပါဘူး။ တစ်ခါတလေ အဲလိုအချိန်လေးတွေမှာ အားစိုက်ထုတ်ဖို့လိုအပ်ပါတယ်။ အကြောင်းကတော့ သင့်ဖက်က စိတ်မပါရင်တောင် သူ့ဖက်ကတော့ မျှော်လင့်နေတတ်လို့ပါ။

(၆) ပျော်ရွှင်စွာအချိန်ယူပါ

အလုပ်ပိတ်ရက်တွေမှာပဲဖြစ်ဖြစ်၊ အားလပ်ရက်တွေမှာပဲဖြစ်ဖြစ် မကြာခဏဆိုသလို တစ်ယောက်နဲ့တစ်ယောက် ချိန်းတွေ့တာမျိုး၊ အပျော်ခရီးလေးတွေသွားတာမျိုး၊ လျှောက်လည်ပတ်တာမျိုးလေးတွေနဲ့ အချိန်ကုန်ဆုံးပါ။

(၇) ချီးကျူးဖို့မမေ့ပါနဲ့

shutterstock/By ESB Professional

တစ်ယောက်ကိုတစ်ယောက် ချီးကျူးပြောဆိုဖို့၊ အမွှမ်းတင်ပြောဆိုဖို့၊ ကျေးဇူးတင်စကားပြောဆိုဖို့ မမေ့ပါနဲ့။ အသေးအမွှားလေးတွေကအစ တန်ဖိုးထားလေးစားစွာ ကျေးဇူးတင်စကားလေးတွေ၊ ချစ်ခြင်းလေးတွေ ပြသပေးဖို့မမေ့ပါနဲ့။ ဒါဟာ အရမ်းကိုအဓိကကျတဲ့သော့ချက်ဖြစ်ပါတယ်။

READ
အကြွေးရှိနေသူတွေကို ကိုက်(၅၀၀) အတွင်းက ရှောင်ရှားနိုင်မယ့် App

Em Em

SHARE